ខ្យល់ពុល ក្នុងខេត្តឈៀងរ៉ៃ ប្រទេសថៃ កាលពីចុងសប្ដាហ៍មុន ឡើងដល់កម្រិតគ្រោះថ្នាក់ខ្លាំង ដែលអាចបង្កទៅជាជំងឺមហារីក ខណៈខេត្តភាគខាងជើងមួយចំនួនទៀត ក៏មានកម្រិតខ្យល់ពុលកើនឡើងផងដែរ។ នេះបើតាមការអះអាងពីសំណាក់អាជ្ញាធរថៃ។

នាយកដ្ឋានគ្រប់គ្រងការបំពុល ប្រទេសថៃ រកឃើញថា ស្រុកមឿង ក្នុងខេត្តឈៀងរ៉ៃ មានកម្រិតខ្យល់ពុលខ្ពស់បំផុត ១០៥ មីក្រូក្រាម/ម៉ែត្រគូប។ ចំណែកខេត្ត ផាយ៉ាវ មានកម្រិតខ្យល់ពុល ៩០ មីក្រូក្រាម/ម៉ែត្រគូប ខេត្ត ឡាំប៉ាង មានកម្រិតខ្យល់ពុល ៨៦ មីក្រូក្រាម/ម៉ែត្រគូប និងខេត្តឈៀងម៉ៃ មានកម្រិតខ្យល់ពុល ៧៣ មីក្រូក្រាម/ម៉ែត្រគូប។

កំណើនកម្រិតខ្យល់ពុល កើនឡើងខ្លាំងត្រឹមរយៈពេល ២ថ្ងៃ ចុងសប្ដាហ៍មុន ដោយសារមានភ្លើងឆេះព្រៃ។ តាមតួលេខបង្ហាញថា មានតំបន់បំពុល ១៣២ទីតាំង នៅខេត្តភាគខាងជើង របស់ថៃ ដោយច្រើនជាងពាក់កណ្ដាល នៅក្នុងខេត្តឈៀងរ៉ៃ។

ខេត្តភាគខាងជើង របស់ថៃ ប្រឈមបញ្ហាបំពុល រយៈពេល ២ ខែមកហើយ ដោយសារកសិករដុតព្រៃលើដីចម្ការ ដើម្បីដាំដុះនៅរដូវភ្លៀងធ្លាក់។

អត្ថបទពាក់ព័ន្ធ៖

គួរបញ្ជាក់ថា ក្រសួងធនធានទឹក និងបរិស្ថានថៃ នឹងជួបគ្នា នៅសប្ដាហ៍នេះ ដើម្បីពិភាក្សាពីយន្ដការនានា ដើម្បីដោះស្រាយបញ្ហានេះ។ ជាមួយគ្នានេះ អាជ្ញាធរថៃ គ្រោងបង្កើតភ្លៀងសិប្បនិមិត្ត នៅតំបន់ភាគខាងជើង ដើម្បីបំបាត់ខ្យល់ពុលផងដែរ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ខ្យល់ពុល​នៅ​ថៃ ឈានដល់​កម្រិត​​បង្កជំងឺ​មហារីក

ខ្យល់ពុលនៅថៃ ឈានដល់កម្រិតបង្កជំងឺមហារីក