ក្រោយចាក់វ៉ាក់សាំងកូវីដ-១៩រួច មានស្រីៗមួយចំនួនប្រឈមនឹងការប្រែប្រួលវដ្ដរដូវ ដូចជាមករដូវច្រើនជ្រុល មករដូវមុនកំណត់ មករដូវយឺតយ៉ាវ ឬរាំងរដូវ ជាដើម។ យ៉ាងណាមិញ ពុំមានភស្តុតាងជាក់លាក់ណាមួយបង្ហាញថា វ៉ាក់សាំងកូវីដ-១៩ ប៉ះពាល់ដល់វដ្ដរដូវរបស់ស្រីៗនៅឡើយទេ នេះបើយោងតាមមហាវិទ្យាល័យសម្ភព និងរោគស្ត្រីនៃសហរដ្ឋអាមេរិក។ ផ្ទុយទៅវិញ ការប្រែប្រួលវដ្ដរដូវទាំងនេះ អាចពាក់ព័ន្ធនឹងប្រតិកម្មនៃប្រព័ន្ធភាពស៊ាំរបស់រាងកាយ។
ស្រីៗមករដូវមិនទៀង ក្រោយចាក់វ៉ាក់សាំងកូវីដ-១៩ គួរបារម្ភអត់?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
តើប្រព័ន្ធភាពស៊ាំ និងវដ្ដរដូវមានទំនាក់ទំនងគ្នាយ៉ាងដូចម្ដេច?
កត្តាជំងឺ កម្រិតស្ត្រេស ការប្រើប្រាស់ថ្នាំ ការប្រែប្រួលទម្ងន់ និងហាត់ប្រាណ ក៏ដូចជាការប្រែប្រួលអ័រម៉ូន សុទ្ធតែអាចប៉ះពាល់ដល់វដ្ដរដូវ។ ជាក់ស្ដែង កោសិកាភាពស៊ាំមាននៅក្នុងរាងកាយទាំងមូល រួមទាំងសរីរាង្គបន្តពូជ ហើយការឆ្លងជំងឺកូវីដ-១៩ ក៏ជាកត្តាមួយដែលធ្វើឲ្យយើងមករដូវមិនទៀងផងដែរ។
វ៉ាក់សាំងកូវីដ-១៩ អាចធ្វើឲ្យវដ្ដរដូវយើងប្រែប្រួលដែរឬទេ?
យោងតាមវេជ្ជបណ្ឌិតVijayakumar ផ្នែកសម្ភព និងរោគស្ត្រីនៃបណ្ដាញគ្រូពេទ្យFranciscan បានឲ្យដឹងថាការប្រែប្រួលវដ្ដរដូវ ជាផលប៉ះពាល់រយៈពេលខ្លី ដែលរាងកាយប្រតិកម្មទៅនឹងវ៉ាក់សាំង ប៉ុន្តែវានឹងបាត់ទៅវិញ បន្ទាប់ពីប្រព័ន្ធភាពស៊ាំបានបង្កើនការឆ្លើយតបចាំបាច់ប្រឆាំងនឹងវីរុសកូវីដ-១៩ ក្នុងរយៈពេលពីរបីថ្ងៃ ឬរហូតដល់ច្រើនសប្ដាហ៍។ ការប្រែប្រួលនេះ ក៏កើតមានជាញឹកញាប់នៅពេលដែលយើងចាក់វ៉ាក់សាំងដទៃទៀត ដូចជាវ៉ាក់សាំងគ្រុនផ្ដាសាយ។
យើងគួរធ្វើដូចម្ដេចនៅពេលមានការប្រែប្រួលវដ្ដរដូវ ក្រោយចាក់វ៉ាក់សាំង?
ប្រសិនបើការប្រែប្រួលវដ្ដរដូវនៅតែបន្ត ឬមករដូវច្រើនជ្រុល (ត្រូវប្ដូរសំឡីអនាម័យជារៀងរាល់ពីរម៉ោងម្ដង) ស្រីៗយើងគប្បីទៅពិគ្រោះយោបល់ជាមួយនឹងគ្រូពេទ្យជំនាញ ទើបជាការប្រសើរ។ ចំណែកឯស្ត្រីចូលដល់វ័យអស់រដូវ ដែលមានធ្លាក់ឈាមតាមទ្វារមាស គប្បីយកចិត្តទុកដាក់ឲ្យបានដិតដល់ ពីព្រោះវាអាចជាសញ្ញានៃជំងឺមហារីកមិនមែនជាផលប៉ះពាល់រយៈពេលខ្លីនៃវ៉ាក់សាំងនោះទេ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម