មានចម្ងល់មកជាយូរហើយ ទាក់ទងនឹងថ្លៃចំណាយការព្យាបាលចំពោះអ្នកផ្ទុក COVID-19 រហូតជាសះស្បើយ ក្នុងម្នាក់អស់ប៉ុន្មាន? លោកជំទាវ យក់ សម្បត្តិ រដ្ឋលេខាធិការក្រសួងសុខាភិបាល បានឆ្លើយសំណួរក្នុងកម្មវិធីសន្និសីទសារព័ត៌មានថ្ងៃនេះថា ថ្លៃចំណាយចំពោះអ្នកផ្ទុក COVID-19 ទម្រាំដល់ព្យាបាលជាសះស្បើយក្នុងម្នាក់អស់ជាង ២ ០០០ ដុល្លារ។
តើក្រសួងចំណាយថ្លៃព្យាបាលអ្នកផ្ទុក COVID-19 ម្នាក់អស់ប៉ុន្មាន?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ក្នុងនោះលោកជំទាវបានបន្តបន្ថែមទៀតថា ករណីអ្នកឆ្លង COVID-19 នៅកម្ពុជាភាគច្រើនជាជនជាតិបរទេស ហើយថ្លៃចំណាយក៏ប្រែប្រួលទៅតាមលទ្ធផលធ្វើតេស្តផងដែរ ព្រោះអ្នកជំងឺខ្លះធ្វើតេស្តរហូតដល់ទៅជាង ១០ ដងឯណោះ ។ មួយវិញទៀតវាក៏អាស្រ័យលើការស្នាក់នៅយូរ ឬឆាប់របស់អ្នកជំងឺផងដែរ។
រដ្ឋលេខាធិការក្រសួងសុខាភិបាលរូបនោះបានបន្ថែមទៀតថា ក្នុងការធ្វើតេស្តនៅវិទ្យាស្ថានប៉ាស្ទ័រកម្ពុជា ១ ដង មានតម្លៃ ១០០ ទៅ ១៣០ ដុល្លារ។ សម្រាប់តេស្តមាន ២ យ៉ាង គឺតេស្តមួយអ្នកជំងឺមានរោគសញ្ញា ហើយតេស្តមួយទៀតអ្នកជំងឺគ្មានរោគសញ្ញា ដែលតម្លៃរបស់តេស្តទាំងពីរនេះ ប្រែប្រួលពី ២០ ទៅ ៣០ ដុល្លារ។ ដូចនេះប្រសិនបើអ្នកជំងឺតេស្ត និងស្នាក់នៅ ១០ ថ្ងៃ មានតម្លៃជាង ១ ពាន់ដុល្លារបាត់ទៅហើយ។
ក្រៅពីតេស្តនៅមានថ្នាំ ដូចជាបើអ្នកជំងឺអស់កម្លាំង ក្រសួងនឹងផ្ដល់ថ្នាំ ឬសេរ៉ូមកម្លាំង វីតាមីន និងថ្នាំផ្សេងៗទៀតបំប៉នសុខភាព និងព្យាបាលទៅតាមរោគសញ្ញា ព្រមទាំងអាហារហូបចុកទៀត ដូចនេះគិតជាមធ្យមក្នុងម្នាក់ដែលសម្រាកចាប់ពី ១០ ថ្ងៃទៅអស់ ២ ២០០ ទៅ ២៥០០ ដុល្លារ។ នេះជាការប៉ាន់ស្មានជំហានដំបូងរបស់លោកជំទាវ យក់ សម្បត្តិ។
ក្រៅពីថ្លៃព្យាបាលដល់អ្នកជំងឺ នៅមានថវិកាលើកទឹកចិត្តចំពោះក្រុមគ្រូពេទ្យជួរមុខ ពីលើប្រាក់ខែ ២០ ម៉ឺនរៀលក្នុងមួយថ្ងៃ។
អត្ថបទពាក់ព័ន្ធ៖
- អាល់កុលមេតាណុលអាចសម្លាប់វីរុស COVID-19 បានអត់?
- គួរធ្វើបែបណា បើនៅក្នុងគ្រួសារមានអ្នកឆ្លង COVID-19?
- លាងដៃនឹងអាល់កុលច្រើនធ្វើឲ្យស្ងូត រលាកដៃ គួរធ្វើបែបណា?
- ក្រុមមនុស្សមួយប្រភេទនេះក៏ប្រឈមនឹងការឆ្លង COVID-19 ខ្ពស់ដែរ
- ក្រសួងទាត់ចោល ការប្រកាសថា មានការឆ្លង COVID-19 ក្នុងសហគមន៍
- ត្បិត១សប្តាហ៍នេះ ពុំមានករណីឆ្លង COVID-19 មែន តែក្រសួងថា កុំព្រលែងដៃឲ្យសោះ
- ក្រសួងនៅតែបន្តរឹតបន្តឹងការធ្វើដំណើរ ផ្អាកមិនឲ្យជនបរទេសមកពី៦នេះចូលកម្ពុជា
- កម្មករជាង១ម៉ឺននាក់ វិលត្រលប់ពីស្រុក ក្រោយចូលឆ្នាំ កំពុងចាប់ផ្តើមធ្វើតេស្តរក COVID-19
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម