ដឹងស្រាប់ហើយបេប៊ីកើតមកភ្លាម ពេទ្យលើកទឹកចិត្តឲ្យបំបៅដោយទឹកដោះម៉ាក់ៗតែមួយមុខគត់ យ៉ាងហោចណាស់ឲ្យបាន ៦ខែ ទើបអូនៗមានសុខភាពល្អ។ ចុះគ្នាយើងដឹងអស់ បន្ទាប់ពីបៅដោះម៉ាក់ៗ ៦ខែ អាហារូបត្ថម្ភគឺចាំបាច់ខ្លាំងសម្រាប់ការលូតលាស់ ក្នុងនោះទឹកគឺសារៈសំខាន់បំផុត។ ដឹងថា ពេលអូនៗតូចៗមានអាយុ ១-៣ ខួបគួរញ៉ាំទឹកមួយថ្ងៃប៉ុន្មានអត់? បើចង់ដឹងអត្ថបទនេះ និងលម្អិតប្រាប់។
ក្មេងតូចទើបចេះដើរ គួរផឹកទឹកមួយថ្ងៃប៉ុន្មានទើបល្អ?
១- តម្រូវការទឹកសម្រាប់ក្មេងតូចៗ
ក្មេងតូចទើបនឹងចេះដើរ គួរតែផឹកទឹកឲ្យបានពី ៤-៦ ពែង/ថ្ងៃ ប៉ុន្តែការទទួលបានសារធាតុចិញ្ចឹម និងខ្លាញ់ ក៏មានសារៈសំខាន់សម្រាប់ការឡើងទម្ងន់ និងការអភិវឌ្ឍទូទៅរបស់អូនៗដែរ។ បើអូនតូចញ៉ាំអាហារមិនបានគ្រប់គ្រាន់ ម៉ាក់ប៉ា គួរតែឲ្យអូនៗផឹកទឹកឲ្យបានច្រើន ឯមធ្យោបាយដើម្បីផ្លាស់ប្តូរទម្លាប់ញ៉ាំរបស់អូនៗ ត្រូវឲ្យញ៉ាំអាហារមុនផឹកទឹក ខណៈវិធីសាស្ត្រច្រើនទៀត សុទ្ធតែអាចជួយឲ្យអូនៗទទួលជាតិទឹកបានច្រើនគ្រប់គ្រាន់ ដើម្បីការលូតលាស់ និងសុខភាពកាន់តែល្អ។
អត្ថបទពាក់ព័ន្ធ៖
- បើក្មេងៗផឹកភេសជ្ជៈប៉ូវកម្លាំង មានចំណុចល្អ និងអត់ល្អអីខ្លះ?
- បណ្តោយឲ្យកូនញ៉ាំ ៣ មុខនេះ អាចកើតទឹកនោមផ្អែមដោយមិនដឹងខ្លួន
២- វិធីសាស្ត្រជួយក្មេងៗស្រូបយកជាតិទឹកបានច្រើន
– ប្តូរពែងទឹក៖ គួរតែដាក់ទឹកឲ្យពេញដបទឹក ប៉ុន្តែបើអូនតូចឧស្សាហ៍ផឹកទឹកញឹកញាប់ គួរតែដូរជាពែង ឬកែវវិញ។ ត្រូវចាប់ផ្តើមពីកែវទឹកតូច ជាមួយនឹងទឹកដោះគោ ឬទឹកលាយជាមួយទឹកផ្លែឈើ និងញ៉ាំអាហារ ឬអាហារសម្រន់មុនពេលបៅទឹកដោះ ឬឲ្យដបទឹកដោះគោទៅអូនៗ។ អូនតូចផឹកទឹកដោយប្រើពែង ឬកែវ ក៏ជាវិធីសាស្ត្រល្អ ឲ្យអូនៗរៀបសូត្ររបៀបផឹកទឹកត្រូវត្រឹម ព្រោះអំឡុងពេលនេះ នឹងមានហៀរ ឬកំពប់មិនខាន។
– បែងចែកបរិមាណសារធាតុទឹកឲ្យមានតុល្យភាព៖ គឺសំខាន់ចំពោះចំណុះទឹកអូនៗបានផឹក។ ក្មេងតូចៗកំពុងលូតលាស់ ត្រូវការផឹកទឹកដោះគោ ២-៣ ពែង/ថ្ងៃ ជាមួយនឹងភេសជ្ជៈផ្សេងទៀតពី ២-៣ ពែង/ថ្ងៃ (ផឹកតាមដែលអាចធ្វើបានពេលនៅក្តៅៗ) ។ ម៉ាក់ប៉ា អាចកំណត់ពីការផឹកទឹកអូនៗ ដូចជា ទឹកដោះគោបីពែង និងទឹកលាយទឹកផ្លែឈើ ២ ពែងពេលព្រឹក និងនៅពេលថ្ងៃ រួមទាំងផ្តល់អាហារសម្បូរសារធាតុរាវ មានឪឡឹក ស៊ុប ឬទឹកក្រឡុកជាដើម)។ អាកាសធាតុ អារម្មណ៍ កម្រិតសកម្មភាពប្រចាំថ្ងៃ និងចំណង់អាហារក្មេងតូចៗ ក៏អាចមានឥទ្ធិពលដល់បរិមាណទឹកអូនៗត្រូវផឹកដូចគ្នា។
– ផ្តល់ទឹកផ្លែឈើដោយវិធីឆ្លាតវៃ៖ ទឹកផ្លែឈើ ពិសេសទឹកផ្លែប៉ោម ជាភេសជ្ជៈក្មេងតូចៗចូលចិត្ត។ ទោះជាយ៉ាងណា ប៉ាម៉ាក់ ក៏មិនគួរបណ្តោយឲ្យអូនៗធាត់ដោយសារទឹកផ្លែឈើនោះដែរ។ ជំនួសឲ្យទឹកផ្លែប៉ោម (ភេសជ្ជៈពេញដោយជាតិស្ករ និងមិនងាយរលាយក្នុងក្រពះ) យើងអាចឲ្យកូនផឹកជាទឹកផ្លែទំពាំងបាយជូរពណ៌សវិញ។ ទឹកផ្លែឈើ មួយចំនួន បានបន្ថែមជាតិកាល់ស្យូម ខណៈផ្លែប៉ោមដែលគេប្រើថ្នាំ នឹងមិនបានសម្អាត អាចមានបាក់តេរីបង្កគ្រោះថ្នាក់បាន។ មួយទៀត ត្រូវប្រុងប្រយ័ត្នចំពោះទឹកផ្លែឈើកំប៉ុងនៅតាមផ្សារទំនើប ព្រោះមានប្រហែល ១០% មានជាតិស្ករច្រើន ប៉ុន្តែគ្មានផ្ទុកជាតិកាឡូរីនោះទេ។
– ទឹកសុទ្ធ៖ ទឹកសុទ្ធងាយរកបានគ្រប់ទីកន្លែង ហើយក៏មានសារធាតុល្អបំផុត សម្រាប់អូនៗតូចៗទើបចេះដើរតេះតះ ពិសេសអំឡុងពេលអូនៗស្រេកទឹកខ្លាំង។ ទឹកសុទ្ធ ងាយស្រួលក្នុងការហូរចូលក្នុងពោះ និងធ្មេញក្មេងៗ ក៏អាចជួយបង្កើតរសជាតិដែរ ដូច្នេះប៉ាម៉ាក់ គួរតែបង្កើតទម្លាប់ផឹកទឹកសម្រាប់អូនៗ ចាប់ពីពេលនេះ ដើម្បីឲ្យអូនៗមានសុខភាពល្អ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម