ខែទី ១៨៖ អាអូនលែងចូលចិត្ត គោៗហើយ
ការលូតលាស់ និងអាកប្បកិរិយា
១- កូនលូតលាស់អីខ្លះ?
ក្នុងខែនេះអាអូនលូតលាស់ខ្លាំងណាស់។ ជាមធ្យមកូនយើងអាចមាន៖
-ទម្ងន់៖ ១០-១៤ គីឡូក្រាម(ប្រុស) និង ៩-១៣ គីឡូក្រាម(ស្រី)
-កម្ពស់៖ ៧៧-៨៧ សង់ទីម៉ែត្រ(ប្រុស) និង ៧៤-៨៦ សង់ទីម៉ែត្រ(ស្រី)
-ទំហំក្បាល៖ ៤៦-៥០ សង់ទីម៉ែត្រ(ប្រុស) និង ៤៤-៤៩ សង់ទីម៉ែត្រ(ស្រី)
បើកូនមិនស្ថិតនៅក្នុងតារាងលេខខាងលើនេះ សូមកុំបារម្ភព្រោះវាគ្រាន់ជាគណនាលេខជាមធ្យមប៉ុណ្ណោះ។ អ្វីដែលសំខាន់គឺអាអូនមានការលូតលាស់ និងសកម្ម។
២- បង្រៀនកូនដោយរបៀបណា?
ពេលខ្លះកូនអាចដើរបានល្អហើយតែពួកគេនៅតែចង់ឲ្យយើងបី ឬព ដោយសារតែពួកគេខ្លាចវង្វេង ហត់ ត្រូវការការយកចិត្តទុកដាក់ ឬគេឆ្លាត អត់ចង់ដើរ។
កូនៗចាប់ផ្តើមលែងចូលចិត្តផឹកទឹកដោះគោទោះបីជាពីមុនគេចូលចិត្តខ្លាំងក៏ដោយ។ បើមានរឿងបែបនេះកើតឡើងមិនចាំបាច់បារម្ភទេ ព្រោះកូនគ្រាន់តែចង់បានភាពឯករាជ្យតែប៉ុណ្ណោះ។ ត្រូវតែព្យាយាមបន្តឲ្យកូនៗញ៉ាំទឹកដោះគោ ប៉ុន្តែមិនត្រូវបង្ខំទេ។ អ្វីដែលត្រូវញ៉ាំគឺ កាល់ស្យូមឲ្យបានគ្រប់គ្រាន់ដូចជា ឈីស យ៉ៅអ៊ួ ឬលាយទឹកដោះគោក្នុងបង្អែមជាដើម។
សុខភាព និងសុវត្ថិភាព
៣- ពេទ្យសួរអីខ្លះ?
វាជាពេលដែលយើងត្រូវទៅជួបពេទ្យ។ គ្រូពេទ្យនឹងសួរសំណួរយើងមួយចំនួនដូចជា៖
– កូនញ៉ាំម៉េចដែរ? ញ៉ាំច្រើនអត់?
– កូនធ្វើសកម្មភាពច្រើនទេ? លេងក្រៅផ្ទះបានច្រើនអត់?
– អាអូនមានមើលទូរទស្សន៍ លេងទូរសព្ទ ឬ iPad អត់? ហើយ១ថ្ងៃលេងប៉ុន្មានម៉ោងដែរ?
សំណួរទាំងអស់នេះអាចឲ្យគ្រូពេទ្យដឹងពីការវិវត្តឥរិយាបទរបស់អាអូន។ ក្មេងនីមួយៗមានការលូតលាស់ខុសៗពីគ្នា ដូចនេះបើយើងមានចម្ងល់អ្វីបន្ថែមសូមពិគ្រោះជាមួយគ្រូពេទ្យ។
៤- ត្រូវដឹងពីអីខ្លះ?
ក្នុងខែនេះកូនយើងប្រាកដជាបានចាក់វ៉ាក់សាំងគ្រប់មុខអស់ហើយ។ វ៉ាក់សាំងទាំងនោះមានដូចជា៖
-វ៉ាក់សាំងផ្ដាសាយ៖ គួរយកអាអូនចាក់ជារៀងរាល់ឆ្នាំ។
-វ៉ាក់សាំងរលាកថ្លើមប្រភេទB៖ នេះជាការចាក់លើកទី៣ហើយក៏ជាលើកចុងក្រោយដែរ។
-វ៉ាក់សាំងជំងឺខាន់ស្លាក់៖ (ស្លេស្មច្រើននៅបំពង់កដែលធ្វើឲ្យប៉ះពាល់ដល់ការដកដង្ហើម)។
វ៉ាក់សាំងក្អកមាន់៖ អាអូនអាចនឹងត្រូវចាក់លើកទី៤ ហើយ។
-វ៉ាក់សាំងកញ្ជ្រឹល៖ បើកាលណាត់ជួបលើកមុនកូនយើងមិនទាន់បានចាក់ទេនេះជាលើកទី១ហើយ ព្រោះវាជួយការពារអាអូនពីជំងឺកុមារដ៏កាចសាហាវមួយនេះ។
-វ៉ាក់សាំងគ្រុនស្វិតដៃជើង(IPV)៖ ប្រសិនបើលើកមុនកូនយើងមិនបានចាក់នេះជាលើកទី៣ក្នុងចំណោម ៤លើកហើយ។
ការព្រួយបារម្ភ
៥- រឿងអីខ្លះគួរបារម្ភ?
ការរលាកកម្តៅថ្ងៃនៅក្នុងវ័យក្មេងធ្វើឲ្យកូនងាយប្រឈមនឹងជំងឺមហារីកស្បែកណាស់។ ដូចនេះហើយពេលកូនចេញលេងក្រៅផ្ទះគួរលាបឡេការពារកម្តៅថ្ងៃ ពាក់អាវដៃវែង ពាក់មួក ឬវែនតា។ យកល្អគួរឲ្យកូនលេងក្រោមម្លប់។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
The 18 month check up. http://www.babycenter.com/0_doctor-visit-the-18-month-checkup_6646.bc. Accessed October 1, 2015.
You 18 month old baby: Week 1. http://www.babycenter.com/6_your-18-month-old-week-1_5925.bc. Accessed October 1, 2015.
You 18 month old baby: Week 2. http://www.babycenter.com/6_your-18-month-old-week-2_10329384.bc. Accessed October 1, 2015.
You 18 month old baby: Week 3. http://www.babycenter.com/6_your-18-month-old-week-3_10329385.bc. Accessed October 1, 2015.
You 18 month old baby: Week 4. http://www.babycenter.com/6_your-18-month-old-week-4_10329386.bc. Accessed October 1, 2015.
18 month old. http://www.whattoexpect.com/toddler/18-month-old.aspx. Accessed October 1, 2015.
Your child’s 18 month checkup. http://www.whattoexpect.com/toddler-doctor-visits/18-month-checkups.aspx. Accessed October 1, 2015.
កំណែប្រែបច្ចុប្បន្ន
11/03/2019
អត្ថបទដោយ Duk Panharat
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ដេត ធន្នី
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម