home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ឃើញ​ទឹកឃ្មុំផ្អែមៗ តិចច្រឡំឲ្យទារកក្រោម ១ ឆ្នាំញ៉ាំ ប្រយ័ត្នគ្រោះថ្នាក់

ឃើញ​ទឹកឃ្មុំផ្អែមៗ តិចច្រឡំឲ្យទារកក្រោម ១ ឆ្នាំញ៉ាំ ប្រយ័ត្នគ្រោះថ្នាក់

នៅ​ពេល​​ទារក​លូត​លាស់​ធំ​ទៅ​ៗ ម៉ាក់​ប៉ា​អាច​​ចាប់​ផ្ដើម​ឲ្យ​កូន​ញ៉ាំ​អាហារ​ប្លែកៗ​ច្រើន​មុខ ជា​ពិសេស​អាហារ​ដែល​មាន​ជាតិ​ផ្អែម ព្រោះ​ក្មេង​ចូលចិត្ត​ញ៉ាំ​របស់​ផ្អែម​ៗ តែ​ត្រូវ​ដឹង​ថា គ្រូពេទ្យ​ជំនាញ​មិន​ណែនាំ​ឲ្យ​ទារក​អាយុ​មិន​ទាន់​គ្រប់​១ឆ្នាំ​ញ៉ាំ​ទឹក​ឃ្មុំ​ទេ។

ទាក់​ទង​នឹង​បញ្ហា​នេះ លោក​វេជ្ជបណ្ឌិត ចាន់ ស៊ីណេត ឯកទេស​ជំងឺ​ទូទៅ បាន​ឲ្យ​ដឹង​ថា ទោះ​ទឹក​ឃ្មុំ​ផ្អែម​ប៉ុនណាក៏​ដោយ ម៉ាក​ប៉ា​មិន​ត្រូវ​ឲ្យ​ទារក​ក្រោម​អាយុ១ឆ្នាំ​ញ៉ាំ​ទេ ព្រោះ​ក្រពះ​ពោះ​វៀន​កូន​នៅ​ខ្ចី ហើយ​នៅ​ក្នុង​ទឹក​ឃ្មុំ​ស្រស់​នោះ​អាច​មាន​ផ្ទុក​បាក់​តេរី Clostridium​។

បើ​តាម​មជ្ឈមណ្ឌល​គ្រប់​គ្រង និង​បង្ការ​ជំងឺ​សហរដ្ឋ​អាមេរិក​ (CDC) ឲ្យ​ដឹង​ថា ទារក​ដែល​មាន​អាយុ​ក្រោម​១ឆ្នាំ ដាច់​ខាត​គឺ​មិន​ត្រូវ​ឲ្យ​ញ៉ាំ​ទឹកឃ្មុំ​ទេ ពី​ព្រោះ​ប្រព័ន្ធ​រំលាយ​អាហារ​របស់​ទារក​នៅ​មិន​ទាន់​លូតលាស់​បាន​ល្អ​សម្រាប់​ទប់​ទល់​នឹង​បាក់តេរី​ដែល​មាន​នៅ​ក្នុង​ទឹក​ឃ្មុំ​ឆៅ​នៅ​ឡើយ​ទេ។ CDC បាន​បន្ថែម​ថា ទារក​អាច​កើត​ជំងឺ Botulism ដោយសារ​ការ​ញ៉ាំ​ពង​របស់​បាក់តេរី Clostridium botulinum ដែល​រក​ឃើញ​មាន​នៅ​លើ​ដី ទឹក​ឃ្មុំ និង​ផលិត​ផល​​ធ្វើ​ចេញពី​ទឹក​ឃ្មុំ។ ពង​របស់​បាក់តេរី​ទាំង​នេះ​នឹង​ក្លាយ​ទៅ​ជា​បាក់តេរី​ពេញ​រូបរាង​នៅ​ក្នុង​ពោះ​វៀន​ធំ​ទារក និង​អាច​បង្ក​ឲ្យមាន​គ្រោះ​ថ្នាក់ ​ពុល​ដល់​ប្រព័ន្ធ​ប្រសាទ​នៅ​ក្នុង​រាង​កាយ។ ក្នុង​ករណី​ដែល​ទារក​បាន​កើត​ជំងឺ ​Botulism ​នេះ​ហើយ ទារក​នឹង​មាន​ចេញ​រោគ​សញ្ញាមួយ​ចំនួន​ដូច​ជា៖

– ខ្សោយ
– ទល់លាមក
– មិន​រំលាយ​អាហារ
– ក្អួត

លើស​ពី​នេះ ទារក​អាច​មួរ​ម៉ៅ ឆាប់​ខឹង ពិបាក​ដក​ដង្ហើម ករណី​ខ្លះ​ទៀត ទារក​អាច​ប្រកាច់​ក៏​ថា​បាន។

ម៉ាក់​ប៉ា​មិន​ត្រូវ​ឲ្យ​កូន​តូច​ញ៉ាំ​ទឹក​ឃ្មុំ​ទេ ហើយ​ក៏​ត្រូវ​ចៀស​វាង​ផលិត​ផល​ទាំង​អស់​មិន​ថា​នំ ទឹក​ដោះ​គោ​ផ្សេងៗ​ដែល​មាន​ផ្ទុក​ជាតិ​ទឹក​ឃ្មុំ ដើម្បី​ការ​ពារ​កូន​កុំ​ឲ្យ​ឆ្លង​បាក់តេរី​អាច​បណ្ដាល​ឲ្យ​ប៉ះពាល់​ដល់​សុខភាព​កូន​ធ្ងន់​ធ្ងរ​បាន។​

អត្ថបទពាក់ព័ន្ធ៖

ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខ​ភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជា​មួយ​ពេទ្យ​ជំនាញ។ Hello Health Group មិន​ចេញ​វេជ្ជ​បញ្ជា មិន​ធ្វើ​រោគ​វិនិច្ឆ័យ ឬ​ព្យាបាល​ជូន​ទេ៕

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធ
អត្ថបទដោយ នាង សុខុមដាលីញ៉ា នៅ 15/06/2020
ត្រួតពិនិត្យ​ដោយ វេជ្ជ. ចាន់ ស៊ីណេត
x