បុគ្គលិកសុខាភិបាលអង់គ្លេសពីរនាក់មានប្រតិកម្មអាលែកហ្ស៊ីក្រោយបានចាក់វ៉ាក់សាំងកូវីដ១៩ នាំឲ្យនិយ័តករអង់គ្លេសចេញបម្រាមភ្លាមៗដែរ ថាអ្នកទាំងឡាយណាមានបញ្ហាអាលែកហ្ស៊ីមិនត្រូវចាក់វ៉ាក់សាំងនេះទេ។
មាតិកា
អង់គ្លេសហាមអ្នកមានបញ្ហាអាលែកហ្ស៊ីចាក់វ៉ាក់សាំងកូវីដ១៩
ក្នុងសប្ដាហ៍នេះចក្រភពអង់គ្លេសបានចាប់ផ្ដើមចាក់វ៉ាក់សាំងកូវីដ១៩ របស់ក្រុមហ៊ុនPfizer/BioNTechដល់ប្រជាជនគោលដៅរបស់ខ្លួន។ យ៉ាងណា ក្រោយចាក់វ៉ាក់សាំង បុគ្គលិកសុខាភិបាលចំនួនពីរនាក់មានប្រតិកម្មអាលែកហ្ស៊ីកើតឡើងដែរ។
សារព័ត៌មាន BBC បានចុះផ្សាយកាលពីយប់ថ្ងៃទី៩ ខែធ្នូ ថាអ្នកទាំងពីរបានទទួលវ៉ាក់សាំងកាលពីថ្ងៃអង្គារ និងភ្លាមៗក្រោយចាក់វ៉ាក់សាំងក៏កើតមានបញ្ហាអាលែកហ្ស៊ីនេះ តែថាអ្នកទាំងពីរត្រូវបានសង្គ្រោះ និងស្ថិតក្នុងសភាពធម្មតាវិញហើយ។
បើតាមប្រភពខាងលើ មន្ត្រីសុខាភិបាលអង់គ្លេសបានណែនាំពលរដ្ឋដែលមានបញ្ហាអាលែកហ្ស៊ីនឹងចំណីអាហារ ថ្នាំពេទ្យឬវ៉ាក់សាំងមិនត្រូវចាក់វ៉ក់សាំងកូវីដ១៩ របស់ក្រុមហ៊ុនដែលអង់គ្លេសកំពុងប្រើនោះទេ។
បញ្ហាអាលែកហ្ស៊ីនេះអាចធ្វើឲ្យអ្នកចាក់វ៉ាក់សាំងមានប្រតិកម្មធ្ងន់ធ្ងរដូចជាឡើងកន្ទួលលើស្បែក ពិបាកដកដង្ហើម និងពេលខ្លះធ្វើឲ្យសម្ពាធឈាមធ្លាក់ចុះ ដែលអាចគំរាមកំហែងដល់អាយុជីវិត។
ទោះបីជាយ៉ាងនេះក្ដី ភ្នាក់ងារនិយ័តករឱសថ និងផលិតផលសុខភាពរបស់អង់គ្លេសបញ្ជាក់ថាវ៉ាក់សាំងនេះមានប្រសិទ្ធភាព គុណភាព និងអនុលោមទៅតាមស្ដង់ដារសុវត្ថិភាពទៀតផង ចំពោះបុគ្គលដែលមិនមានបញ្ហាអាលែកហ្ស៊ី។
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.bbc.com/news/health-55244122
https://www.channelnewsasia.com/news/world/covid-19-uk-warns-people-with-allergies-avoid-pfizer-vaccine-13735176
កំណែប្រែបច្ចុប្បន្ន
28/07/2021
អត្ថបទដោយ ទូច សុខា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម