មនុស្សធំជាច្រើន តែងជួបបញ្ហារំលាយអាហារដូចជាឈឺក្រពះ ទល់លាមក រាករូសជាដើម។ ទាក់ទងនឹងបញ្ហារំលាយអាហារនេះដែរ តើទារកតូចៗ អាចជួបបញ្ហារំលាយអាហារដូចមនុស្សធំធម្មតាដែរឬអត់?
ចេះកើតអីតែចាស់ៗ ទារកក៏មានបញ្ហារំលាយអាហារដែរ
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
យោងតាមការឲ្យដឹងរបស់លោកវេជ្ជបណ្ឌិត អ៊ុន យូ បម្រើការនៅមន្ទីរពេទ្យកុមារជាតិថា ជាទូទៅ បន្ទាប់ពីទារកកើតមក អាហារដែលចាំបាច់បំផុតសម្រាប់ទារកគឺទឹកដោះម្ដាយ ហើយពេលខ្លះទៀត ទារកបៅទឹកដោះគោជំនួសវិញ។ បើទារកបៅទឹកដោះម្ដាយ ៩៩% ទៅហើយ គឺមិនដែលមានបញ្ហាអីដែលបណ្ដាលឲ្យប៉ះពាល់ដល់ទារកទេ ក៏ប៉ុន្តែក្នុងករណីដែលទារកបៅទឹកដោះគោអាចជួបបញ្ហា៖” ទារកដែលបៅទឹកដោះគោអាចមានបញ្ហាអាលែកហ្ស៊ីជាមួយទឹកដោះគោ ឬក៏ lactose intolerance។”
វេជ្ជបណ្ឌិតជំនាញរោគកុមាររូបនេះ បន្តថា ប្រសិនបើទារកនោះមានបញ្ហាអាលែកហ្ស៊ីនឹងទឹកដោះគោ ម៉ាក់ប៉ាគួរកត់សម្គាល់រោគសញ្ញានៅលើកូនដូចជា៖
– ហើមពោះ
– ឆ្អល់ពោះ
– ឈឺពោះ
– ចង្អោរ
– រាករូស។
លើសពីនេះទៅទៀត កូនៗអាចមានបញ្ហានៅលើស្បែកដូចជា ចេញកន្ទួលក្រហម នៅលើមុខ លើថ្ពាល់ លើខ្លួនហើយកូននោះយំច្រើន មួរម៉ៅច្រើនដោយសារការឈឺពោះជាដើម ។
ប្រសិនបើម៉ាក់ប៉ា ឬអាណាព្យាបាលណាឲ្យកូនបៅទឹកដោះគោ ហើយកូនមានចេញរោគសញ្ញានេះ លោកវេជ្ជបណ្ឌិតណែនាំឲ្យយកកូនទៅឲ្យពេទ្យមើលត្រឹមត្រូវ ដើម្បីកុំឲ្យកូនឈឺពិបាកទ្រាំ ហើយក៏មិនត្រូវឲ្យថ្នាំកូនញ៉ាំផ្ដេសផ្ដាសដែរ ចៀសវាងធ្វើឲ្យអាការៈកូនកាន់តែធ្ងន់ធ្ងរ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម