ជួនកាល ម៉ាក់ៗ ត្រូវបានគេណែនាំឲ្យបំបៅដោះកូនតិចតួចនៅពេលដែលទារកមានជំងឺរាក ប៉ុន្តែក្រសួងសុខាភិបាលបដិសេធទាំងស្រុងថា ការណែនាំបែបនេះគឺខុសស្រឡះ។ ទារកដែលឈឺ គឺត្រូវការចាំបាច់ក្នុងការបំបៅដោះម្ដាយឲ្យបានច្រើនទើបល្អ ព្រោះទឹកដោះម្ដាយមានសារជាតិចិញ្ចឹមគ្រប់គ្រាន់ងាយស្រួលក្នុងការរំលាយ ហើយជួយទារកក្នុងការប្រឆាំងនឹងជំងឺ និងការបង្ករោគផ្សេងៗ។
ក្រសួងសុខាភិបាល បញ្ជាក់បន្ថែមថា ការបំបៅកូនដោយទឹកដោះម្ដាយ អាចធ្វើឲ្យទារកដែលមានអារម្មណ៍អាប់អួ អាចប្រែជាសប្បាយរីករាយក្នុងចិត្តបាន។ នៅក្នុងករណីដែលទារកមានជំងឺរាកធ្ងន់ធ្ងរ ដូចជាបង្ហាញនូវសញ្ញាគ្រោះថ្នាក់ ម៉ាក់ប៉ាគួរនាំកូនទៅពិនិត្យនៅមន្ទីរពេទ្យ និងយកចិត្តទុកដាក់ថែទាំកូនឲ្យបានល្អតាមការណែនាំរបស់អ្នកជំនាញ។