ចាស់ៗមួយចំនួននៅប្រកាន់ទំនៀមពីបុរាណលើការថែទាំទារកទើបកើតនៅឡើយ ហើយទម្លាប់ខ្លះមិនសមស្របនឹងក្បូនវេជ្ជសាស្ត្រនោះទេ។ លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា-ចិន សែនសុខ បានហាមដាច់ខាតចំពោះការធ្វើ ៣ ចំណុចខាងក្រោមនេះលើទារកទើបកើត។
កុំធ្វើរឿង ៣ នេះ ដាក់ក្មេងទើបកើត ប្រយ័ត្នមានបញ្ហាធំ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. បន្តក់ទឹកដោះលើភ្នែកកូន
ម៉ាក់ៗដែលកើតកូនតាមធម្មជាតិ អាអូនមានបញ្ហាភ្នែកច្រើនជាងសម្រាលដោយវះកាត់។ នៅពេលកូនស្អិតភ្នែក មានអាចម៍ភ្នែកនោះ ចាស់ៗ ឬម៉ាក់ៗមួយចំនួនបានបន្តក់ទឹកដោះម្តាយចូលភ្នែកកូន ដោយជឿថាទឹកដោះម្តាយល្អ ជាថ្នាំព្យាបាលភ្នែកដ៏សក្តិសិទ្ធ។ ជំនឿបែបនេះមិនសមហេតុសមផលឡើយ ហើយបច្ចុប្បន្នថ្នាំសង្កូវក៏សម្បូរបែបដែរ។ ការបន្តក់ទឹកដោះលើភ្នែករឹតតែធ្វើឲ្យភ្នែកស្អិត ហើម និងរលាកភ្នែក។ ភ្នែកកូនតូចឈឺ គ្រូពេទ្យបានណែនាំឲ្យបន្តក់សេរ៉ូមប្រៃ ឬបើមានបញ្ហាធ្ងន់ធ្ងរ ត្រូវនាំកូនទៅពេទ្យ។
២. ច្របាច់គ្រាប់ដោះកូន
ចាស់ៗសម័យមុន គឺឲ្យតែទារកទើបនឹងកើត ត្រូវច្របាច់ក្បាលដោះកូនឲ្យចេញគ្រាប់ ចៀសវាងពេលធំទៅដោះប្រែជាធំរយីករយាក ឬកើតជំងឺផ្សេងៗនៅកន្លែងនោះ ហើយមិនថាជាកូនប្រុស ឬស្រីឡើយឲ្យតែកើតមក ត្រូវធ្វើបែបនេះភ្លាម។ ការច្របាច់ក្បាលដោះកូន ប្រៀបដូចជានាំមេរោគឲ្យកូនដែរដោយសារមានការដាច់រលាត់ស្បែក ព្រោះបើដៃមិនស្អាត មេរោគនឹងជ្រៀតចូលទៅភ្លាម ហើយបើទោះជាដៃលាងសម្អាត ក៏មេរោគអាចចូលតាមធូលី ខ្យល់ ឬសម្លៀកបំពាក់កូនកកិតប៉ះចុះឡើងនៅកន្លែងនោះ។ នៅពេលក្បាលដោះកូនឆ្លងមេរោគ វាមានរោគសញ្ញាដូចជា ហើម ឡើងក្រហម មានខ្ទុះ និងក្ដៅខ្លួនជាដើម ដូចនេះប្រសិនបើឃើញកូនមានដោះធំ មិនចាំបាច់ទៅភ័យព្រួយអ្វីឡើយ។ ជាធម្មតាកូនដែលថ្លោស ដោះក៏ធំដែរ ព្រោះតែមានសាច់ច្រើន។
៣. រោយម្សៅលើផ្ចិតកូន
ក្រោយចេញពីពេទ្យ ម៉ាក់ប៉ាត្រូវថែទាំផ្ចិតកូនឲ្យបានល្អ ដើម្បីបង្ការការឆ្លងរោគ ដោយធ្វើអនាម័យ និងលាងសម្អាតផ្ចិតកូនជាមួយអាល់កុល និងថ្នាំមេតាឌីន មិនត្រូវយកដីដំបូក សំបុកពីងពាង-ឆ្កែញ៉ាំង ផេះ ម្សៅហុយមកបិទ ឬរោយពីលើផ្ចិតនោះទេ។ ផ្ចិតកូនក្មេងនឹងក្រៀមជ្រុះដោយឯកឯងក្នុងអំឡុង ៥-១៥ ថ្ងៃក្រោយសម្រាល។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម