យប់នេះ ក្រសួងសុខាភិបាលមិន​ចេញលទ្ធផល COVID-19 នោះទេ

នៅ​យប់​ថ្ងៃទី២៧ ខែមីនា ឆ្នាំ២០២០ នេះ ក្រសួង​សុខាភិបាល​មិន​ចេញ​សេចក្តី​​ជូន​ព័ត៌មាន​ស្តីពី​ស្ថានភាព COVID-19 ​ដល់​សាធារណជន ដូច​សព្វ​មួយ​ដង​នោះ​ទេ។

នៅ​ក្នុង​សេចក្តី​ជូន​ដំណឹង​របស់​ក្រសួង​បញ្ជាក់ថា ក្រសួង​បាន​សម្រេច​យក​ការ​ចេញ​សេចក្តី​ជូន​ព័ត៌មាន​ស្តីពី​ស្ថានភាព COVID-19 ជូន​ដល់​សាធារណជន​នៅ​ពេល​ព្រឹក ចន្លោះ​ពី​ម៉ោង៩៖០០-១០៖០០ព្រឹក ​ជា​រៀងរាល់​ថ្ងៃ​វិញ។ ដោយឡែក​សេចក្តីជូន​ព័ត៌មាន ស្តីករណី COVID-19 សម្រាប់​ថ្ងៃទី២៧ ខែមីនានេះ ក្រសួង​នឹង​បូកសរុប ព្រម​ទាំង​ចេញ​ផ្សព្វផ្សាយ​នៅ​ព្រឹក​ស្អែក​។

ចំពោះ​លទ្ធផល​កាល​ពី​ថ្ងៃទី២៦ ខែមីនា ឆ្នាំ២០២០ ករណី​ឆ្លង COVID-19 សរុប​ទូទាំងប្រទេស​​មាន​ចំនួន ៩៨ ករណី ជាសះស្បើយ ១១ករណី។​

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕