ប្រជាពលរដ្ឋមួយចំនួនមិនថា នៅទីក្រុង ឬជនបទនោះទេ តែងមានទម្លាប់ផ្សំថ្នាំលេប ១លេប ២លេប ៣លេប។ ការទៅទិញថ្នាំនៅតាមឱសថស្ថាន កន្លែងលក់ថ្នាំពេទ្យ ដោយមិនមានវេជ្ជបញ្ជា ការធ្វើរោគវិច្ឆ័យពីគ្រូពេទ្យទេ នឹងមានផលប៉ះពាល់ដល់សុខភាព ពិសេសក្មេងៗ។

ការទិញថ្នាំដោយគ្មានវេជ្ជបញ្ជាមួយចំនួន ដូចជា ប៉ារ៉ាសេតាម៉ុល ថ្នាំវីតាមីន ជាដើមនោះ មិនមានអ្វីប៉ះពាល់សុខភាពនោះទេ។ តែប្រការគួរចៀសវាង គឺការផ្សំថ្នាំច្រើនមុខដើម្បីព្យាបាលជំងឺ។ គ្រូពេទ្យមិនតម្រូវឲ្យយើងទៅទិញថ្នាំដោយខ្លួនឯងឡើយ ឯឱសថស្ថានក៏ពុំមានសិទិ្ធក្នុងការផ្សំថ្នាំឲ្យអ្នកជំងឺដោយគ្មានវេជ្ជបញ្ជាដូចគ្នា។ នេះបើតាមការលើកឡើងរបស់លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ។

តើការប្រើថ្នាំផ្សំផ្តេសផ្តាសប៉ះពាល់អ្វីខ្លះ?

ក្រៅពីមនុស្សចាស់ កូនក្មេងប៉ះពាល់សុខភាពខ្លាំងបំផុតនៅពេលប្រើថ្នាំផ្សំ ជាពិសេសថ្នាំផ្សំដែលកិនឲ្យម៉ដ្តបញ្ចូលគ្នា ដូច្នេះកម្រិតជាតិថ្នាំបែងចែកពុំបានស្មើគ្នានោះទេ ឯប្រភេទ និងឈ្មោះថ្នាំយើងក៏មិនបានដឹង តើជាថ្នាំអ្វីឲ្យពិតប្រាកដ។ ម្យ៉ាងវិញទៀតការប្រើថ្នាំផ្សំមិនត្រឹមត្រូវតាមក្បូន និងចំនួនថ្ងៃនៃការព្យបាល មិនគ្រប់កម្រិតថ្នាំ ឬលើសថ្ងៃខែបរិច្ឆេទត្រឹមត្រូវ អាចនាំឲ្យមានផលវិបាកធ្ងន់ធ្ងរ អាចឲ្យអ្នកជំងឺស៊ាំថ្នាំ ពិបាកព្យាបាល ឬវិវត្តទៅជាជំងឺអ្វីមួយផ្សេងទៀត។

ជំងឺប្រភេទណាមិនបាច់ទៅជួបគ្រូពេទ្យធ្វើរោគវិនិច្ច័យភ្លាមៗ?

មិនមែនសុទ្ធតែគ្រប់ប្រភេទជំងឺនោះទេ មានករណីលើកលែងមួយចំនួន ដូចជាជំងឺផ្តាសាយ ក្តៅខ្លួនតិចតួច យើងមិនចាំបាច់ប្រញាប់ទៅជួបគ្រូពេទ្យដើម្បីធ្វើរោគវិច្ឆ័យ និងចេញវេជ្ជបញ្ជាឡើយ។ យើងអាចទិញថ្នាំបញ្ចុះកម្តៅមកលេបដោយខ្លួនឯង ត្រូវមានអនាម័យ និងញ៉ាំទឹកឲ្យបានច្រើន ក្នុងករណីមិនធូរស្រាល នោះចាំយើងទៅជួបគ្រូពេទ្យ។

លេបថ្នាំ​ផ្សំ​ផ្តេសផ្តាស ជំងឺ​មិនជា​ហើយ​​ប៉ះពាល់​សុខភាព​ទៀត

តើ​ការ​ប្រើ​ថ្នាំ​ផ្សំ​ផ្តេសផ្តាស​ប៉ះពាល់​អ្វីខ្លះ?

ជំងឺ​ប្រភេទ​ណា​មិន​បាច់​ទៅ​ជួប​គ្រូពេទ្យ​ធ្វើ​រោគ​វិនិច្ច័យភ្លាមៗ?

លេបថ្នាំផ្សំផ្តេសផ្តាស ជំងឺមិនជាហើយប៉ះពាល់សុខភាពទៀត

តើការប្រើថ្នាំផ្សំផ្តេសផ្តាសប៉ះពាល់អ្វីខ្លះ?

ជំងឺប្រភេទណាមិនបាច់ទៅជួបគ្រូពេទ្យធ្វើរោគវិនិច្ច័យភ្លាមៗ?