ក្នុងចំណោមករណីវិជ្ជមានកូវីដ ១៩ ចំនួន ៦២ករណីនៅព្រឹកនេះ មានកុមារាកុមារី ចំនួន ៦នាក់។ ក្នុងសេចក្តីជូនព័ត៌មានរបស់ក្រសួងសុខាភិបាល កុមារទាំង ៦នាក់ ដែលបានរកឃើញឆ្លងជំងឺកូវីដ ១៩ នៅថ្ងៃទី១១ មីនា ក្នុងព្រឹត្តិការណ៍សហគមន៍នោះមាននៅរាជធានីភ្នំពេញ ខេត្តកណ្តាល ព្រៃែវង និងកណ្តាល។
ក្មេងៗឆ្លងកូវីដ ១៩ កាន់តែច្រើនហើយ ព្រឹកនេះមានដល់ទៅ ៦នាក់ សូមប្រយ័ត្នកូនចៅ
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. កុមារាជនជាតិខ្មែរ អាយុ ១ឆ្នាំ៦ខែ នៅខណ្ឌដង្កោ រាជធានីភ្នំពេញ
២. កុមារីជនជាតិខ្មែរ អាយុ ១៣ឆ្នាំ រស់នៅសង្កាត់តាខ្មៅ ក្រុងតាខ្មៅ ខេត្តកណ្តាល
៣. កុមារាជនជាតិខ្មែរ អាយុ ៩ឆ្នាំ រស់នៅឃុំព្រែកខ្សាយ ស្រុកពាមរ៍ ខេត្តព្រៃវែង
៤. កុមារីជនជាតិខ្មែរ អាយុ ២ឆ្នាំ រស់នៅឃុំព្រែកខ្សាយ ស្រុកពាមរ៍ ខេត្តព្រៃវែង
៥. កុមារីជនជាតិខ្មែរ អាយុ ១៥ឆ្នាំ រស់នៅឃុំព្រែកខ្សាយ ស្រុកពាមរ៍ ខេត្តព្រៃវែង
៦. កុមារាជនជាតិខ្មែរ អាយុ ៦ឆ្នាំ រស់នៅរាជធានីភ្នំពេញ។
ក្នុងករណីដែលក្មេងតូចឆ្លងជំងឺ COVID-19 រោគសញ្ញាគឺមិនខុសពីរោគសញ្ញាលើមនុស្សពេញវ័យទេ។ រោគសញ្ញាទាំងនោះមានដូចជាពិបាកដកដង្ហើម ក្អក គ្រុនក្ដៅ និងច្រមុះហិតលែងដឹងក្លិនជាដើម។ ប៉ុន្តែក្រៅពីការសម្គាល់ដោយអាការៈពិបាកដកដង្ហើម ក្មេងអាចនឹងមានកន្ទួលក្រហម អស់កម្លាំង និងបញ្ហាផ្សេងទៀតដែលធ្វើឲ្យក្មេងមិនអាចគេងលក់បាន។ ម៉ាក់ប៉ាគួរពិគ្រោះជាមួយគ្រូពេទ្យភ្លាមៗប្រសិនជាកូនអាការៈខាងលើ ហើយគេងរហូត និងមិនញ៉ាំអ្វីទាំងអស់ ឬធ្វើសកម្មភាពប្រចាំថ្ងៃផ្សេងៗ។
យ៉ាងណាមិញ ម៉ាក់ប៉ាអាចនឹងមានការពិបាកក្នុងការសម្គាល់មើលរោគសញ្ញារបស់កូនប្រសិនជាកូនបានឆ្លងជំងឺ COVID-19 ក្នុងលក្ខខណ្ឌមិនមានរោគសញ្ញា។ ក្នុងស្ថានភាពនេះ ម៉ាក់ប៉ាអាចនឹងមិនសូវពិបាកចិត្តលើសុវត្ថិភាពរបស់កូន ព្រោះរាងកាយរបស់កូនអាចទប់ស្កាត់នឹងវីរុសបានល្អ។ គ្រូពេទ្យគ្រាន់តែផ្តល់ការណែនាំដល់ម៉ាក់ប៉ាក្នុងការថែទាំកូនអំឡុងពេលឈឺប៉ុណ្ណោះ ប៉ុន្តែអ្វីដែលគួរឲ្យបារម្ភគឺម៉ាក់ប៉ា បងប្អូន និងសហគមន៍ ព្រោះពួកគេអាចឆ្លងបាន។ វិធីដែលជួយឲ្យម៉ាក់ប៉ាសម្គាល់លើកូនដែលឆ្លងជំងឺ COVID-19 តែមិនមានរោគសញ្ញាបាន គឺតាមរយៈការតាមដានពេលកូនជួបជាមួយអ្នកដទៃ។ ការធ្វើតេស្ដទៅលើក្មេងដែលឆ្លង តែមិនមានរោគសញ្ញាគឺអាស្រ័យលើអ្នកដែលកូននៅជាមួយ ឬបានជួប។
ដោយឡែក ក្មេងដែលឆ្លងជំងឺ COVID-19 អាចនឹងមានជំងឺរលាកសរីរាង្គច្រើន ទោះបីជាករណីកម្រក៏ដោយ។ ជំងឺនេះអាចកើតមានប៉ុន្មានថ្ងៃ ឬសប្ដាហ៍ក្រោយពីក្មេងឆ្លងជំងឺ COVID-19។ អាការៈជំងឺកម្រនេះរួមមានគ្រុនក្ដៅមិនបាត់ ឈឺពោះ រាករូស ដៃជើងឡើងក្រហម ឬហើម ប្រេះបបូរមាត់ និងភ្នែកក្រហម។ ក្រៅពីសញ្ញាទាំងនេះ អាការៈពិបាកដកដង្ហើមក៏អាចកើតមានទោះជាករណីកម្រជួបក៏ដោយ។ ភាគច្រើនក្មេងដែលកើតមានជំងឺនេះត្រូវសម្រាកនៅមន្ទីរពេទ្យ និងក្មេងមួយចំនួនទៀតអាចនឹងត្រូវបញ្ជូនទៅផ្នែកសង្គ្រោះបន្ទាន់។
ហេតុនេះហើយម៉ាក់ប៉ាអាចបង្ការមិនឲ្យកូនឆ្លងជំងឺ COVID-19 ឬជំងឺរលាកសរីរាង្គច្រើនបង្កដោយ COVID-19 បានដោយរក្សាអនាម័យលាងដៃនឹងសាប៊ូជាប្រចាំ ពាក់ម៉ាស់ និងអនុវត្តការរក្សាគម្លាត។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម