នៅខ្មែរយើង មានពលរដ្ឋមួយចំនួន ឲ្យតែមិនស្រួលខ្លួន តែងតែកោសខ្យល់ ឬជប់ខ្យល់ហើយ។ តែនៅអេហ្ស៊ីប ក៏មានការម៉ាស្សាមួយ ស្រដៀងនឹងការជប់ខ្យល់នៅខ្មែរយើងដែរ ដោយជួយបំបាត់ការឈឺចាប់សាច់ដុំ។
នៅអេហ្ស៊ីប មានវិធីម៉ាស្សាបុរាណ ស្រដៀងការជប់ខ្យល់នៅខ្មែរយើង
ត្រួតពិនិត្យដោយ ជីព ចិត្ត
លោក Abdel Rehim Saeid អាយុ ៣៥ឆ្នាំ ជាអ្នកម៉ាស្សាវិធីនេះ នៅតំបន់ Gharbeya របស់អេហ្ស៊ីប។ វិធីម៉ាស្សា ហៅថា “Fiery Towel” ដោយប្រើប្រេង និងផ្កាស្បៃរឿង ដើម្បីរំញោចចលនាឈាម និងបំបាត់ការឈឺចាប់នៅលើរាងកាយ។
ងាកទៅការប្រើកម្ដៅម៉ាស្សាវិញ បុរសជនជាតិអេហ្ស៊ីបរូបនេះ បានដាក់វត្ថុរាងស៊ីឡាំងមួយចំនួន លើខ្នងអតិថិជន និងបានដុតភ្លើងនៅផ្នែកខាងលើ នៃស៊ីឡាំងនោះ។ វិធីនេះ គឺស្រដៀងការជប់ខ្យល់នៅស្រុកខ្មែរយើង។
បន្ទាប់មកទៀត អ្នកម៉ាស្សា បានដាក់កន្សែងជាច្រើនជាន់ និងសម្ភារៈមួយចំនួនទៀត លើខ្នងអតិថិជន ហើយយកកន្សែងមួយជ្រលក់អាល់កុល និងដាក់ពីលើកន្សែងដែលនៅលើខ្នង រួចហើយដុតភ្លើង។ វាត្រូវទុកឲ្យឆេះ ១នាទី មុនអណ្ដាតភ្លើង ឆាបឆេះពេញលើកន្សែងដែលជ្រលក់អាល់កុល។
លោក Abdel Rehim Saeid បញ្ជាក់ថា លោកបានរៀនវិធីម៉ាស្សានេះ ពីអ្នកជំនាញម្នាក់ នៅក្នុងប្រទេសម៉ារ៉ុក។ តែលោកមិនប្រើវិធីម៉ាស្សានេះ លើអ្នកលើសឈាម ខ្សោយតម្រងនោម និងអ្នកជំងឺឈាមក្រកក Haemophilia។
លោក Mohammed al-Shaer អតិថិជនម្នាក់ បញ្ជាក់ថា ការឈឺចាប់របស់លោក បានធូរស្រាល ១០០% ក្រោយការម៉ាស្សា។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ជីព ចិត្ត
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម