កង្វះអង់ហ្ស៊ីមជាជំងឺពីកំណើតមួយ ដែលក្មេងៗមួយចំនួនងាយនឹងប្រឈម ហើយវាអាចបណ្ដាលឲ្យប៉ះពាល់ទៅដល់សុខភាព និងការលូតលាស់របស់ក្មេង។ ចុះជំងឺនេះ អាចព្យាបាលឲ្យជាដាច់ទេ?
ក្មេងកើតជំងឺកង្វះអង់ហ្ស៊ីម អាចព្យាបាលជាទេ?
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ទាក់ទងនឹងបញ្ហានេះ លោកវេជ្ជបណ្ឌិត អ៊ុន យូ ឯកទេសរោគកុមារ បានបកស្រាយឲ្យដឹងថា ជំងឺកង្វះអង់ហ្ស៊ីម កើតឡើងនៅពេលដែលកោសិការបស់ថ្លើម មិនផលិតអង់ហ្ស៊ីមនោះចេញមក ដើម្បីទៅជួយដល់ការរំលាយអាហាររបស់ក្មេង។ ជំងឺកង្វះអង់ហ្ស៊ីម គឺជាជំងឺពីកំណើត ប្រសិនបើពេទ្យធ្វើតេស្តឈាមរកឃើញថា ក្មេងមានកើតជំងឺនេះ គឺមិនមានមធ្យោបាយណា អាចព្យាបាលជំងឺកង្វះអង់ហ្ស៊ីមនេះឲ្យជាដាច់បានដែរ។
“បើក្មេងកើតជំងឺកង្វះអង់ហ្ស៊ីម គឺអត់មានការព្យាបាលទេ ហើយក៏មិនចាំបាច់ព្យាបាលដែរ ពីព្រោះជំងឺនេះ គឺជាជំងឺពីកំណើត។ ដូចនេះ យើងមិនចាំបាច់ទៅរកអង់ហ្ស៊ីមយកទៅដាក់ចូល ឬរកមធ្យោបាយអីដើម្បីឲ្យថ្លើមផលិតអង់ហ្ស៊ីមមកទេ”។ នេះជាការរៀបរាប់របស់លោកវេជ្ជបណ្ឌិត អ៊ុន យូ។
ទោះជាមិនអាចព្យាបាល ឬគ្មានការព្យាបាលក៏ដោយ លោកវេជ្ជបណ្ឌិតបានបញ្ជាក់ឲ្យដឹងថា ជំងឺកង្វះអង់ហ្ស៊ីម គឺមិនប៉ះពាល់ ឬផ្ដល់ផលពិបាកអីទៅដល់ក្មេងដែលឈឺទេ ប្រសិនបើម៉ាក់ប៉ាធ្វើតាមការណែនាំរបស់ពេទ្យមិនឲ្យញ៉ាំអាហារ ឬប្រភេទថ្នាំមួយចំនួនបានត្រឹមត្រូវ។ បើម៉ាក់ប៉ាថែទាំកូនបានល្អ មិនឲ្យកូនញ៉ាំអាហារដែលពេទ្យហាមឃាត់ គឺកូនដែលមានជំងឺកង្វះអង់ហ្ស៊ីម អាចលូតលាស់បានធម្មតា ទាំងកាយសម្បទា ទាំងបញ្ញា និងមានសុខភាពល្អដូចមនុស្សដែលគ្មានកើតជំងឺ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម