home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ទម្លាប់បំបៅដោះកូនតែ ១ ចំហៀង ប្រយ័ត្នស្តាយក្រោយ ដោយសាររឿងទាំងនេះ

ទម្លាប់បំបៅដោះកូនតែ ១ ចំហៀង ប្រយ័ត្នស្តាយក្រោយ ដោយសាររឿងទាំងនេះ

ការបំបៅកូនដោយទឹកដោះ គឺជារឿងសំខាន់ៗដែលសំខាន់បំផុតម៉ាក់គ្រប់រូបត្រូវតែបំពេញ ដើម្បីឲ្យកូនមានសុខភាពល្អ។ ទោះជាម៉ាក់ៗមួយចំនួនធំបានឲ្យកូនបៅទឹកដោះហើយក៏ដោយ នៅតែធ្វើមិនបានល្អ និងគ្រប់ជ្រុងជ្រោយដដែល។

វេជ្ជបណ្ឌិត ចាន់ ស៊ីណេត បានឲ្យដឹងថា ការបំបៅកូនដោយត្រឹមត្រូវ គឺបំបៅទាំងសងខាង បូករួមនឹងឥរិយាបថបំបៅសមស្របទៀតនោះ ទើបកូនអាចទទួលបានជីវជាតិ និងទឹកដោះគ្រប់គ្រាន់ពីយើង ហើយការលូតលាស់ធំធាត់ត្រូវតាមស្តង់ដារ សុខភាពរឹងមាំល្អ និងមានភាពឈ្លាសវៃ។

ប្រធានផ្នែកសម្ភព និងរោគស្ត្រីនៃមន្ទីរពេទ្យបង្អែកមិត្តភាពកម្ពុជា-ចិន សែនសុខ បន្តទៀតថា ម៉ាក់ៗមួយចំនួនតែងនៅធ្វើខុសត្រង់ឲ្កូនបៅតែដោះ តែ ១ ចំហៀង ឬកូនកំពុងតែបៅដោះម្ខាងមិនទាន់អស់ទឹកដោះផង ស្រាប់តែផ្ដាច់យកមកដាក់ឲ្យបៅ ១ ចំហៀងទៀត។ កាយវិការបែបនេះ គឺធ្វើឲ្យកូនបាត់បង់សារធាតុចិញ្ចឹមដ៏សម្បូរបែបនៅក្នុងទឹកដោះម្ដាយដែលកូនកំពុងតែបៅមិនទាន់អស់ចេញពីដោះ ១ ចំហៀងៗ។

ម៉ាក់ៗដែលចូលចិត្តផ្ដាច់ដោះកូនកំពុងបៅម្ខាងចេញបានបន្តិច ហើយបង្វែរក្បាលកូនមកបៅម្ខាងទៀតដែលកំពុងតែបាញ់ចេញឆ្វាចៗពិតជាខុសធ្ងន់ណាស់។ ធ្វើបែបនេះវាមិនត្រូវទេ ព្រោះទឹកដោះដែលទារកទើបបៅនោះមិនទាន់ដល់ចំណុចជីវជាតិសម្បូរបែបទេ ហើយខ្លះទៀតគិតដោយខ្លួនឯងថាកូនបៅតែមួយចំហៀងក៏ឆ្អែតដែរ។

ការយល់ឃើញទាំងនោះអាច មិនត្រឹមតែកូនមិនអាចទទួលបានជីវជាតិគ្រប់គ្រាន់ឡើយ យើងខ្លួនឯងក៏អាចជួបផលប៉ះពាល់មួយចំនួនដែរដូចជា៖ ដោះឡើងរឹង ១ ចំហៀង ឈឺចុកចាប់ព្រោះដោះឡើងពេក ហើយទៅថ្ងៃមុខអាចជួបបញ្ហាស្ទះព្រោះកំណទឹកដោះនោះខកខះ ដែលអាចបង្កជាមហារីកដោះថែមទៀតផង។ ក្រោយបំបៅដោះកូនមួយចំហៀងអស់ទឹកដោះ ទើបបង្វែរក្បាលកូនមកបៅ ១ ចំហៀងទៀត ហើយបំបៅឲ្យស្មើគ្នារហូត។

ដូចនេះដើម្បីឲ្យកូនបៅបានគ្រប់គ្រាន់ ម៉ាក់ៗត្រូវអង្គុយទប់លំនឹងឲ្យត្រង់រួច៖

– លើកទារកឱប ឬបីឲ្យបានជិតទ្រូង
– បង្វែរខ្លួនទារកឲ្យបែរមកចំហៀងកៀកនឹងដើមទ្រូង ហើយធ្វើយ៉ាងណាឲ្យមាត់ និងច្រមុះរបស់ទារកនៅកម្ពស់ប្រហែលនឹងក្បាលដោះយើង
– ត្រូវប្រាកដថាទារកហាមាត់ និងស៊កក្បាលដោះចូលមាត់ទារក
– ក្នុងមាត់កូនត្រូវតែគ្មានរបស់ ឬកំហាក ស្លេស្ម

សញ្ញាបញ្ជាក់ថាទារកបៅឆ្អែត

– ចង្កាកូនស្ថិតនៅកៀកដោះ ហើយមាត់បើកធំ ដោយបបូរមាត់ខាងក្រោមកោងទៅក្រោយ
– ច្រមុះរបស់ទារកមិនមានអ្វីបាំងបិទ ឬរាំងស្ទះ
– ថ្ពាល់កូនមិនកៀកជាប់ដោះ ហើយក៏មិនគួរមានសំឡេងប្លែកពេលបៅ
– កូនមិនស្រែកយំក្រោយបៅ
– កូនមានភាពស្រស់ស្រាយក្រោយពេលបៅ។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធ
ត្រួតពិនិត្យ​ដោយ វេជ្ជ. ចាន់ ស៊ីណេត
អត្ថបទ​ដោយ ទ្រី រ៉ាវី
កែ 22/10/2020
x