ខណៈកំណើននៃការឆ្លង COVID-19 កាន់តែច្រើនឡើង លោកជំទាវ ឱ វណ្ណឌីន រដ្ឋលេខាធិការ ក្រសួងសុខាភិបាលបានអំពាវនាវឲ្យមានការសហការគ្នារវាងអាជ្ញាធរមូលដ្ឋាន អាជ្ញាធរពាក់ព័ន្ធទាំងអស់ និងប្រជាពលរដ្ឋក្នុងការទប់ស្កាត់ការឆ្លង។ ក្នុងនោះលោកជំទាវទទូចឲ្យពលរដ្ឋបន្តអនុវត្តវិធានការការពារវីរុស COVID-19 ឲ្យបានខ្ជាប់ខ្ជួន។

វិធានការដែលលោកជំទាវបានរម្លឹកសារឡើងវិញនោះរួមមាន៖

ទី១៖ ត្រូវតាមដានសុខភាពផ្ទាល់ខ្លួន បើគិតថាក្នុងខ្លួនមិនស្រួលត្រូវទៅពិគ្រោះជាមួយគ្រូពេទ្យជាបន្ទាន់

ទី២៖ លាងដៃជាមួយទឹកស្អាតជាមួយសាប៊ូ និងទឹកស្អាតឲ្យបានញឹកញាប់ ដុសសម្អាតឲ្យសព្វគ្រប់កន្លែងក្នុងរយៈពេល១នាទី ឬអាចប្រើអាល់កុល ជែល។

ទី៣៖ ប្រើម៉ាស ក្រដាស កន្សែង ឬក្រមា ខ្ទប់មាត់ និងច្រមុះឲ្យជិតនៅពេលដែលក្អក ឬកណ្តាស់ ដើម្បីទប់ស្កាត់កុំឲ្យដំណក់ទឹកមាត់ខ្ទាតចេញទៅខាងក្រៅ។

ទី៤៖ លាងសម្អាតរបស់ប្រើប្រាស់ និងចម្អិនម្ហូបអាហារឲ្យបានត្រឺមត្រូវ មិនថាសាច់ ឬស៊ុត ចៀសវាងការឆ្លងវីរុស COVID-19 និងមេរោគដទៃទៀត។

ទី៥៖ ចៀសវាងការយកដៃកខ្វក់ទៅប៉ះពាល់ជាមួយមុខមាត់ និងច្រមុះ។

បន្ថែមពីលើវិធានការទាំងនេះ លោកជំទាវ ឱ វណ្ណឌីន បានណែនាំឲ្យដឹងទៀតថា ប្រសិនបើចាំបាច់ណាត់ជួបនរណាម្នាក់ ត្រូវពាក់ម៉ាស និងអង្គុយឲ្យឃា្លតឆ្ងាយពីគ្នាក្នុងគម្លាតចាប់ពី១មែ៉ត្រកន្លះឡើងទៅ ដើម្បីការពារការឆ្លងពីមនុស្សម្នាក់ទៅមនុស្សម្នាក់បានឆាប់រហ័សបំផុត។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ក្រសួង​ទទូច​ឲ្យ​ពលរដ្ឋ​បន្ត​អនុវត្ត​វិធានការពារ COVID-19 ប៉ុន្មានចំណុចនេះឲ្យបានខ្ជាប់​ខ្ជួន

ក្រសួងទទូចឲ្យពលរដ្ឋបន្តអនុវត្តវិធានការពារ COVID-19 ប៉ុន្មានចំណុចនេះឲ្យបានខ្ជាប់ខ្ជួន