កាលពីថ្ងៃទី២ កក្កដា ម្សិលមិញនេះ ក្រសួងកសិកម្ម រុក្ខាប្រមាញ់ និងនេសាទ បានចេញសេចក្តីប្រកាសមួយ ស្តីពី ការកំណត់តំបន់ផ្ទុះជំងឺប៉េស្តជ្រូកអាហ្វ្រិក នៅក្នុងភូមិកំពង់សេរី និងភូមិសោយ ឃុំមាន ស្រុកអូររាំងឪ ខេត្តត្បូងឃ្មុំ។
មាតិកា
ជំងឺប៉េស្តជ្រូកផ្ទុះជាថ្មី ក្រសួងហាមទិញ-លក់សត្វជ្រូក សាច់ជ្រូក នៅតំបន់ចំនួន២ នៃខេត្តត្បូងឃ្មុំ
នៅក្នុងសេចក្តីប្រកាសនោះដែរ ក្រសួងបានតម្រូវឲ្យផ្អាកការទិញ-លក់ ដឹកជញ្ជូនសត្វជ្រូក សាច់ជ្រូក និងផលិតផលមានដើមកំណើតពីសត្វជ្រូកគ្រប់ប្រភេទចូល ចេញ ឬឆ្លងកាត់ក្នុងរង្វង់កាប្រវែង ៣ គីឡូម៉ែត្រ ពីចំណុចផ្ចិតនៃតំបន់ផ្ទុះជំងឺប៉េស្តជ្រូកអាហ្វ្រិក និងដាក់តំបន់នេះជាតំបន់ត្រួតពិនិត្យ និងតាមដាន។
ទោះបីជាក្រសួងកិសកម្ម រុក្ខាប្រមាញ់ និងនេសាទ បានដាក់បម្រាមចំពោះការទិញលក់សត្វជ្រូក សាច់ជ្រូក និងផលិតផលផលិតពីសាច់ជ្រូកនៅតំបន់ដែលផ្ទុះនោះក្តី តែក្រសួងថា ជំងឺប៉េស្តជ្រូកអាហ្វ្រិកមិនឆ្លងដល់មនុស្សទេ ប៉ុន្តែជំងឺនេះបណ្ដាលឲ្យជ្រូកឈឺ និងងាប់ដែលមានអត្រាខ្ពស់រហូតដល់ ១០០% ជាហេតុបង្កឲ្យមានការខាតបង់ធ្ងន់ធ្ងរដល់អ្នកចិញ្ចឹម។
ទាក់ទងនឹងជំងឺប៉េស្តជ្រូកអាហ្វ្រិកនេះដែរ កន្លងមកឯកឧត្តម លី សូវ៉ាន់ ប្រធាននាយកដ្ឋានប្រយុទ្ធនឹងជំងឺឆ្លង នៃក្រសួងសុខាភិបាល ធ្លាប់បញ្ជាក់ថា ជំងឺនេះឆ្លងពីសត្វទៅសត្វ មិនមានការឆ្លងរាលពីសត្វទៅមនុស្សនោះទេ។ តែទោះយ៉ាងណាយើងមិនត្រូវញ៉ាំសាច់សត្វឈឺនោះទេ ហើយរាល់សាច់សត្វទាំងអស់ត្រូវតែចម្អិនឲ្យបានឆ្អិនល្អ មុននឹងបរិភោគ។
នេះជាករណីផ្ទុះជំងឺប៉េស្តជ្រូកអាហ្វ្រិកម្តងទៀតនៅក្នុងឆ្នាំ ២០១៩ នេះ ដោយការផ្ទុះលើកមុន នៅស្រុកអូរយ៉ាដាវ ខេត្តរតនគិរី កាលពីខែ មីនា។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
កំណែប្រែបច្ចុប្បន្ន
03/07/2019
អត្ថបទដោយ ដេត ធន្នី
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ដេត ធន្នី
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម