ម៉ាក់ប៉ាឥឡូវចូលចិត្តយកក្បាលដោះជ័រមកឲ្យកូនបៀម ឬលេង ដើម្បីបន្លប់ការយំ គេង និងឃ្លានបានមួយពេលៗ។ តែយើងក៏តែងឃើញមានព័ត៌មានមួយចំនួនទាក់ទងនឹងការបៀមក្បាលដោះជ័ររបស់ក្មេងតូចដែរថា ឧបករណ៍បែបនេះអាចបណ្ដាលឲ្យខូចធ្មេញកូនពេលធំឡើង។
ឲ្យកូនបៀមក្បាលដោះសឹងរាល់ថ្ងៃ ធំឡើងខូចធ្មេញអត់?
ចំពោះបញ្ហានេះលោកវេជ្ជបណ្ឌិត ញឹប អង្គាបុស្ស នាយកមន្ទីរពេទ្យកុមារជាតិ បានឲ្យដឹងថា លោកមិនគាំទ្រ ឬបដិសេធឡើយ ដោយលើកឡើងថា៖ “ជាធម្មតា របស់ដែលផលិតពីប្លាស្ទិក វាមានជាតិអុកស៊ីដង់ចូលទៅក្នុងខ្លួនក្មេងដែរ ព្រោះត្រូវក្ដៅផង ត្រូវភាពត្រជាក់ផង។ មួយវិញទៀត របស់ដែលក្មេងបៀមនោះស្អាតអត់ ហើយបើមិនស្អាតផង កូនបៀមជាប់រហូតអ៊ីចឹងវាប្រាកដជាមិនល្អហើយ”។
វេជ្ជបណ្ឌិតខាងលើបានបន្តថា ពេលក្បាលដោះជ័រនោះមិនស្អាត វាទៅជាបណ្ដាលឲ្យរាករូស ព្រោះមេរោគចូលទៅក្នុងខ្លួន។ ប៉ុន្តែ បើសួរថាវាប៉ះពាល់ដល់ធ្មេញ អញ្ចាញ ឬអត់ លោកមិនហ៊ានបញ្ជាក់ឡើយ ព្រោះមិនទាន់មានឯកសារណាគ្រប់គ្រាន់ដើម្បីបញ្ជាក់។
ការប្រើក្បាលដោះនេះទៀតសោត គួរលាងសម្អាតឲ្យបានត្រឹមត្រូវ និងតាមបច្ចេកទេសរបស់វត្ថុនោះ ព្រោះអាចបញ្ច្រៀសបញ្ហាឆ្លងមេរោគបាន។ ម្យ៉ាងទៀត គួរដូរតាមការកំណត់របស់ផលិតផលក្នុងរយៈពេល ៦ ខែម្ដងដូចដបទឹកដោះគោដែរ។ ចំណែកបញ្ហាមួយទៀត ប្រសិនបើកូនតូចមានជំងឺផ្ដាសាយ តឹងច្រមុះ គួរកុំឲ្យកូនបៀម ព្រោះគ្នាត្រូវដកដង្ហើមតាមមាត់ជំនួសវិញ ហើយបើមាត់ជាប់បៀម អាចបណ្ដាលឲ្យកូនពិបាកដកដង្ហើមបាន។
អត្ថបទពាក់ព័ន្ធ៖
- ប្រើប្រេងកូឡាលាបលើបង្ហើយក្មេងទើបកើត អាចប៉ះពាល់ខួរក្បាល
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ជីព ចិត្ត
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម