ដ្បិតទឹកដោះម្តាយមានបរិមាណជាតិដែកតិច តែលោកវេជ្ជបណ្ឌិតថា កូនដែលម៉ឹមទឹកដោះម្តាយអាចស្រូបយកជាតិដែកបានល្អជាងការស្រូបជាតិដែកដែលមាននៅក្នុងម្សៅទឹកដោះគោ។ ម្យ៉ាងវិញទៀត ទឹកដោះម្តាយងាយរលាយទឹកដោះគោ កូនម៉ឹមទៅមិនសូវឈឺ។
លោកវេជ្ជបណ្ឌិតឯកទេសរោគកុមាររូបនេះបានបន្ថែមទៀតថា កង្វះជាតិដែកលើកុមាររួមមាន ស្លេកស្លាំង ហើយបើបន្តទៅយូរទៅ ក្មេងនឹងខ្សោយ ថយសកម្មភាព រាងកាយមិនរឹងប៉ឹង ការវិវត្តខួរក្បាល និងរាងកាយយឺត។
“នៅពេលដែលស្លេកស្លាំង គ្រាប់ឈាមក្រហមធ្លាក់ទាប ការផ្គត់ផ្គង់អុកស៊ីសែនទៅកាន់សាច់ដុំ ខួរក្បាលធ្លាក់ចុះ ពេលនោះហើយធ្វើឲ្យសកម្មភាពក្មេងធ្លាក់ចុះ ទោះក្មេងតូចក៏ដោយក្មេងធំក៏ដោយ ហើយសិនជាស្លេកស្លាំងដោយសារខ្វះជាតិដែកយូរអង្វែង ប្រឈមនឹងការលូតលាស់ផ្នែកខួរក្បាល ការធ្លាក់ចុះនូវសមត្ថភាពក្នុងការសិក្សា”។