ជំងឺមហារីក គឺជាមូលហេតុចម្បងនៃការស្លាប់របស់កុមារ និងមនុស្សពេញវ័យនៅទូទាំងពិភពលោក។ បើតាមអង្គការសុខភាពពិភពលោក នៅប្រទេសប្រាក់ចំណូលខ្ពស់ អត្រានៃការព្យាបាលជំងឺមហារីកកុមារជាសះស្បើយមានច្រើនជាង ៨០% រីឯប្រទេសប្រាក់ចំណូលទាប និងមធ្យមមានត្រឹមតែ ២០%ប៉ុណ្ណោះ។ មូលហេតុដែលបណ្តាលឲ្យប្រទេសប្រាក់ចំណូលទាប និងមធ្យមមានអត្រាព្យាបាលកុមារមានជំងឺមហារីកជាសះស្បើយទាប ព្រោះការធ្វើរោគវិនិច័្ឆយមិនត្រឹមត្រូវ ឯការព្យាបាលនៅមានកម្រិត។ ជានេះទៅទៀត ការបោះបង់ការព្យាបាលដោយសារតែការចំណាយខ្ពស់ក៏កត្តាមួយផងដែរ ជាមួយនឹងការស្លាប់ដោយសារផលប៉ះពាល់ និងការឈឺឡើងវិញជាដើម។