អាការៈឈឺជើងកើតឡើងជាញឹកញាប់ចំពោះក្មេងតូចៗដែលមានអាយុចាប់ពី៣ទៅ៥ឆ្នាំ និងក្មេងជិតចូលជំទង់ ហើយជាទូទៅ វានឹងបាត់ទៅវិញនៅពេលពួកគេឈានចូលដល់វ័យជំទង់។ ការឈឺចាប់នេះគឺពុំបង្កគ្រោះថ្នាក់ឡើយ ហើយក៏គ្មានសញ្ញានៃជំងឺធ្ងន់ធ្ងរណាមួយផងដែរ។
ជាធម្មតា ការឈឺជើងកើតមាននៅសាច់ដុំភ្លៅ និងកំភួនជើង ឬខាងក្រោយជង្គង់។ ចំពោះកុមារដែលកើតមានអាការៈឈឺចាប់នេះ អាចប្រឈមនឹងការរមួលក្រពើ ឬការឈឺចាប់ពីស្រាលទៅធ្ងន់ធ្ងរ។
អាការៈឈឺជើងទាំងនេះរួមមាន៖
- កើតឡើងនៅពេលល្ងាច ឬយប់ និងអាចបាត់ទៅវិញនៅពេលព្រឹក
- មានសភាពធ្ងន់ធ្ងរដែលអាចធ្វើឲ្យក្មេងភ្ញាក់ពីគេង
- ជាទូទៅ កើតមានចំពោះជើងទាំងសងខាង
- កើតឡើងម្ដងម្កាល ឬជាច្រើនយប់ជាប់គ្នា
- អមមកជាមួយនឹងអាការៈឈឺក្បាល ឬឈឺពោះ
អាការៈឈឺជើងនេះអាចបណ្ដាលមកពីការរត់ លោត និងតោងឡើងនៅពេលដែលក្មេងលេង នៅអំឡុងពេលថ្ងៃ។
ការឈឺជើងនេះក៏អាចពាក់ព័ន្ធទៅនឹងកត្តាដទៃទៀតដូចជាហត់នឿយ រួយជើង ឬកង្វះវីតាមីនD ជាដើម។
