គ្មានម៉ាក់ប៉ាណាមួយចង់ឲ្យកូនកើតមកមិនគ្រប់លក្ខណៈទេ ប៉ុន្តែមិនមែនគ្រប់ទារកទាំងអស់កើតមកសុទ្ធតែមានសុខភាពល្អគ្រប់សព្វដែរ។ ទារកខ្លះកើតមកជាមួយបញ្ហាពីកំណើតមួយចំនួនដែលយើងជាម៉ាក់ប៉ាមិនដែលដឹងច្បាស់ពីបញ្ហានោះដូចជា កង្វះអង់ហ្ស៊ីម ឬកង្វះអ័រម៉ូនទីរ៉ូអ៊ីតជាដើម។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
យើងគួរធ្វើម៉េចខ្លះ ដើម្បីកែលម្អបញ្ហានេះ?
អត្ថបទនេះមានកំហុស ព័ត៌មាន ឬតួលេខមិនត្រឹមត្រូវ
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
អត្ថបទនេះមានព័ត៌មានមិនគ្រប់គ្រាន់
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
ហមមម... ខ្ញុំមានចម្ងល់ពីបញ្ហាសុខភាពខ្លះចង់សាកសួរ
ថ្វីត្បិតតែ Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនក៏ពិតមែន ប៉ុន្តែពួកយើងពិតជាស្វាគមន៍រាល់មតិកែលម្អិតទាំងអស់របស់លោកអ្នកដែលតែងតែតាមដាន Hello គ្រូពេទ្យ ជាប្រចាំ។ សូមវាយបញ្ចូលមតិយោបល់របស់លោកអ្នកក្នុងប្រអប់ខាងក្រោម។
ជំងឺកង្វះអ័រម៉ូនទីរ៉ូអ៊ីត អាចឲ្យអាអូនធំឡើងខ្សោយប្រាជ្ញា
អ្វីទៅជាជំងឺកង្វះអ័រម៉ូនទីរ៉ូអ៊ីត?
លោកស្រីវេជ្ជបណ្ឌិត កុសល កណិការ ឯកទេសជំងឺទូទៅ បានបកស្រាយឲ្យដឹងថា ជំងឺកង្វះអ័រម៉ូនទីរ៉ូអ៊ីត (Congenital Hypothyroidism) ជាជំងឺខ្វះអ័រម៉ូនទីរ៉ូអ៊ីតធ្ងន់ធ្ងរមួយដែលកើតទៅលើទារក។ ជំងឺនេះអាចបង្កឡើងដោយសារក្រពេញទីរ៉ូអ៊ីតអាអូនមានបញ្ហា ឬកង្វះជាតិអ៊ីយូតនៅក្នុងខ្លួនម៉ាក់ៗអំឡុងពេលពពោះ។ ក្រពេញទីរ៉ូអ៊ីតរបស់យើងម្នាក់ៗ បញ្ចេញអ័រម៉ូនទីរ៉ូអ៊ីត ដែលមានតួនាទីយ៉ាងសំខាន់ក្នុងការលូតលាស់របស់មនុស្សយើង។
លោកស្រីបន្តថា ចំពោះទារកដែលមានជំងឺកង្វះអ័រម៉ូនទីរ៉ូអ៊ីត អាអូននឹងចេញរោគសញ្ញាមួយចំនួនដែលប៉ាម៉ាក់គួរចាប់អារម្មណ៍ដូចជា៖
– ទន់ មិនរស់រវើក
– ពោះប៉ោង
– ទល់លាមកជាប្រចាំ (ជុះតិចជាង ២ដង/សប្ដាហ៍)
– មិនព្រមបៅ
– ស្បែកលឿងរយៈពេលយូរ (លើសពី ១៤ថ្ងៃក្រោយកើត)
– ផ្ចិតលៀន
លើសពីនេះ ក្នុងករណីដែលអាអូន (អាយុ២-៦ខែ) មិនទទួលបានការព្យាបាលភ្លាមៗក៏មានចេញរោគសញ្ញាដទៃទៀតដែរ រួមមាន អណ្ដាតធំ ឬលៀន ការលូតលាស់យឺតខ្លាំង (ទាំងរាងកាយ និងប្រាជ្ញាស្មារតី) ខ្សោយប្រាជ្ញា។ល។
វេជ្ជបណ្ឌិតឯកទេសជំងឺកុមារនេះបញ្ជាក់ថា ជាទូទៅ ទារកដែលកើតបានអាយុ ៤៨ម៉ោង តម្រូវឲ្យធ្វើតេស្តជោះកែងជើង ព្រោះវាអាចជួយឲ្យដឹងបញ្ហាពីកំណើតរបស់ទារកដូចជំងឺកង្វះអ័រម៉ូនទីរ៉ូអ៊ីតនេះ ឬកង្វះអង់ហ្ស៊ីម G6PD ជាដើម។ ប៉ុន្តែ បើកូនមិនបានធ្វើតេស្តជោះកែងជើងមើលទេ ហើយចាប់អារម្មណ៍ថា កូនលេចចេញនូវសញ្ញាដូចដែលរៀបរាប់ ម៉ាក់ប៉ាគួរយកកូនទៅធ្វើតេស្តឈាមរកមើលជំងឺនេះ។ បើកូនទទួលបានការព្យាបាលត្រឹមត្រូវ ហើយទាន់ពេល អាអូននឹងមានការលូតលាស់ធម្មតាដូចក្មេងៗដទៃទៀតដែរ។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
