គ្នាយើងដឹងទេត្រឹមតែកូនរុក្ខជាតិតូចមួយ ដាក់នៅតុធ្វើការ ក៏អាចជួយអ្នកឱ្យយើងចាកឆ្ងាយពីអារម្មណ៍ស្រ្តេស និងអារម្មណ៍អន្ទះអន្ទែងបានមួយកម្រិត នេះបើតាមលទ្ធផលសិក្សារបស់ក្រុមស្រាវជ្រាវពីប្រទេសជប៉ុន។

ការសិក្សាបានផ្តោតសំខាន់លើសំណួរមួយថា តើកូនរុក្ខជាតិតូចៗពិតជាជួយឱ្យអារម្មណ៍ដែលតែងតែស្រ្តេសនៅកន្លែងធ្វើការ ឱ្យបានប្រសើរឡើងវិញមែនឬអត់? ដូចនេះ ក្រុមការងារបានផ្តល់ឱ្យ បុគ្គលិកធ្វើការតាមក្រុមហ៊ុន ដែលជាអ្នកស្ម័គ្រចិត្ត៦៣នាក់ នូវរុក្ខជាតិតូចៗដូចជា ដើមដំបងយក្ស ដើមរុក្ខជាតិតូចៗ ដែលគេដាំក្នុងផើងលម្អតាមផ្ទះ ឱ្យទៅពួកគេទុក និងថែរក្សានៅកន្លែងធ្វើការ។

រយៈពេល៤សប្តាហ៍ លទ្ធផលតាមដានពីភាពស្រ្តេសរបស់អ្នកធ្វើការដែលបានទទួលកូនរុក្ខជាតិ បង្ហាញថាបានធ្លាក់ចុះ ក្នុងកម្រិតដែលធ្លាប់កើតមានពី៩ មកត្រឹម៥។ ក្រោយឃើញលទ្ធផល លោកវេជ្ជបណ្ឌិត Masahiro Toyoda ជាសាស្រ្តាចារ្យដឹកនាំការស្រាវជ្រាវ បានលើកឡើងថា រុក្ខជាតិជាសមាសធាតុធម្មជាតិមួយដែលជំរុញឱ្យអារម្មណ៍មនុស្សឱ្យកើតមានភាពស្ងប់សុខស្រួល ចាកចេញពីភាពស្រ្តេស ហើយថែមទាំងធ្វើឱ្យអារម្មណ៍មនុស្សបានប្រសើរឡើង ដែលបង្កើនផលិតភាពការងារកើនឡើងវិញទៀតផង។

អត្ថបទពាក់ព័ន្ធ៖

ក្រៅតែពីជួយអារម្មណ៍បុគ្គលិកធ្វើការបានប្រសើរឡើង អ្នកស្រាវជ្រាវក៏បានពិនិត្យឃើញថា ចលនាបេះដូងពួកគេដើរបានប្រសើរឡើងជាងមុនរហូតដល់២៧ភាគរយ ដែលនេះសុទ្ធសឹងជាលទ្ធផលវិជ្ជមាននាំឱ្យក្រុមអ្នកស្រាវជ្រាវជំរុញឱ្យមានការដាក់ដាំកូនរុក្ខជាតិធម្មជាតិនៅក្បែរខ្លួន មិនថានៅផ្ទះ ឬកន្លែងធ្វើការ។

គួររំឭកផងដែរថា ការស្រាវជ្រាវខាងលើបានធ្វើឡើងដោយក្រុមការងារ នៃសាកលវិទ្យាល័យ Hyogo នៅកោះ Awaii ប្រទេសជប៉ុន៕

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

គ្រាន់តែដាក់កូនរុក្ខជាតិនៅតុធ្វើការត្រឹម​តែ​៤​សប្តាហ៍ ក៏ផ្ដល់ប្រយោជន៍ច្រើនដែរ

គ្រាន់តែដាក់កូនរុក្ខជាតិនៅតុធ្វើការត្រឹមតែ៤សប្តាហ៍ ក៏ផ្ដល់ប្រយោជន៍ច្រើនដែរ