ដើម្បីបកស្រាយពាក្យចចាមអារ៉ាមផ្សេងៗ អង្គការសុខភាពពិភពលោក (WHO) បានចេញមុខឆ្លើយសំណួរ និងពន្យល់ពីរឿងមួយចំនួនទាក់ទិននឹងវីរុសកូរ៉ូណាថ្មី។ ខាងក្រោមនេះជាសំណួរចម្លើយពេញនិយមជាងគេ ដែលអ្នកលេងបណ្ដាញសង្គមតែងតែលើកឡើងសួរ៖
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ដើម្បីបកស្រាយពាក្យចចាមអារ៉ាមផ្សេងៗ អង្គការសុខភាពពិភពលោក (WHO) បានចេញមុខឆ្លើយសំណួរ និងពន្យល់ពីរឿងមួយចំនួនទាក់ទិននឹងវីរុសកូរ៉ូណាថ្មី។ ខាងក្រោមនេះជាសំណួរចម្លើយពេញនិយមជាងគេ ដែលអ្នកលេងបណ្ដាញសង្គមតែងតែលើកឡើងសួរ៖
សំណួរ៖ តើការញ៉ាំខ្ទឹមស ពិតជាអាចជួយការពារការឆ្លងវីរុសកូរ៉ូណាថ្មីបានមែន ឬទេ?
ចម្លើយ៖ ខ្ទឹមស គឺជាគ្រឿងទេសជំនួយសុខភាព និងមានលក្ខណៈសម្បត្តិប្រឆាំងនឹងមេរោគ និងបាក់តេរីមួយចំនួន។ តែទោះជាយ៉ាងណាក៏ដោយគ្មានភស្តុតាងណាមួយបញ្ជាក់ថា វាអាចជួយការពារវីរុសកូរ៉ូណាថ្មីបានឡើយ។
សំណួរ៖ តើយើងមានសុវត្ថិភាពទេ ដែលទទួលសំបុត្រ ឬកញ្ចប់អីវ៉ាន់ផ្សេងៗពីប្រទេសចិន?
ចម្លើយ៖ អ្នកទទួលកញ្ចប់អីវ៉ាន់ដែលផ្ញើពីប្រទេសចិនមិនមានឆ្លងវីរុសកូរ៉ូណាថ្មីទេ។ ព្រោះថាមេរោគនេះឆ្លងមិនយូរឡើយ នៅលើវត្ថុដូចជាសំបុត្រ ឬកេស ឡាំង។
សំណួរ៖ តើការដាក់ប្រេងល្ងតាមខ្លួន អាចរាងរាំងវីរុសកូរ៉ូណាថ្មីមិនឲ្យចូលក្នុងខ្លួនដែរឬទេ?
ចម្លើយ៖ ប្រេងល្ងមិនសម្លាប់មេរោគនេះបានទេ។ មានថ្នាំគីមីមួយចំនួនអាចសម្លាប់មេរោគវីរុសកូរ៉ូណាថ្មីបាន ក្នុងនោះមានថ្នាំសម្លាប់មេរោគដែលមានផ្សំពីសារធាតុក្លរ / ក្លរីន អេតាណុល ៧៥% អាស៊ីដ peracetic និង chloroform ។
សំណួរ៖ តើផ្សែងបារី ហ្គាសកាំជ្រួច និងផាវអាចទប់ស្កាត់រារាំងវីរុសកូរ៉ូណាថ្មីអត់?
ចម្លើយ៖ ការស្រូបផ្សែងអស់ទាំងនោះចូលក្នុងផ្លូវដង្ហើមមានគ្រោះថ្នាក់ខ្លាំង ហើយមិនអាចសម្លាប់វីរុសកូរ៉ូណាថ្មីឡើយ។
សំណួរ៖ តើវ៉ាក់សាំងការពារជំងឺរលាកសួត អាចការពារវីរុសកូរ៉ូណាថ្មីអត់?
ចម្លើយ៖ អត់ទេ! វ៉ាក់សាំងប្រឆាំងជំងឺរលាកសួតដូចជាវ៉ាក់សាំងជំងឺរលាកសួត និងវ៉ាក់សាំងផ្ដាសាយប្រភេទ Haemophilus សុទ្ធតែមិនអាចផ្ដល់ការការពារប្រឆាំងវីរុសកូរ៉ូណាថ្មីបានទាំងអស់។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕