ម៉ាក់ប៉ាណាដែលមិនចង់ឲ្យកូនលូតលាស់បានល្អនោះ ឲ្យតែឃើញកូនញ៉ាំបានដឹងតែថាគិតថាកូនមានសុខភាពល្អណាស់។ មានម៉ាក់ប៉ាខ្លះ ឃើញកូនចូលចិត្តញ៉ាំសាច់អ៊ីចឹង បណ្ដោយកូនឲ្យញ៉ាំតែសាច់ពីមួយថ្ងៃទៅមួយថ្ងៃ ដោយមិនគិតថា វាមិនល្អដល់សុខភាពអាអូនយ៉ាងម៉េចខ្លះទេ។
មួយថ្ងៃៗ បើបណ្តោយឲ្យកូនញ៉ាំតែសាច់ ដូចយកជំងឺទាំងនេះដាក់ខ្លួនកូនអ៊ីចឹង
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចំពោះការឲ្យកូនញ៉ាំបែបនេះ លោកជំទាវ ប្រាក់ សោភ័ណនារី អនុរដ្ឋលេខាធិការ ក្រសួងសុខាភិបាល បានបកស្រាយឲ្យដឹងថា កាលដែលម៉ាក់ប៉ាទម្លាប់ឲ្យកូនញ៉ាំតែបាយ និងសាច់រាល់ថ្ងៃ ជារបបអាហារមួយមិនត្រឹមត្រូវទេ។ បើម៉ាក់ប៉ាឃើញកូនចូលចិត្តញ៉ាំតែសាច់ មិនព្រមដាក់បន្លែ ឬផ្លែឈើអីចូលពោះសោះ មិនគួរបណ្ដោយតាមកូន ឲ្យកូនញ៉ាំតែសាច់រៀងរាល់ថ្ងៃនោះទេ។ ក្នុងករណី កូនក្មេងតូចៗដែលញ៉ាំតែញ៉ាំសាច់ មិនព្រមញ៉ាំបន្លែអាចបង្កទៅជាហានិភ័យសុខភាពដូចជា៖
– កើតជំងឺធាត់
– លើសជាតិខ្លាញ់
– លើសជាតិប្រូតេអ៊ីន
– កើតជំងឺបេះដូង
– ទល់លាមក។ល។
លោកជំទាវបន្តថា ពីមួយថ្ងៃទៅមួយថ្ងៃ ម៉ាក់ប៉ាគួរផ្លាស់ប្ដូរ អាហារកូនឲ្យបានជម្រុះមុខ។ “ឧទាហរណ៍ថាថ្ងៃនេះ ឲ្យកូនញ៉ាំបន្លែការ៉ុត ឬស្ពៃ ស្អែកដាក់បន្លែផ្សេងឲ្យកូន ឬសាច់ត្រី សាច់គោអីឲ្យកូនទៅ មិនត្រូវឲ្យកូនញ៉ាំតែសាច់ដដែលៗរាល់ថ្ងៃពេក។”
ដូចនេះ ម៉ាក់ប៉ាត្រូវចេះលួចបញ្ចូលបន្លែ ផ្លែឈើទៅក្នុងរបបអាហាររបស់កូនខ្លះ ហើយមិនត្រូវបង្ខំកូនឲ្យញ៉ាំទេ គឺត្រូវចេះតិចនិកបញ្ចុកបាយកូនមាន ការលួងលោម និយាយផ្អែមដាក់កូន ឬអាចហៅបានថា សិល្បៈនៃការបញ្ចុកអាហារកូន។ នៅពេលដែលបញ្ចុកបាយ ម៉ាក់ប៉ាអាចនាំកូនលេងនេះនោះ ធ្វើអ្វីដែលក្មេងចូលចិត្ត បន្លំៗបញ្ចុកបាយកូន ធ្វើបែបនេះយូរទៅៗ កូននឹងទម្លាប់ញ៉ាំអាហារគ្រប់មុខហើយ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម