អាហារទាំងនេះសំបូរដោយប៉ូតាស្យូម ល្អសម្រាប់សុខភាព

ត្រួតពិនិត្យដោយ | ដោយ

កែសម្រួលចុងក្រោយនៅថ្ងៃទី 01/06/2020 . អាន 4 នាទី
Share now

ប៉ូតាស្យូម​គឺ​ជា​ជាតិ​រ៉ែ​សំខាន់​ដែលយើង​​ត្រូវការ​សម្រាប់​មុខងារ​សំខាន់ៗ​ជា​ច្រើន​របស់​រាងកាយ​យើង​។ បើ​សិនជា​​កង្វះ​ប៉ូតាស្យូម​​អាច​បង្ក​ឲ្យ​យើង​មាន​រោល​រមាស់ អស់កម្លាំង លើស​សម្ពាធ​ឈាម ខ្សោយ និង​ញ័រ​ទ្រូង។ មានការ​​ណែនាំ​ថា​កុមារ​អាយុ​ចន្លោះ​ពី​១​ទៅ​៣ឆ្នាំ​ត្រូវ​ការ​ប៉ូតាស្យូម ១,១ក្រាម​ក្នុង​មួយ​ថ្ងៃ និង​កុមារ​អាយុ​ចន្លោះ​ពី​៤ទៅ៦​ឆ្នាំ​ត្រូវការ ១,៥៥​ក្រាម​ក្នុង​មួយ​ថ្ងៃ។ សម្រាប់​ស្ត្រី​គឺ​៣, ២២៥​ក្រាមក្នុង​មួយ​ថ្ងៃ និង​បុរស ៣,​៧៥០​ក្រាម​ក្នុង​មួយ​ថ្ងៃ។

ហេតុអ្វី​ប៉ូតាស្យូម​សំខាន់​សម្រាប់​រាងកាយ?

ដូច​បាន​លើក​ឡើង​ខាង​លើ ប៉ូតាស្យូម​សំខាន់​សម្រាប់​មុខងារ​សំខាន់ៗ​របស់​រាងកាយ​ដូចជា៖​

  • ដើរតួ​ជា​អេឡិចត្រូលីត​នៅ​ក្នុង​រាងកាយ
  • រក្សា​លំនឹង​សារធាតុ​រាវ
  • ដើរ​តួនាទី​សំខាន់​ដល់​ដំណើរការ​របស់​ប្រព័ន្ធ​ប្រសាទ
  • រក្សា​ដំណើរការ​របស់​សាច់ដុំ និង​បេះដូង។

តើ​អាហារ​ណា​ខ្លះ​មាន​ប៉ូតាស្យូម​ច្រើន?

. សណ្ដែក​សៀង

សណ្ដែក​សៀង​១៧៩ក្រាម​ផ្ទុក​ប៉ូតាស្យូម ៨២៩មិល្លីក្រាម​។ ការ​សិក្សា​ដែល​មាន​អ្នក​ចូលរួម​ ២៥០ ០០០នាក់​បង្ហាញ​ថា​ការ​បង្កើន​ការ​ញ៉ាំ​ជាតិ​ប៉ូតាស្យូម​រហូត​ដល់ ១,៦៤ក្រាម​ ឬអាចស្មើ​នឹង​៤៥%​នៃ​កម្រិត​ត្រូវការ​ប្រចាំ​ថ្ងៃ​អាច​បន្ថយ​ហានិភ័យ​ជំងឺ​ដាច់​សរសៃ​ឈាម​ខួរក្បាល​បាន​២១%។ សណ្ដែក​សៀង​ក៏​សំបូរ​ដោយ​សារធាតុ​ចិញ្ចឹម​សំខាន់​ផ្សេងទៀត​ដូចជា​ ហ្វូឡាត (Folate) Thiamine ម៉ាញ៉េស្យូម ជាតិដែក ម៉ងកាណែស (Manganese) និង​ជាតិសរសៃ

. ស្ពៃពួយឡេង

ស្ពៃពួយឡេង​គឺ​ជា​បន្លែ​មួយ​ដែល​មាន​ប៉ូតាស្យូម​ខ្ពស់។ ស្ពៃពួយឡេង​ ១៨០​ក្រាម​មាន​ប៉ូតាស្យូម​ប្រហែល ៦៧៥​មិល្លីក្រាម។ ក្រៅពី​ប៉ូតាស្យូម ស្ពៃពួយឡេង​ក៏​មាន​វីតាមីន A កាល់ស្យូម វីតាមីន K និង​Manganese។ សារធាតុចិញ្ចឹម​ទាំង​នេះ​សុទ្ធតែ​ជួយ​ដល់​គំហើញ សុខភាព​ឆ្អឹង មេតាបូលីស និង​ប្រព័ន្ធ​ភាព​ស៊ាំ។

. មើម​ Beet

មើម Beet ១៧០​ក្រាម​ផ្តល់​ប៉ូតាស្យូម​ប្រហែល​៥១៨​មិល្លីក្រាម។ មើម​នេះ​ក៏​សំបូរ​ដោយ​ជាតិ​សរសៃ Manganese និង​Folate។ រីឯ​ជាតិ​ពណ៌​ក្រហម​នៃ​មើម​នេះ​គឺ​ជា​សារធាតុ​ប្រឆាំង​អុកស៊ីតកម្ម​ដែល​ប្រឆាំង​នឹង​ការ​ខូចខាត​បង្ក​ដោយ​ពពួក​រ៉ាឌីកាល់​សេរី​ដើម្បី​ពង្រឹង​ប្រព័ន្ធ​ភាពស៊ាំ។ មើម​នេះ​ក៏​មាន​នីដ្រាត​ដែល​ល្អ​សម្រាប់​សុខភាព​បេះដូង។

. ផ្លែ​ចេក​

ផ្លែ​ចេក​មួយ​ផ្លែ​ផ្ទុក​ប៉ូតាស្យូម​ ៤២២​មិល្លីក្រាម។ ផ្លែ​នេះ​ជា​ជម្រើស​ដ៏​ល្អ​សម្រាប់​បំពេញ​ជាតិ​ប៉ូតាស្យូម​ឡើង​វិញ​ក្រោយ​ពី​ហាត់​ប្រាណ​ ឬ​ពេល​អាកាសធាតុ​ក្ដៅ​ខ្លាំង។ ផ្លែ​ចេក​ក៏​សំបូរ​ដោយ​ជាតិ​សរសៃ​ដែល​ល្អ​សម្រាប់​ពោះវៀន​ដែរ។

. ផ្លែ​ប៊ឺរ

សម្រាប់​ផ្លែ​ឈើ​ដែល​សំបូរ​ដោយ​ប៉ូតាស្យូម និង​ល្អ​សម្រាប់​បេះដូង​ ផ្លែ​ប៊ឺរ​គឺ​ជា​ជម្រើស​ដ៏​ល្អ។ ផ្លែ​ប៊ឺរ​មួយ​ផ្លែ​មាន​ប៉ូតាស្យូម​ប្រហែល ៧៥០​មិល្លីក្រាម។ ផ្លែ​ប៊ឺរ​ក៏​សំបូរ​ដោយ​​ជាតិ​ខ្លាញ់ល្អ ជាតិ​សរសៃ វីតាមីន C វីតាមីន B6 វីតាមីន K សារធាតុ​ប្រឆាំង​អុកស៊ីតកម្ម និង ​Folate ​ដែល​ធ្វើ​ឲ្យ​ផ្លែ​នេះ​ល្អ​សម្រាប់​សុខភាព​បេះដូង។

. ត្រី​សាល់ម៉ុន

គ្នាយើង​ដែល​ញ៉ាំ​សាច់ត្រី​រាល់ថ្ងៃ​នឹង​មិន​មាន​បញ្ហា​ក្នុង​ការ​ទទួល​បាន​ប៉ូតាស្យូម​មិន​គ្រប់គ្រាន់​ទេ។ ត្រី​សាល់ម៉ុន ១៨៧ក្រាម​មាន​ប៉ូតាស្យូម​ប្រហែល​៦៨៣មិល្លីក្រាម។ បន្ថែម​ពី​នេះ ត្រី​សាល់ម៉ុន​សំបូរ​ដោយ​អាស៊ីតខ្លាញ់​អូមេហ្គា៣ វីតាមីន និង​ជាតិរ៉ែ​សំខាន់​សម្រាប់​ខួរក្បាល។ គេ​រក​ឃើញ​ថា​របបអាហារ​សំបូរ​ដោយ​ប៉ូតាស្យូម និង​ខ្លាញ់ត្រី​អាច​បន្ថយ​ហានិភ័យ​ជំងឺ​បេះដូង។

. ទឹកដូង

ទឹក​ដូង​មួយ​កែវផ្ទុក​ប៉ូតាស្យូម​៦០០មិល្លីក្រាម។ ទឹក​ដូង​ជា​ជម្រើស​ដ៏​ល្អ​សម្រាប់​បំពេញ​ជាតិ​ទឹក​ឡើង​វិញ​ដល់​រាងកាយ​ក្រោយ​ពី​ហាត់ប្រាណ​ និង​នៅ​ពេល​អាកាសធាតុ​ក្ដៅ។ ការ​សិក្សា​ជា​ច្រើន​បាន​រក​ឃើញ​ថា​ទឹកដូង​មាន​ប្រសិទ្ធភាព​ជាង​ទឹក​ធម្មតា​ក្នុង​ការ​បំពេញ​ជាតិ​ទឹក​ឡើង​វិញ​ដល់​រាងកាយ។

. ផលិតផល​ធ្វើ​ពី​ទឹកដោះគោ

ទឹកដោះគោ​មួយ​កែវ​ផ្ទុក​ប៉ូតាស្យូម​ប្រហែល ៣០០​មិល្លីក្រាម ហើយ​ទឹកដោះគោ​ជាតិខ្លាញ់​ទាប​មាន​ប៉ូតាស្យូម ៤០០​មិល្លីក្រាម​​​។ រីឯ​យ៉ាអួ​មួយ​ពែង (២៤៥ក្រាម) ផ្តល់ប៉ូតាស្យូម​៤០០មិល្លីក្រាម និង​បាក់តេរី​ល្អ​ជាច្រើន​ដែល​ជួយ​ដល់​ដំណើរការ​ពោះវៀន។ សម្រាប់​យ៉ាអួ យក​ល្អ​គួរ​ជ្រើសរើស​យ៉ាអួ​ដែល​មិន​មាន​សារធាតុ​បន្ថែម​រសជាតិ ឬ​ស្ករ។

. ផ្លែ​ក្រូច

ផ្លែ​ក្រូច​ក្រៅពី​វីតាមីន C ក៏​មាន​ផ្ទុក​ប៉ូតាស្យូម​ដែរ។ ទឹកក្រូច​មួយ​កែវ​មាន​ប៉ូតាស្យូម​ប្រហែល ៤០០មិល្លីក្រាម។ ក្រៅពី​នេះ​នៅ​មាន​វីតាមីន A  Folate  Thiamine (វីតាមីន B1) និង​សារធាតុ​ប្រឆាំង​អុកស៊ីតកម្ម។

១០. ដំឡូងបារាំង

ដំឡូងបារាំង​ដុត ៣០០ក្រាម​ផ្តល់​ប៉ូតាស្យូម​ ១២៧៥​មិល្លីក្រាម។ ដំឡូងបារាំង​ក៏​មាន​ពពួក​កាបូអ៊ីដ្រាត និង​ជាតិសរសៃ​ដែល​ល្អ​សម្រាប់​សុខភាព​ដែរ។ រីឯ​ដំឡូង​ជ្វា ១៨០ក្រាម​ផ្ទុក​ប៉ូតាស្យូម ៦៧៥​មិល្លីក្រាម។

១១. ទឹក​ជ្រលក់​ប៉េងប៉ោះ

ទឹក​ជ្រលក់​ប៉េងប៉ោះ​២៤៤ក្រាម​មាន​ប៉ូតាស្យូម​ប្រហែល​៦៣៨មិល្លីក្រាម។ ទឹក​ជ្រលក់​ប៉េងប៉ោះ​នេះ​ក៏​សំបូរ​ដោយ​វីតាមីន A  វីតាមីនC  វីតាមីនE  វីតាមីន B6 និង​ស្ពាន់។ រីឯ​សារធាតុ​ប្រឆាំង​អុកស៊ីតកម្ម lycopene មាន​ក្នុង​ប៉េងប៉ោះ​អាច​ប្រឆាំង​នឹង​ការ​ខូចខាត​បង្ក​ដោយ​ពពួក​រ៉ាឌីកាល់​សេរី ប្រឆាំង​ការរលាក និង​ពង្រឹង​ប្រព័ន្ធ​ភាព​ស៊ាំ។

អត្ថបទ​ពាក់ព័ន្ធ៖

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទពាក់ព័ន្ធ:

អត្ថបទនេះមានប្រយោជន៍ចំពោះអ្នកដែរទេ?
happy unhappy"
ប្រភព

អ្នកអាចចូលចិត្ត

ម៉ាក់ៗត្រូវចាំថា របបអាហារកូន ត្រូវតែមាន ៣ក្រុមនេះ ទើបល្អ

របបអាហារ - កូន​អាយុ​បាន ៦ខែ ម៉ាក់​ត្រូវ​ផ្តល់​អាហារ​បន្ថែម​ឲ្យ​កូន​ហើយ នោះ​គឺ​បបរ​ខាប់​គ្រប់​គ្រឿង ហើយ​ក្នុង​រយៈ​ពេល​នេះ​ទោះ​ជា​ក្មេង​ត្រូវ​ការ​អាហារ​...

ត្រួតពិនិត្យដោយ ចាន់ ស៊ីណេត
ដោយ ដេត ធន្នី

គ្នា​យើងឧស្សាហ៍ជួបបញ្ហាច្រាលអាស៊ីដក្រពះគួរចៀសវាង ឬញ៉ាំអាហារទាំងនេះតិច​តួច

ច្រាលអាស៊ីដក្រពះ - ច្រាល​អាស៊ីដ​ក្រពះ​កើត​មាន​នៅ​ពេល​ដែល​សារធាតុ​ក្នុង​ក្រពះ​មាន​ការ​កើន​ឡើង​ដល់​បំពង់​អាហារ ហើយគ្រូពេទ្យអាចធ្វើរោគវិនិច្ឆ័យ...

ត្រួតពិនិត្យដោយ ចាន់ ស៊ីណេត
ដោយ ថាត់ រ័ត្នមូនីតា

ដឹង​ប៉ុន្មាន​ចំណុច​នេះ អ្នក​ចូល​ចិត្ត​ម្ទេស ច្បាស់​ជា​សប្បាយ​ចិត្ត​វិញ​ហើយ​ (វីដេអូ)

អ្នក​ចូល​ចិត្ត​ម្ទេស-អាហារ​ហឹរ​មាន​លាក់​អាថ៌​កំបាំង​ច្រើន គ្នា​ភាគ​ច្រើន​ចង់​ដឹង។ អ្នក​ខ្លះ​ថាអ៊ី​ចេះ អ្នក​ខ្លះ​ថា​អ៊ីចុះ! ប៉ុន្តែ​ការ​ពិត...

ត្រួតពិនិត្យដោយ Chan Vutha
ដោយ Thearith Kuy

ក្រោយសម្រាលកូន ស្ត្រីត្រូវញ៉ាំអីខ្លះ ទើបមិនស្លេកស្លាំង សម្បូរទឹកដោះឲ្យកូនម៉ឹម?​ (វីដេអូ)

ក្រោយសម្រាលកូន-ស្ត្រី​សម្រាល​កូន​រួច ត្រូវ​ការ​ជីវជាតិ​បំប៉ន​ច្រើន​ដូច​ពេល​មាន​ផ្ទៃពោះ​​ដែរ ដោយ​ហេតុថា​​ម្តាយ​ត្រូវ​​ផលិត​ទឹក​ដោះ​ឲ្យ​កូន​បៅ...

ត្រួតពិនិត្យដោយ Chan Vutha
ដោយ Thearith Kuy
វីដេអូ, សម្រាលកូន 11/09/2020 . អាន 1 នាទី

អត្ថបទគួរអាន

ប៊ីចេង

ក្រៅពីធ្វើឲ្យអាហារឆ្ងាញ់ ប៊ីចេងអាចមានអត្ថប្រយោជន៍ចំពោះសុខភាពអត់?

ត្រួតពិនិត្យដោយ ចាន់ ស៊ីណេត
ដោយ ទ្រី រ៉ាវី
ចេញផ្សាយថ្ងៃទី 25/09/2020 . អាន 1 នាទី
អាហារពេលព្រឹក

លេសទាំងនេះ ជាសត្រូវនាំឲ្យយើងខកខានអាហារពេលព្រឹក

ត្រួតពិនិត្យដោយ ចាន់ ស៊ីណេត
ដោយ សន សុភា
ចេញផ្សាយថ្ងៃទី 25/09/2020 . អាន 3 នាទី
ញ៉ាំទុរេន

ញ៉ាំទុរេនហើយ មិនគួរញ៉ាំអាហារប្រភេទនេះតាមក្រោយទេ! (វីដេអូ)

ត្រួតពិនិត្យដោយ Chan Vutha
ដោយ Thearith Kuy
ចេញផ្សាយថ្ងៃទី 21/09/2020 . អាន 1 នាទី
លើស​សម្ពាធឈាម

​អាហារ ៦​ មុខនេះ មានប្រយោជន៍​ចំពោះអ្នកមានជំងឺ​លើសសម្ពាធឈាម

ត្រួតពិនិត្យដោយ ចាន់ ស៊ីណេត
ដោយ ថាត់ រ័ត្នមូនីតា
ចេញផ្សាយថ្ងៃទី 15/09/2020 . អាន 2 នាទី