នៅស្រុកថៃ កុំចេះតែហ៊ាន បើរដ្ឋកំណត់ថ្លៃសេវាហើយ នៅតែប្រឹងទារថ្លៃលើសទៀត ច្បាស់ជាប្រឈមមុខជាមួយផ្លូវច្បាប់ហើយ។ ជាក់ស្ដែង នាយកដ្ឋានពាណិជ្ជកម្មផ្ទៃក្នុងថៃ ប្ដឹងមន្ទីរពេទ្យឯកជនមួយ ហ៊ានទារថ្លៃសេវាព្យាបាលជំងឺរាក លើសចំនួនកំណត់។

ការប្ដឹងនេះ ក្រោយពេទ្យឯកជនថៃ ដែលសុំមិនបញ្ចេញអត្តសញ្ញាណ យកថ្លៃសេវាព្យាបាលជំងឺរាក ពីអ្នកជំងឺ ចំនួន ៣ម៉ឺនបាត ប្រមាណជិត ១.០០០ដុល្លារ។ នាយកដ្ឋានពាណិជ្ជកម្មថៃ បញ្ជាក់ថា តម្លៃព្យាបាល ខ្ពស់ជាងតម្លៃកំណត់យ៉ាងច្រើន ដោយពេទ្យផ្ដល់ការព្យាបាល និងសេវាកម្មមិនចាំបាច់ ដល់អ្នកជំងឺ។

មន្ទីរពេទ្យឯកជននេះ កំពុងប្រឈមវិធានការផ្លូវច្បាប់ ដោយរំលោភលើមាត្រា ២៩ នៃច្បាប់ស្ដីពីតម្លៃនៃទំនិញ និងសេវាកម្ម។ មាត្រានេះ ហាមមិនយកតម្លៃទាបពេក ឬច្រើនពេក។ អ្នករំលោភមាត្រានេះ ប្រឈមនឹងការជាប់ពន្ធនាគារ ៧ឆ្នាំ និងពិនិត្យជាប្រាក់ ជិត ៤.៥០០ដុល្លារ។

នៅប្រទេសថៃ នាយកដ្ឋានពាណិជ្ជកម្មផ្ទៃក្នុង បានបង្ហោះតម្លៃថ្នាំ សម្រាប់អ្នកប្រើប្រាស់ នៅលើគេហទំព័ររបស់ខ្លួន។ នាយកដ្ឋាននេះ គ្រោងបង្ហោះបន្ថែមទៀត នូវតម្លៃសម្រាប់ការផ្គត់ផ្គង់ និងសេវាកម្មវេជ្ជសាស្ត្រ នៅលើគេហទំព័ររបស់ខ្លួនទៀត នៅរយៈពេល ២-៣ខែ ខាងមុខ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

កុំ​ចង់​ខ្លាំង! ពេទ្យ​ឯកជន​ថៃ កោរ​អ្នកជំងឺ លើស​ថ្លៃ​កំណត់​ ត្រូវ​រដ្ឋ​ប្ដឹង

កុំចង់ខ្លាំង! ពេទ្យឯកជនថៃ កោរអ្នកជំងឺ លើសថ្លៃកំណត់ ត្រូវរដ្ឋប្ដឹង