ការទំពារស្ករកៅស៊ូ នៅក្រោយពេលបាយ អាចជួយបង្ការធ្មេញឱ្យចៀសឆ្ងាយពីអាការៈ ពុក ឬឆាប់ខូចបាន នេះបើតាមការស្រាវជ្រាវវិទ្យាសាស្រ្ត។
ទំពារស្ករកៅស៊ូពេលនេះ ជួយកម្ចាត់មេរោគក្នុងមាត់ និងបង្ការធ្មេញពុក
ត្រួតពិនិត្យដោយ ជីព ចិត្ត
ក្រុមអ្នកស្រាវជ្រាវបានពិនិត្យមើលលើករណីសិក្សាជាច្រើន ឃើញថា ការញ៉ាំទំពារស្ករកៅស៊ូ ពិតជាអាចកាត់បន្ថយហានិភ័យធ្មេញពុកបាន២៨ភាគរយ នេះបើធៀប នឹងអ្នកពុំដែលញ៉ាំស្ករកៅស៊ូសោះ។
នៅក្នុងស្ករកៅស៊ូ មានផ្ទុកសារធាតុប្រឆាំងបាក់តេរី ពីរសំខាន់គឺ Xylitol និងSorbitol ហើយវាក៏ជួយជម្រុញឱ្យប្រព័ន្ធស៊ាំក្នុងរាងកាយបង្កើនប្រូតេអ៊ីនទៅសម្អាតបាក់តេរីចេញពីក្នុងមាត់ផងដែរ។ បន្ថែមពីនោះ ស្ករកៅស៊ូ បង្កឱ្យចេញទឹកមាត់ច្រើន ជួយឱ្យលាងសម្អាតជាតិអាស៊ីដ(កើតពីសំណល់អាហារយើងបរិភោគ) ក្នុងមាត់ចេញតាមធម្មជាតិ ដែលជាធម្មតាជាតិអាស៊ីដទាំងនោះនៅជាប់ក្នុងមាត់ និងធ្មេញរយៈពេល២០នាទី។
តែយ៉ាងណាមិញ ក្រៅពីលទ្ធផលវិជ្ជមានខាងលើនេះ ក្រុមអ្នកស្រាវជ្រាវ ក៏បានរកឃើញដែរថា ប្រភេទស្ករកៅស៊ូ ដែលមានរសជាតិផ្លែឈើ ឬជាតិស្ករច្រើន ក៏អាចបង្កជាបញ្ហាដល់កាចាធ្មេញ។ ដូច្នេះ ក្រុមការងារស្រាវជ្រាវនៃ សាកលវិទ្យាល័យ King’s College នៃក្រុងឡុងដ៍ ចក្រភពអង់គ្លេស ដែលបានចុះស្រាវជ្រាវពីករណីសិក្សាខាងលើក៏បានណែនាំ ឱ្យជ្រើសប្រភេទស្ករកៅស៊ូណាដែលមានពុំមានជាតិស្ករ (sugar-free) ឬមានតិចតួច៕
ក្នុងករណីមានសំនួរឬមន្ទិលសង្ស័យជុំវិញសុខភាពអ្នក ជម្រើសល្អបំផុតសូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា ធ្វើរោគវិនិច្ឆ័យឬ ធ្វើការព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ជីព ចិត្ត
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម