បន្លែគ្រប់ប្រភេទល្អចំពោះសុខភាព ប៉ុន្តែមានក្មេងមិនច្រើននាក់ទេដែលចូលចិត្តញ៉ាំ តែបែរជាចូលចិត្តញ៉ាំតែសាច់វិញ ហើយទាំងនេះជាក្ដីកង្វល់របស់ម៉ាក់ប៉ាជាច្រើន។ ដើម្បីដោះស្រាយបញ្ហាឈឺក្បាលនេះ លោកស្រីវេជ្ជបណ្ឌិត ហួរ ដានេ អនុប្រធាននាយកដ្ឋានអាហារូបត្ថម្ភ នៃមន្ទីរពេទ្យកុមារជាតិ នឹងណែនាំម៉ាក់ប៉ាឲ្យបង្រៀនកូនញ៉ាំកូនដូចខាងក្រោម។
១- ត្រូវចិតបន្លែឲ្យតូចៗលាយជាមួយបាយ និងសាច់ឲ្យកូនញ៉ាំចូលគ្នា តែត្រូវលាក់បាំងមិនឲ្យឃើញ។
២- ទម្លាប់ឲ្យកូនកាន់បន្លែញ៉ាំលេងដូចកាន់នំ ឬសាច់ ដើម្បីឲ្យកូនកាន់តែញ៉ាំស្និទ្ធ។
៣- មិនមែនឲ្យកូនញ៉ាំបន្លែតែឯងនោះទេ យើងត្រូវចូលរួមញ៉ាំឲ្យកូនឃើញដែរ ទើបគេគិតថាងាយចង់ញ៉ាំ។
៤- ច្នៃបន្លែឲ្យមានសភាពគួរចង់ញ៉ាំ ទើបអាចបោកបញ្ឆោតក្មេងឲ្យញ៉ាំបាន។ ប្រសិនបើឲ្យញ៉ាំទាំងគ្មានការច្នៃប្រឌិតឲ្យស្អាត នោះមិនទាក់ទាញក្មេងឡើយ។
៥- កិនបន្លែឲ្យម៉ដ្ត ព្រោះក្មេងខ្លះប្រសិនបើឃើញរូបរាងបន្លែ គេគេចវេះមិនញ៉ាំឡើយ។ ដូចនេះបើកិនឲ្យម៉ដ្តវិញ កូនមិនដឹងថានោះជាអ្វីឡើយ។
អត្ថបទពាក់ព័ន្ធ៖
- ម៉ាក់ប៉ាអន់កម្ពស់ ហើយខ្លាចកូនអ៊ីចឹងដែរ គួរធ្វើតាមវិធីនេះ
- ទាំងនេះជាប្រភពអាហារូបត្ថម្ភ ក្មេងៗខ្វះមិនបាន
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
