ម្សៅទឹកដោះគោឆុងទៅឆាប់រលាយ បញ្ជាក់ថាថ្មី ហើយមានគុណភាពល្អ? (វីដេអូ)

ម្សៅទឹកដោះគោសម្រាប់ក្មេង មិនមែនផ្សំឡើងពីទឹកដោះគោតែមួយមុខនោះទេ គឺមានបញ្ចូលសារធាតុច្រើនមុខដូចជា ប្រូតេអុីន ប្រេងបន្លៃ អស៊ីតខ្លាញ់ល្អ កាបូអុីត្រាត វីតាមីន ជាតិរ៉ែ និងគ្រឿងផ្សំដទៃទៀត ដើម្បីបំពេញតម្រូវការ ការលូតលាស់ផ្នែករាងកាយ និងបញ្ញាសកមារតី របស់ក្មេង។ បែបនេះហើយទើបម្សៅទឹកដោះគោងាយរលាយ ឬមិនងាយរលាយ អាស្រ័យលើរូបមន្តផលិត និងគ្រឿងផ្សំរបស់វាថាមានអ្វីខ្លះ។ នេះបើតាមការលើកឡើងរបស់លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៅមន្ទីរពេទ្យបង្អែកមិត្តភាពកម្ពុជា-ចិន សែនសុខ។