តាមគោលការណ៍ចាក់វ៉ាក់សាំង គឺត្រូវចាក់តាមថ្ងៃកំណត់ឲ្យគ្រប់ដូស្តទើបមានប្រសិទ្ធភាព ឯការចាក់មុន ឬពន្យារពេលចាក់វ៉ាក់សាំងមិនល្អនោះទេ។ ចុះបើកូនក្តៅខ្លួន ឬផ្តាសាយ ចំថ្ងៃត្រូវចាក់វ៉ាក់សាំង អាចចាក់វ៉ាក់សាំងបានអត់? ឬក៏ត្រូវពន្យារពេល?
ក្មេងក្តៅខ្លួន ឬផ្តាសាយ ចំថ្ងៃត្រូវចាក់វ៉ាក់សាំង អាចចាក់បានអត់?
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
តាមការបកស្រាយរបស់ មជ្ឈមណ្ឌលគ្រប់គ្រង និងបង្ការជំងឺឆ្លងរបស់អាមេរិក (CDC) ក្មេងៗនៅតែអាចចាក់វ៉ាក់សាំងបាន បើទោះបីជាមានអាការៈគ្រុនក្តៅ ឬឈឺល្មមៗ ព្រោះបញ្ហាទាំងនេះមិនប៉ះពាល់ដល់រាងកាយ ដើម្បីឆ្លើយតបទៅនឹងវ៉ាក់សាំងនោះទេ។
ក្នុងលក្ខខណ្ឌក្មេងៗមានឈឺជំងឺតិចតួចមួយចំនួនខាងក្រោមនេះ ម៉ាក់ប៉ាកុំពន្យារពេលអី ត្រូវនាំកូនទៅចាក់វ៉ាក់សាំងតាមពេលកំណត់។
– ក្តៅខ្លួនតិចៗ
– ផ្តាសាយ តឹងច្រមុះ ឬក្អក
– ឆ្លងរោគនៅត្រចៀក
– រាកល្មមៗ
CDC ពន្យល់ថា ការដែលរង់ចាំឲ្យកូនជាពីជំងឺតិចតួច ចាំនាំទៅចាក់វ៉ាក់សាំងនោះគ្មានប្រយោជន៍អីចំពោះសុខភាពទេ។ ការដែលសំខាន់ គឺយើងត្រូវនាំកូនទៅចាក់វ៉ាក់សាំងតាមថ្ងៃកំណត់ ទើបអាចការពារពួកគេពីជំងឺធ្ងន់ធ្ងរបាន ម្យ៉ាងវិញទៀត ការចាក់វ៉ាក់សាំងមិនធ្វើឲ្យស្ថានភាពជំងឺតិចតួចរបស់ក្មេងដែលកំពុងតែមានទៅជាធ្ងន់ធ្ងរឡើយ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម