ប្រទេសអង់គ្លេសបានបន្ថែមអាការៈបាត់បង់ក្លិន និងរសជាតិចូលទៅក្នុងបញ្ជីរោគសញ្ញារបស់ជំងឺ COVID-19 ដើម្បីឲ្យប្រជាពលរដ្ឋមានការប្រុងប្រយ័ត្នបន្ថែម និងដាក់ខ្លួនឲ្យនៅដាច់ដោយឡែកក្រោយពីមានរោគសញ្ញានេះ។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ប្រទេសអង់គ្លេសបានបន្ថែមអាការៈបាត់បង់ក្លិន និងរសជាតិចូលទៅក្នុងបញ្ជីរោគសញ្ញារបស់ជំងឺ COVID-19 ដើម្បីឲ្យប្រជាពលរដ្ឋមានការប្រុងប្រយ័ត្នបន្ថែម និងដាក់ខ្លួនឲ្យនៅដាច់ដោយឡែកក្រោយពីមានរោគសញ្ញានេះ។
សារព័ត៌មាន BBC បានចុះផ្សាយកាលពីថ្ងៃទី១៨ ខែឧសភា ថាបច្ចុប្បន្នអ្នកជំនាញតែងសង្កត់ធ្ងន់ទៅលើរោគសញ្ញាគ្រុនក្ដៅ និងក្អក។ ប៉ុន្តែគ្រូពេទ្យឯកទេសផ្នែកត្រចៀក ច្រមុះ និងបំពង់កបានធ្វើការព្រមានទៅលើរោគសញ្ញាបន្ថែម ហើយអ្នកវិទ្យាសាស្ត្របានជំរុញឲ្យរដ្ឋាភិបាលបន្ថែមសេចក្តីណែនាំទៅលើជំងឺ COVID-19។ ប្រសិនជាមានរោគសញ្ញាថ្មីៗដូចជាក្អកមិនឈប់ គ្រុនក្ដៅ ឬបាត់បង់ក្លិន និងរសជាតិ អ្នកមានអាការៈបែបនេះគួរស្នាក់នៅផ្ទះរយៈពេល៧ថ្ងៃដើម្បីទប់ស្កាត់ការចម្លងទៅអ្នកដទៃ។ អាការៈក្អក និងបាត់បង់ក្លិន ឬរសជាតិនេះអាចនឹងបន្តមានក្រោយរយៈពេល៧ថ្ងៃដែរ។
ទោះបីជាមានបន្ថែមរោគសញ្ញាទាំងពីរនេះចូលទៅក្នុងរោគសញ្ញារបស់ COVID-19 ក៏ដោយ អ្នកជំនាញនៅតែលើកឡើងថាអាការៈគ្រុនក្ដៅ និងក្អកនៅតែជារោគសញ្ញាសំខាន់ដដែល។
អង្គការសុខភាពពិភពលោកក៏បានលើកឡើងពីរោគសញ្ញាដែលអាចកើតមានជាមួយគ្នានឹងអាការៈ គ្រុនក្ដៅ ក្អក និងហត់មានដូចជា៖
អ្នកជំនាញជឿថាការបញ្ចូលអាការៈបាត់បង់ក្លិន ឬរសជាតិចូលទៅក្នុងរោគសញ្ញារបស់ COVID-19 អាចជួយទប់ស្កាត់ការចម្លងពីមនុស្សទៅមនុស្សម្នាក់ទៀត។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕