កូនចាប់ផ្តើមចេះដើរតេះតះ ជាវ័យដែលកូនចាប់ផ្តើមរពឹសដែរហើយ ចំក្មេងខ្លះរពឹសខ្លាំង ម៉ាក់ប៉ាច្បាស់ដេញចាប់វិលមុខមិនខាន។ ម៉ាក់មានដឹងទេ ពេលចេះដើរ ក្មេងចាប់ផ្តើមចេះញ៉ាំខ្លួនឯង ចាប់ផ្តើមលេងច្រើន ចេះរុករើរបស់របរគ្រប់កន្លែង ធ្វើឲ្យដៃងាយប៉ះពាល់នឹងរបស់កខ្វក់ ចៀសមិនផុតពីការឆ្លងមេរោគ ឬបាក់តេរីផ្សេង។
យើងមិនអាចឃាត់ក្មេងមិនឲ្យរពឹសបានទេ ព្រោះដល់វ័យដែលគេវិវត្តទៅមុខបន្តិចម្តងៗហើយ តែត្រូវចេះពីវិធីបង្ការខ្លួនក្មេងកុំឲ្យឆ្លងមេរោគទៅជាឈឺបាន។
១- សម្អាតដៃកូន
ការធ្វើអនាម័យជារឿងចាំបាច់បំផុត ម៉ាក់ប៉ាត្រូវលាងសម្អាតដៃកូនឲ្យបានស្អាតរាល់ពេលគេលេង ឬចាប់កាន់របស់អ្វីមួយ ពិសេសមុនពេលចាប់កាន់ចំណីអាហារញ៉ាំ។ កាលណាកូនយកដៃមិនស្អាតទៅញីភ្នែក ធ្វើឲ្យឈឺភ្នែក ចំណែកឯការយកដៃកខ្វក់ទៅលូកមាត់ ចាប់កាន់ចំណីអាហារមកញ៉ាំធ្វើឲ្យឆ្លងមេរោគ ទៅជាឈឺពោះ រាករូស ក្អួត ក្តៅខ្លួនជាដើម។
២- ចាក់វ៉ាក់សាំងការពារ
វ៉ាក់សាំងសំខាន់ខ្លាំងណាស់ចំពោះក្មេង ខណៈពួកគេមានប្រព័ន្ធការពារខ្សោយ ងាយនឹងរងការវាយប្រហារដោយមេរោគ ឬបាក់តេរីផ្សេងៗ ដូច្នេះមានតែការចាក់វ៉ាក់សាំងនោះទេ ទើបអាចការពារបាន។ នៅក្នុងកម្មវិធីជាតិបានផ្តល់ការចាក់វ៉ាក់សាំងបង្ការជំងឺ ១១ មុខដល់កុមារចាប់ពីពេលកើតភ្លាម ដល់អាយុ ២ ឆ្នាំ ដោយឥតគិតថ្លៃ ហើយចំពោះម៉ាក់ប៉ាដែលមានលទ្ធភាព ក៏អាចនាំកូនទៅចាក់វ៉ាក់សាំងផ្សេងៗបន្ថែមទៀតទៅតាមអាយុរបស់កូន។
អត្ថបទពាក់ព័ន្ធ៖ នេះជាវ៉ាក់សាំងបង្ការជំងឺទាំង១១មុខ សម្រាប់ចាក់ឲ្យកូនក្មេងពីពេលកើត ដល់អាយុ២ឆ្នាំ
៣- ញ៉ាំបន្លែផ្លែឈើ ឬទឹកដោះដែលជួយប្រព័ន្ធការពារ
ក្មេងចេះដើរភាគច្រើន ម៉ាក់ៗប្រហែលជាលែងឲ្យម៉ឹមដោះទៀតហើយ អ៊ីចឹងបើកូនម៉ឹមទឹកដោះគោ ម៉ាក់ចាំបាច់ជ្រើសរើសប្រភេទទឹកដោះគោណាដែលមានសារធាតុ Prebiotics ព្រោះវាជួយឲ្យក្មេងមានប្រព័ន្ធការពាររឹងមាំ មិនងាយឆ្លងជំងឺ។ ក្រៅពីមានក្នុងទឹកដោះគោរូបមន្តសម្រាប់កុមារ ប្រភពនៃ Prebiotics ក៏មាននៅក្នុងខ្ទឹមស ខ្ទឹមបារាំង ដើមខ្ទឹម ទំពាំងបារាំង សារាយសមុទ្រ សណ្តែកខៀវ សណ្តែកហោឡាំតាវ សណ្តែកសៀង ផ្លែប៊ើរី ផ្លែចេក គ្រាប់ធញ្ញជាតិគ្រប់ប្រភេទ និងយ៉ាអួ។
អត្ថបទពាក់ព័ន្ធ៖ អ្វីជា Prebiotics ហើយហេតុអ្វីពេលកូនទើបចេះដើរ ត្រូវការចាំបាច់បំផុត?
៤- កុំបណ្តោយឲ្យកូនទៅលេងជាមួយក្មេងឈឺ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
