អង់គ្លេសនឹងចាប់ផ្តើមធ្វើតេស្ដសាកល្បងទៅលើមនុស្ស ចំពោះវ៉ាក់សាំងវីរុស COVID-19ថ្មីដែលបង្កើតដោយអ្នកជំនាញនៅសាកលវិទ្យាល័យ Oxford នៅថ្ងៃទី ២២ ខែមេសានេះ។
អង់គ្លេសនឹងចាប់ផ្តើមតេស្ដវ៉ាក់សាំងវីរុស COVID-19 ថ្មីមួយទៀតនៅសប្តាហ៍នេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
វ៉ាក់សាំងនេះគឺជាការបញ្ចូលគ្នារវាងវីរុសផ្ដាសាយប្រភេទខ្សោយឈ្មោះថា adenovirus យកចេញពីសត្វស្វាហើយសំបកប្រូតេអ៊ីននៅជុំវិញវីរុសនេះ គឺចម្លងហ៊្សែននៃផ្នែកស្រួចនៅលើសំបករបស់វីរុសកូរ៉ូណា (Spike) ដែលជាផ្នែកធ្វើឲ្យវីរុសអាចឆ្លងចូលក្នុងកោសិកាមនុស្សបាន។
វ៉ាកសាំងដែលចាក់លើមនុស្សនេះ នឹងមិនបង្កជាជំងឺឡើយ ប៉ុន្តែ វ៉ាក់សាំងនេះនឹងជួយពង្រឹងប្រព័ន្ធភាពស៊ាំអ្នកដែលប្រឈមមុខនឹងការឆ្លងវីរុស COVID-19 ដើម្បីបង្កើតអង់ទីករដែលនឹងតោងលើសំបកប្រូតេអ៊ីន និងអាចបំផ្លាញវីរុសនេះបាន។
ការតេស្ដសាកល្បងនេះនឹងជ្រើសរើសអ្នកស្ម័គ្រចិត្តចូលរួមមានសុខភាពល្អ៥១០នាក់ និងមានអាយុចន្លោះ១៨ទៅ៥៥ឆ្នាំ។ អ្នកស្ម័គ្រចិត្តពាក់កណ្ដាលគឺចាក់វ៉ាក់សាំងនេះ និងពាក់កណ្ដាលទៀតផ្តល់វ៉ាក់សាំងកុងត្រូល (ជាវ៉ាក់សាំង ការពារជំងឺរលាកស្រោមខួរក្បាល និងមេរោគក្នុងឈាម)។ ការធ្វើតេស្ដនេះនឹងមានរយៈពេល៦ខែដោយមានការតាមដានរយៈពេល១ឆ្នាំក្រោយពីចាក់វ៉ាក់សាំង។
បច្ចុប្បន្នមានវ៉ាក់សាំងវីរុស COVID-19 ជាង ៧០ ប្រភេទកំពុងត្រូវបានបង្កើត ហើយវ៉ាក់សាំងថ្មីនេះគឺជាវ៉ាក់សាំងមួយក្នុងចំណោមបួនដែលកំពុងធ្វើតេស្ដលើមនុស្ស។
អត្ថបទពាក់ព័ន្ធ៖
- អ្នកវិទ្យាសាស្រ្តអាមេរិកបារម្ភថាវីរុស COVID-19 អាចក្លាយជាជំងឺឆ្លងតាមរដូវ
- ចិនតេស្តវ៉ាក់សាំងការពារ COVID-19 លើមនុស្ស WHOមិនសង្ឃឹមថាអាចចេញលើទីផ្សារលឿន
- អាមេរិកផ្អាកផ្ដល់ថវិកាដល់ WHO ក្រោយលោកត្រាំ រិះគន់អង្គការនេះខ្លាំងៗរឿងCOVID-19
- វ៉ាក់សាំងប្រឆាំងCOVID-19 របស់ចិន ឈានដល់ដំណាក់កាលតេស្តលើកទី២
- អ្នកវិទ្យាសាស្រ្តអង់គ្លេស សង្ឃឹមផលិតវ៉ាក់សាំងប្រឆាំង COVID-19 បាននៅខែកញ្ញា
- អ្នកឆ្លងCOVID-19 ៦ពាន់នាក់នឹងតេស្តថ្នាំមួយប្រភេទនៅផ្ទះ ក្រោមការតាមដានពីចម្ងាយ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម