តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

កូនក្មេង អាចឲ្យញ៉ាំថ្នាំវីតាមីនបានទេ?

    កូនក្មេង អាចឲ្យញ៉ាំថ្នាំវីតាមីនបានទេ?

    រាង​កាយ​យើង​ត្រូវ​ការ​វីតាមីន​ចម្រុះ​មុខ ទើប​អាច​ដំណើរ​ការ និង​លូត​លាស់​ទៅ​បាន។ វីតាមីន​ទាំង​នោះ​យើង​បាន​មក​ពី​ការ​ញ៉ាំ​ចំណី​អាហារ និង​ការ​ញ៉ាំ​ថ្នាំ​វីតាមីន​ជំនួស ឬ​បន្ថែម ចុះចំពោះ​ក្មេង​តូចៗ អាច​ឲ្យ​ញ៉ាំ​ថ្នាំ​វីតាមីន​បាន​អត់?

    ថ្នាំ​វីតាមីន​ចម្រុះ ឬ Multivitamins មិន​​គួរ​ផ្តល់ឲ្យ​ក្មេង​ដែល​មាន​សុខភាព​ល្អ និង​លូត​លាស់​ធម្មតា​នោះ​ទេ នេះជាការ​លើក​ឡើង​របស់​លោក​វេជ្ជបណ្ឌិត ចាន់ ស៊ីណេត ប្រធាន​ផ្នែក​សម្ភព និង​រោគ​ស្ត្រី នៃ​មន្ទីរពេទ្យ​បង្អែក​មិត្តភាព​កម្ពុជា-ចិន សែនសុខ។

    លោក​វេជ្ជបណ្ឌិត​ថា ទឹកដោះ​ម្តាយ និង​អាហារ​ដែល​កូន​យើង​ញ៉ាំ​រាល់​ថ្ងៃ មាន​បបរ បាយ ត្រី សាច់ ស៊ុត បន្លែ ផ្លែ​ឈើ​គ្រប់​មុខ និង​ចំណី​ចំណុក​ផ្សេង​ទៀត គឺ​ជា​ប្រភព​ដ៏​សំខាន់​នៃ​វីតាមីន​ចម្រុះ ម៉ាក់​ប៉ា​មិន​ចាំបាច់​បារម្ភ ត្រូវ​ប៉ូវ​ថ្នាំ​វីតាមីន​បន្ថែម​ទេ។ ម្យ៉ាង​វិញ​ទៀត​ថ្នាំ​វីតាមីន​មិន​អាច​ការពារ​កូន​យើង​ពី​ជំងឺ​ផ្សេងៗ ឬ​ធំ​ធាត់​លឿន ដូច​ជា​ញ៉ាំ​របប​អាហារ​ប្រចាំ​ថ្ងៃ​នោះ​ទេ ក្មេង​ប្រើ​ថ្នាំ​វីតាមីន​ទាល់​តែ​មាន​បញ្ហា​អី​មួយ។

    លក្ខខណ្ឌ​ដែល​ម៉ាក់​ប៉ា​អាចឲ្យ​កូន​ញ៉ាំ​ថ្នាំ​វីតាមីន៖

    – កូន​លូត​លាស់​មិន​បាន​ល្អ ឬ​លូត​លាស់​យឺត​ទាំង​ផ្នែក​រាង​កាយ និង​បញ្ញា
    – មាន​ជំងឺ​រាំរ៉ៃ ឬ​អាលែកហ្ស៊ី​ជាមួយ​អាហារ
    – មិន​ចង់​ម៉ឹម ឬ​ញ៉ាំ​អាហារ។

    ទោះ​បី​យ៉ាង​លោក​វេជ្ជ​បណ្ឌិត​ថា មុន​នឹង​ឲ្យ​កូន​ញ៉ាំ​ប្រភេទ​ថ្នាំ​វីតាមីន​ណា​មួយ យើង​ចាំ​បាច់​ត្រូវ​​ពិគ្រោះ​ជាមួយ​គ្រូពេទ្យ​ជំនាញ។

    health-tool-icon

    តារាងកាលវិភាគចាក់ថ្នាំបង្ការ(វ៉ាក់សាំង) ទារក

    សូមប្រើប្រាស់តារាង​ប្រព័ន្ធភាពស៊ាំ​ដើម្បី​ស្វែងយល់បន្ថែម​ពីប្រភេទថ្នាំបង្ការនិងពេលវេលា​ដែល​កូនរបស់អ្នក​ត្រូវការ​

    កូនប្រុសឬស្រី?

    ប្រុស

    ស្រី

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ ដេត ធន្នី កែសម្រួល​ចុងក្រោយ 31/08/2020
    ត្រួតពិនិត្យដោយ វេជ្ជ. ចាន់ ស៊ីណេត
    Next article: