បើកូនរាងធំបន្តិចហើយនោះ គឺពិតជាអាចប្រាប់ម៉ាក់ប៉ាបានពេលពួកគេឃ្លាន រីឯទារកមិនអាចនិយាយបានទេ ប៉ុន្តែពួកគេប្រើជាសំឡេង ឬកាយវិការផ្សេងៗដើម្បីបង្ហាញថាកំពុងតែឃ្លាន។ សម្រាប់ស្រីៗយើងទើបក្លាយជាម៉ាក់ៗលើកដំបូងអាចនឹងមិនទាន់សម្គាល់ដឹងពីសំឡេង និងកាយវិការទាំងនេះទេ ប៉ុន្តែយូរទៅនឹងដឹងពីកាយវិការទាំងនេះច្បាស់មិនខាន។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
ទើបក្លាយជាម៉ាក់ៗថ្មីថ្មោង សម្គាល់ម៉េចដឹងថាអូនៗកំពុងឃ្លាន
សញ្ញាមួយចំនួនបង្ហាញថាទារកកំពុងឃ្លាន៖
- កម្រើកដៃជើង
- ក្តាប់ដៃ
- ភ្ញាក់ពីគេង
- បង្កើតសំឡេងផ្សេងៗ
- កម្រើកក្បាលពីម្ខាងទៅម្ខាង
- ដាក់ម្រាមដៃ ឬដៃចូលទៅក្នុងមាត់
- នៅមិនស្ងៀម កម្រើកខ្លួនទៅមក
- ជញ្ជក់មាត់ ឬអណ្ដាត
- បែរក្បាលទៅលើដោះម៉ាក់ៗពេលម៉ាក់ៗបី។
ក្រៅពីសញ្ញាខាងលើ កូនតូចអាចនឹងយំពេលឃ្លាន ប៉ុន្តែការយំគឺសញ្ញាចុងក្រោយនៃការឃ្លាននេះ។ នេះមានន័យថានៅពេលកូនយំ កូនបានចូលដល់ដំណាក់កាលឃ្លានខ្លាំងទៅហើយ។ យ៉ាងណាមិញ ប្រសិនជាម៉ាក់ៗយកចិត្តទុកដាក់ទៅលើសញ្ញាកូនឃ្លានជំនួសឲ្យការកំណត់ពេលក្នុងការបំបៅដោះកូន ម៉ាក់ៗនឹងឃើញថាកូនឃ្លានរាល់មួយម៉ោងម្ដង ឬក្រោយពីរទៅបីម៉ោង និងគេងរយៈពេលយូរ។ ការបំបៅដោះកូនញឹកញាប់មិនមែនជារឿងគួរឲ្យព្រួយបារម្ភទេ។ ដូចនេះនៅពេលកូនមើលទៅឃ្លាន ម៉ាក់ៗអាចបំបៅកូនបានទោះបីជាញឹកញាប់បន្តិចក៏ដោយ។ ដោយឡែក ម៉ាក់ៗក៏អាចសម្គាល់ថាកូនឆ្អែតពេលកូនបិទមាត់ បែរមុខចេញពីដោះម៉ាក់ៗ និងលាដៃធម្មតាដែរ។
ប្រសិនជាទារកគេងច្រើន ម៉ាក់ៗអាចនឹងពិបាកក្នុងការសម្គាល់សញ្ញាដែលបង្ហាញថាកូនឃ្លាន។ ទោះជាមិនមានសញ្ញាច្បាស់លាស់ក៏មិនមែនមានន័យថាទារកមិនឃ្លានទេ។ ទារកទើបនឹងកើតត្រូវការការបំបៅដោះ យ៉ាងតិច ៨ទៅ១២ដងក្នុងមួយថ្ងៃ។ ដូចនេះម៉ាក់ៗត្រូវដាស់កូនឲ្យភ្ញាក់មកបៅរាល់បីម៉ោង ប្រសិនជាកូនមិនភ្ញាក់ដោយខ្លួនឯង។ ម៉ាក់ៗក៏អាចព្យាយាមដាក់កូននៅនឹងទ្រូងប្រសិនជាពិបាកក្នុងការដាស់កូន ហើយម៉ាក់ៗនឹងឃើញថាកូនអាចបៅដោះបានទោះបីជាពួកគេមិនទាន់ភ្ញាក់ពេញលេញក៏ដោយ។
ម៉ាក់ៗគួរទៅពិគ្រោះជាមួយពេទ្យប្រសិនកូនគេងច្រើន ពិបាកក្នុងដាស់ឲ្យបៅដោះ ឬកូនបង្ហាញសញ្ញាបញ្ជាក់ថាឃ្លានមិនឈប់ច្រើនជាង២ទៅ៣ថ្ងៃព្រោះនេះអាចមកពីកូនទទួលទឹកដោះមិនគ្រប់គ្រាន់។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
https://www.cdc.gov/nutrition/infantandtoddlernutrition/mealtime/signs-your-child-is-hungry-or-full.html
https://www.verywellfamily.com/how-to-tell-when-your-baby-is-hungry-431636