អាហារមុខសញ្ញាបង្កអាលែកហ្ស៊ី ៦ប្រភេទ បើយើងមានបញ្ហានេះ គួរចៀសវាង

ត្រួតពិនិត្យដោយ | ដោយ

កែសម្រួលចុងក្រោយនៅថ្ងៃទី 25/11/2019 . អាន 2 នាទី
Share now

អាលែកហ្ស៊ី អាចបណ្ដាល​មកពី​កត្ដាជាច្រើន ដូចជា បរិស្ថាន អាកាសធាតុ ឬអាហារជាដើម។ ក្នុង​នោះ មាន​អាហារ ចំនួន ៦​ប្រភេទ ជា​មុខសញ្ញា​បង្ក​អាលែកហ្ស៊ី ហើយ​បើគ្នាយើង​មាន​បញ្ហា​អាលែកហ្ស៊ី គួរចៀសវាង​អាហារ​ប្រភេទ​ទាំងនេះ។

១. ទឹកដោះគោ

បញ្ហាអាលែកហ្ស៊ី​ជាមួយ​ទឹកដោះគោ ភាគច្រើន​កើតឡើង​លើទារក និង​កុមារ​តូចៗ ជាពិសេស នៅពេល​ពួកគេ​ផឹកទឹកដោះគោ​សម្បូរ​ប្រូតេអ៊ីន មុន​​អាយុ ៦ខែ។ កុមារ​តូចៗ អាច​ប្រឈម​នឹង​បញ្ហា​អាលែកហ្ស៊ី​ជាមួយ​ទឹកដោះគោ រហូត​ដល់​អាយុ ៣​ឆ្នាំ ខណៈ​មនុស្ស​ពេញវ័យ ប្រឈម​នឹង​បញ្ហា​នេះ តិចតួច​ទេ។

២. ស៊ុត

បន្ទាប់ពី​ទឹកដោះគោ ស៊ុតជា​អាហារ​បង្ក​អាលែកហ្ស៊ី លំដាប់​ទី២ ក្នុង​ចំណោម​កុមារ។ កុមារ​ប្រឈម​នឹង​បញ្ហា​អាលែកហ្ស៊ី​ជាមួយ​ស៊ុត រហូត​ដល់​ពួកគេ​មាន​អាយុ ១៦​ឆ្នាំ។ ភាគច្រើន យើងមាន​បញ្ហា​អាលែកហ្ស៊ី​ជាមួយ​ស៊ុតពណ៌ស ដោយសារ​ប្រូតេអ៊ីន ស្ថិតនៅ​ក្នុង​ផ្នែក​ពណ៌ស នៃ​ស៊ុត។

៣. គ្រាប់ធញ្ញជាតិ

គ្រាប់ធញ្ញជាតិ​របស់​ដើមឈើ (Tree Nut) ក៏បង្កបញ្ហា​អាលែកហ្ស៊ី​ផងដែរ តែ​នៅស្រុក​ខ្មែរយើង មាន​គ្រាប់ស្វាយចន្ទី។ ក្រៅពីនេះ ជាប្រភេទ​គ្រាប់ធញ្ញជាតិ​បរទេស ដូចជា គ្រាប់ Almonds គ្រាប់ Walnuts គ្រាប់ Pine Nuts ជាដើម។

៤. គ្រាប់សណ្ដែកដី

សណ្ដែកដី ជាអាហារ​ដែល​បង្ក​បញ្ហា​អាលែកហ្ស៊ី​ខ្លាំងផងដែរ ហើយ​វាអាច​បង្ក​ប្រតិកម្ម​ធ្ងន់ធ្ងរ រហូត​បាត់បង់​ជីវិត។ បញ្ហា​អាលែកហ្ស៊ី​ជាមួយ​សណ្ដែកដី ភាគច្រើន កើតឡើង​លើកុមារ ចំណែក​មនុស្ស​ពេញវ័យ កើតមាន​តិចតួច​នោះទេ។ កុមារ​ប្រឈម​នឹង​បញ្ហា​អាលែកហ្ស៊ី​ជាមួយ​សណ្ដែកដី រហូត​ដល់​ពួកគេ មាន​វ័យ​ជំទង់។

៥. សិប្បីសត្វ

បញ្ហា​អាលែកហ្ស៊ី​ជាមួយ​សិប្បីសត្វ បណ្ដាល​មកពី​រាងកាយ​របស់​យើង រងការ​វាយប្រហារ​ដោយ​ប្រូតេអ៊ីន​របស់​បង្គា ក្តាម ខ្យង បង្កង ជាដើម។ ភាគច្រើន ប្រតិកម្ម​អាលែកហ្ស៊ី​ជាមួយ​អាហារ​សមុទ្រទាំង​នោះ ដោយសារ​ប្រូតេអ៊ីន​ម្យ៉ាង ហៅថា Tropomyosin។ ជាធម្មតា ប្រតិកម្ម​អាលែកហ្ស៊ី​ជាមួយ​អាហារ​សមុទ្រ កើតឡើង​ភ្លាមៗ ក្រោយ​ញ៉ាំអាហារ។

៦. សណ្ដែកសៀង

បញ្ហា​អាលែកហ្ស៊ី​ជាមួយ​សណ្ដែកសៀង ភាគច្រើន កើតឡើង​លើ​ទារក និង​កុមារ​អាយុ​ក្រោម ៣​ឆ្នាំ។ បញ្ហានេះ បណ្ដាល​មកពី​ប្រូតេអ៊ីន​ក្នុង​សណ្ដែងសៀង ឬផលិតផល​មាន​ផ្ទុក​សណ្ដែកសៀង។ ភាគច្រើន អាហារ​ដែល​បង្ក​ប្រតិកម្ម​ជាមួយ​សណ្ដែងសៀង មាន​ដូចជា ទឹកដោះគោ​លាយ​សណ្ដែកសៀង ឬទឹកជ្រលក់​ជាដើម។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទពាក់ព័ន្ធ:

    អត្ថបទនេះមានប្រយោជន៍ចំពោះអ្នកដែរទេ?
    happy unhappy"

    អ្នកអាចចូលចិត្ត

    មាន​ជំងឺ​ក្រពះ​មួយ​នេះ ពេទ្យ​ឲ្យ​តម​ញ៉ាំ​កាហ្វេ​ហើយ

    ជំងឺក្រពះ - ការ​ញ៉ាំ​កាហ្វេ ឬ​តែ​រាល់​ថ្ងៃ អាច​មាន​ប្រយោជន៍​ជួយ​ដល់​សុខភាព​របស់​យើង​បាន​ដែរ ប៉ុន្តែ ប្រសិនបើយើងមានជំងឺ...

    ត្រួតពិនិត្យដោយ ចាន់ ស៊ីណេត
    ដោយ នាង សុខុមដាលីញ៉ា

    សារធាតុម្យ៉ាងក្នុងម្ទេសអាចជួយសម្រកទម្ងន់បាន

    ម្ទេស - រសជាតិ​ហឹរ​ក្នុង​ម្ទេស​បង្ក​ដោយ​សារធាតុ​ capsaicin ហើយ​សារធាតុ​នេះ​​មាន​ច្រើន​នៅ​ក្នុង​គ្រាប់​ម្ទេស​ជាង​សាច់​ម្ទេស...

    ត្រួតពិនិត្យដោយ គឹម កាណែល
    ដោយ ថាត់ រ័ត្នមូនីតា

    វិបត្តិធម្មជាតិ ៨ យ៉ាង ជាមូលហេតុធ្វើឲ្យស្ត្រីមិនអាចមានផ្ទៃពោះបាន

    អត់កូន - ការ​មិន​អាច​មាន​កូន​តាម​បំណង​គឺ​ជា​ផល​រំខាន​មួយ​យ៉ាង​ធំ​ ហើយមូល​ហេតុ​៨​យ៉ាង​នៃ​ការ​មិន​អាច​មាន​កូន​ដែល​បង្ក​ឡើង​...

    ត្រួតពិនិត្យដោយ ចាន់ ស៊ីណេត
    ដោយ នាង សុខុមដាលីញ៉ា

    បន្លែ ផ្លែឈើ ៥ មុខនេះអាចជួយបន្ថយស្នាមមុនបាន

    ស្នាមមុន - បញ្ហា​មុន​អាច​បង្ក​ការ​ខូចខាត​ដល់​ស្បែក និង​ជាលិកា​នៅ​ខាង​ក្រោម​ស្បែក ហើយ​រាងកាយ​យើង​ព្យាយាម​ជួសជុល​កន្លែង​ដែល​ខូចខាត និង​ផលិត​ខូឡាជែន...

    ត្រួតពិនិត្យដោយ ចាន់ ស៊ីណេត
    ដោយ ថាត់ រ័ត្នមូនីតា

    អត្ថបទគួរអាន

    ឫសដូងបាត

    ជិះកង់ធ្វើឲ្យឫសដូងបាតកាន់តែធ្ងន់ធ្ងរឬយ៉ាងណា?

    ត្រួតពិនិត្យដោយ គឹម កាណែល
    ដោយ ថាត់ រ័ត្នមូនីតា
    ចេញផ្សាយថ្ងៃទី 11/08/2020 . អាន 2 នាទី
    ចង្អោរ

    ក្រោយ​ញ៉ាំ​អាហារ​ហើយ​ចេះ​តែ​ចង្អោរ អាច​​មក​ពី​កត្តា​ទាំង​ប៉ុន្មាន​នេះ

    ត្រួតពិនិត្យដោយ ចាន់ ស៊ីណេត
    ដោយ នាង សុខុមដាលីញ៉ា
    ចេញផ្សាយថ្ងៃទី 11/08/2020 . អាន 2 នាទី
    ថាមពល

    ភ្ញាក់ពីគេងមានអារម្មណ៍អស់កម្លាំង ល្វើយគួរធ្វើម៉េច?

    ត្រួតពិនិត្យដោយ គឹម កាណែល
    ដោយ ថាត់ រ័ត្នមូនីតា
    ចេញផ្សាយថ្ងៃទី 11/08/2020 . អាន 2 នាទី
    ផោម

    ផោម ជារឿងធម្មតា តែបើផោមញឹក មានក្លិនស្អុយខ្លាំងទៀតអាចជាបញ្ហាសុខភាព

    ត្រួតពិនិត្យដោយ គឹម កាណែល
    ដោយ ថាត់ រ័ត្នមូនីតា
    ចេញផ្សាយថ្ងៃទី 11/08/2020 . អាន 3 នាទី