ចង់ឲ្យដំណាំលូតលាស់ល្អ គ្មានការបំផ្លាញពីសត្វល្អិត កសិករ ភាគច្រើន ប្រើប្រាស់ថ្នាំសម្លាប់សត្វល្អិត ចាប់ពីដំណាំនៅតូចៗ រហូតប្រមូលផល។ ជួយការពារដំណាំក៏ពិតមែន តែវាប៉ះពាល់ក៏ប៉ះពាល់ខ្លាំងដែរ ដល់សុខភាពមនុស្ស ជាពិសេស ប៉ះពាល់ដល់ខួរក្បាលទារក។
ថ្នាំសម្លាប់សត្វល្អិត ប៉ះពាល់ខួរក្បាលទារក អាមេរិកឈប់ឲ្យប្រើបន្ទាន់
រដ្ឋ California របស់អាមេរិក ដែលមានប្រជាជនលើសខ្មែរយើងជិត ៣ដង គ្រោងបញ្ឈប់ការប្រើប្រាស់ថ្នាំសម្លាប់សត្វល្អិត ដោយសារវាប៉ះពាល់ដល់ការវិវត្ដខួរក្បាលទារក។ បម្រាមនេះ គឺបន្ទាប់ពីរដ្ឋ Hawaii បានដាក់ចេញ កាលពីឆ្នាំ២០១៨ ហើយរដ្ឋ New York ក៏បានដាក់វិធានការលើថ្នាំសម្លាប់សត្វល្អិតខុសច្បាប់ផងដែរ កាលពីពេលថ្មីៗនេះ។
ថ្នាំសម្លាប់សត្វល្អិត ស្ថិតនៅក្នុងក្រុមប្រភេទគីមី Organophosphates ដោយស្រដៀងទៅនឹងឧស្ម័នគីមីប៉ះពាល់សរសៃប្រសាទ បង្កើតដោយណាហ្ស៊ី អាល្លឺម៉ង់ មុនសង្គ្រាមលោកលើកទី២។ ការសិក្សាមួយ ឆ្នាំ២០១២ របស់សាកលវិទ្យាល័យ California រកឃើញថា ឈាមទងផ្ចិតរបស់ទារកទើបកើត មានកម្រិតថ្នាំសម្លាប់សត្វល្អិតប៉ះពាល់សុខភាព។
វេជ្ជបណ្ឌិត Gina Solomon សាស្ត្រាចារ្យវេជ្ជសាស្ត្រនៅសាកលវិទ្យាល័យ California បញ្ជាក់ថា ការសិក្សាជាច្រើន រកឃើញថា ថ្នាំសម្លាប់សត្វល្អិតនៅកសិដ្ឋាន និងនៅតាមផ្ទះ ប៉ះពាល់ដល់ការវិវត្ដខួរក្បាលទារក សមត្ថភាពអាន និងភាពវ័យឆ្លាត។
ពាក់ព័ន្ធនឹងបម្រាមនេះ ក្រុមប្រឹក្សាការពារធនធានធម្មជាតិអាមេរិក លើកឡើងថា នេះជាជោគជ័យរបស់សហគមន៍កសិកម្មនៅរដ្ឋ California និងសម្រាប់ក្មេងៗទូទាំងប្រទេស។ បម្រាមនេះ មិនត្រឹមជួយការពារក្មេងៗនៅរដ្ឋ California ទេ ប៉ុន្ដែក្មេងនៅតំបន់ផ្សេងទៀតដែលញ៉ាំបន្លែ និងផ្លែឈើ ដាំដុះ និងនាំចេញពីរដ្ឋនេះ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ជីព ចិត្ត
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម