សម្រាប់ទារក ទឹកដោះម្ដាយគឺជាឱសថទិព្វដែលផ្ដល់សារធាតុចិញ្ចឹម និងជួយដល់ការលូតលាស់ ក៏ដូចជាការពារទារកពីជំងឺបានច្រើនមុខទៀត។ ប៉ុន្តែដល់ពេលដែលទារកលូតលាស់ធំទៅៗ ការបៅទឹកដោះម្ដាយតែមួយមុខក៏មិនទាន់ឲ្យទារកទទួលបានជីវជាតិចិញ្ចឹមបានគ្រប់គ្រាន់ដែរ ដូចជាតិដែកជាដើម។
បញ្ហានេះ លោកស្រីវេជ្ជបណ្ឌិត កុសល កណិការ ឯកទេសរោគកុមារ សញ្ញាបត្រពីបារាំងបានឲ្យដឹងថា អាអូនដែលបៅទឹកដោះម្ដាយសុទ្ធ ហើយមិនសូវញ៉ាំអាហារបន្ថែមបានច្រើនមានបញ្ហាកង្វះជាតិដែកច្រើន ដោយសារនៅក្នុងទឹកដោះម្ដាយមិនសូវសម្បូរជាតិដែក។ នៅពេលទារកមានអាយុចាប់ពី៦ ខែឡើង ម៉ាក់ប៉ាត្រូវព្យាយាមផ្ដល់អាហារបន្ថែមដែលសម្បូរជាតិដែកដល់កូន តាមរយៈបបរខាប់គ្រប់គ្រឿង។
– បន្លែបៃតងចាស់
– សាច់ក្រហម ស៊ុត
- ពពួកគ្រាប់ធញ្ញជាតិ
– សណ្ដែកសៀង
– តៅហ៊ូ។
