ត្បិតតួលេខអ្នកជក់បារីមានការធ្លាក់ចុះក៏ដោយ តែបារី នៅតែជាភ្នាក់ងារចម្បងបង្កជំងឺជាច្រើនមុខ ជាពិសេសជំងឺសួត និងជំងឺបេះដូង។ ដូច្នេះការផ្ដាច់បារី គឺល្អបំផុតសម្រាប់សុខភាព ហើយវាជួយកាត់បន្ថយជំងឺសរសៃឈាមបេះដូង រហូតដល់ ៤០% ក្នុងរយៈពេល ៥ឆ្នាំ។
ផ្ដាច់បារី ជួយកាត់បន្ថយជំងឺបេះដូងរហូតដល់ ៤០% ក្នុងពេល ៥ឆ្នាំ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
អ្នកស្រាវជ្រាវ មកពីសាកលវិទ្យាល័យ Vanderbilt នៅរដ្ឋ Tennessee របស់អាមេរិក បានវិភាគលើទិន្នន័យប្រវត្តិនៃការជក់បារីរបស់មនុស្ស ៨.៧០០នាក់ ទទួលបានពីសមាគម Framingham Heart Study ដែលប្រមូលបានពីឆ្នាំ១៩៥៤-២០១៤។
អ្នកស្រាវជ្រាវ បានពិនិត្យលើអ្នកជក់បារីច្រើន ១កញ្ចប់/ថ្ងៃ រយៈពេល ២០ឆ្នាំ និងរកឃើញថា ក្រុមអ្នកជក់បារីច្រើន តែក្រោយមកបានផ្ដាច់បារី បានកាត់បន្ថយហានិភ័យជំងឺសរសៃឈាមបេះដូង ៤០% ក្នុងរយៈពេល ៥ឆ្នាំ បើប្រៀបធៀបនឹងក្រុមអ្នកកំពុងជក់បារីច្រើន។ បើប្រៀបធៀបជាមួយនឹងអ្នកពុំដែលជក់បារីសោះ វាត្រូវការពេលពី ១០-២៥ឆ្នាំ ដើម្បីកាត់បន្ថយហានិភ័យ នៃជំងឺសរសៃឈាមបេះដូង ឲ្យនៅទាប។
អ្នកស្រាវជ្រាវ សង្ឃឹមថា លទ្ធផលនៃការស្រាវជ្រាវនេះ អាចជួយជំរុញអ្នកកំពុងជក់បារី បោះបង់ទម្លាប់ការជក់បារីរបស់ពួកគេ។
អត្ថបទពាក់ព័ន្ធ៖
វេជ្ជបណ្ឌិត Hilary Tindle ប្រធានមជ្ឈមណ្ឌលវេជ្ជសាស្ត្រសេវាព្យាបាលថ្នាំជក់ នៅសាកលវិទ្យាល័យ Vanderbilt បញ្ជាក់ថា ប្រព័ន្ធសរសៃឈាមបេះដូង ចាប់ផ្ដើមព្យាបាលយ៉ាងលឿន ក្រោយផ្ដាច់បារី សូម្បីអ្នកធ្លាប់ជក់បារីច្រើន អស់រយៈពេលយូរក៏ដោយ តែការជាសះស្បើយទាំងស្រុង អាចចំណាយពេលច្រើនឆ្នាំ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម