រកឃើញករណីវិជ្ជមាន COVID-19 លើបុរសជនជាតិខ្មែរ ទើបមកពីហ្វីលីពីន

ក្រសួង​សុខាភិបាល​បាន​ប្រកាស​ទាំង​យប់​ថ្ងៃទី ២១ ខែ ឧសភា នេះ​ថា បាន​រក​ឃើញ​ករណី​ឆ្លង COVID-19 ថ្មី​ដែល​ជា​យុវជន​អាយុ ២៦ ឆ្នាំ ជនជាតិខ្មែរ រស់នៅ​ស្រុក​កំពង់​ត្រាច ខេត្ត​កំពត ដែល​ទើប​វិល​ត្រលប់​មកពី​ប្រទេស​ហ្វីលីពីន និង​បន្ត​ហោះហើរ​ពី​សាធារណរដ្ឋកូរ៉េ រួច​មកដល់​ប្រទេស​កម្ពុជាកាលពីថ្ងៃ ២០ ឧសភា។

បន្ទាប់ពី​តេស្ត​វិជ្ជមាន​បុរស​រូបនោះ ក្រសួងសុខាភិបាល​បាន​បញ្ជូនទៅ​សម្រាក​ព្យាបាល​នៅ​មន្ទីរពេទ្យ​មិត្តភាព​ខ្មែរ-សូវៀត ហើយ​អ្នក​ដែល​ធ្វើ​ដំណើរ​តាម​យន្តហោះ​ជាមួយទាំង ៦២ នាក់ ត្រូវ​បាន​ដាក់ចត្តាឡីស័ក្តចំនួន ១៤ ថ្ងៃ នៅសណ្ឋាគារមួយក្នុងរាជធានីភ្នំពេញ។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕