backup og meta

ប្រទេសនៅអឺរ៉ុបខ្លះប្រកាសចាក់វ៉ាក់សាំងAstraZeneca ឡើងវិញ​

ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ ទូច សុខា · កែ Mar 19, 2021

ប្រទេសនៅអឺរ៉ុបខ្លះប្រកាសចាក់វ៉ាក់សាំងAstraZeneca ឡើងវិញ​

ក្រោយ​ពី​មាន​របាយការណ៍​ថា​អ្នក​បាន​ទទួល​វ៉ាក់សាំង​ប្រភេទ AstraZenecaជួប​បញ្ហា​ដុំ​កំណក​ឈាម និង​បាន​បណ្ដាល​ឲ្យ​មនុស្ស​នៅ​អឺរ៉ុប​ស្លាប់​យ៉ាង​តិច​ប្រាំ​បួន​នាក់ កាលពី​ថ្ងៃទី​១៧ និង​នៅ​ថ្ងៃទី​១៨ ខែមីនា នេះ​ទាំង​អង្គការ​សុខភាព​ពិភព​លោក និង​និយ័តករ​ឱសថ​អឺរ៉ុប​អះអាង​ថា​វ៉ាក់សាំង​ AstraZenecaមាន​ប្រសិទ្ធភាព​ប្រើ​ប្រាស់ និង​មាន​ផល​ល្អ​ជាង​ផល​រំខាន។

កាល​ពី​ថ្ងៃ​ទី​១៧ ខែ​មីនា ក្នុង​សេចក្ដី​ថ្លែង​ការណ៍​របស់​ខ្លួន អង្គការ​សុខភាព​ពិ​ភព​លោក​បញ្ជាក់​ថា បញ្ហា​ដុំ​កំណក​ឈាម​នៅ​សរសៃ​វ៉ែន គឺ​ជា​មូល​ហេតុ​ទូទៅ​ធំ​ទី​បី​នៅ​លើ​ពិភព​លោក ដែល​បង្ក​ឲ្យ​មាន​ជំងឺ​បេះដូង​។ ក្នុង​សេចក្ដី​ថ្លែង​ការ​ណ៍​ដែល អង្គការ​អន្តរជាតិ​មួយ​នេះ ថា​មន្ត្រី​ជំនាញ​របស់​ខ្លួន​នឹង​បន្ត​សិក្សា​ថែម​ទៀត​លើ​ទំនាក់​ទំនង​រវាង​វ៉ាក់សាំង​AstraZeneca និង​បញ្ហា​មាន​ដុំ​កំណក​ឈាម​នេះ​។

យ៉ាងណា អង្គការ​សុខភាព​ពិភព​លោក​បញ្ជាក់​ថា ក្នុង​ពេល​ជាមួយ​គ្នា​នេះខ្លួន​​យល់​ឃើញ​ថា​អត្ថប្រ​យោជន៍​បាន​ពី​វ៉ាក់សាំង​ AstraZeneca ​ខ្ពស់​ជាង​ផល​រំខាន និង​ណែ​នាំ​ឲ្យ​ប្រទេស​នានា​បន្ត​ចាក់​វ៉ាក់​សាំង​ប្រភេទ​នេះ​។

វ៉ាកសាំង

ដូច​គ្នា​ដែរ​កាល​ពី​ថ្ងៃ​ទី​១៨ ខែ​មីនា និយ័តករ​ឱសថ​របស់​អឺរ៉ុប​​បាន​​បញ្ជាក់​ថា​វ៉ាក់សាំង AstraZeneca មាន​សុវត្ថិភាព និង​ប្រសិទ្ធ​ភាព​ក្នុង​ការ​ប្រើ​ប្រាស់​។ ការ​បញ្ជាក់​នេះ​ធ្វើ​ឲ្យ​ប្រទេស​មួយ​ចំនួន​នៅ​អឺរ៉ុប​នឹង​បន្ត​ការ​ចាក់​វ៉ាក់សាំង​នេះ​ដល់​ពល​រដ្ឋ​ខ្លួន​ឡើង​វិញ​។

ភ្លាម​ៗ​​ក្រោយ​ពី​មាន​ការ​បញ្ជាក់​បែប​នេះ ប្រទេស​អាល្លឺម៉ង់ បារាំង អ៊ីតាលី និង​អេស្ប៉ាញ ថា​ខ្លួន​នឹង​ដំណើរ​ការ​ចាក់​វ៉ាក់​សាំង AstraZeneca នៅ​សប្ដាហ៍​ក្រោយ​ឡើង​វិញ។ ដោយ​ឡែក​ប្រទេស​ស៊ុយអែត និង​ន័រវែស បញ្ជាក់​ថា​ខ្លួន​នឹង​នៅ​បន្ត​រង់ចាំ​ការ​វាយ​តម្លៃ​បែប​វិទ្យាសាស្រ្ត​ពី​អ្នក​ជំនាញ​របស់​ខ្លួន​សិន​។​​

បើ​តាម​អង្គការ​សុខ​ភាព​ពិភព​លោក​វ៉ាក់​សាំង​នេះ​អាច​ចាក់​បាន​លើ​មនុស្ស​ចាប់​ពី​អាយុ​១៨​ឆ្នាំ​ឡើង និង​ក៏​អាច​ចាក់​បាន​ដែរ​លើ​មនុស្ស​វ័យ​៦៥​ឆ្នាំ​ឡើង​។

ដូច​គ្នា​ដែរ ការ​សិក្សា​កន្លង​មក​រក​ឃើញ​ថា វ៉ាក់សាំង AstraZeneca មាន​ប្រសិទ្ធ​ភាព​ប្រឆាំង​កូវីដ១៩ បាន​៧៦​ភាគ​រយ សម្រាប់​ការ​ចាក់​ដូសទី​១ និង​ក្រោយ​ពី​បាន​ចាក់​ដូស​ទី២ ប្រសិទ្ធភាព​ប្រឆាំង​កូវីដ១៩ ឡើង​ដល់​៨២​ភាគ​រយ​។

បដិសេធ

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ ទូច សុខា · កែ Mar 19, 2021

advertisement iconផ្សព្វផ្សាយពាណិជ្ជកម្ម

តើអត្ថបទនេះមានប្រយោជន៍ដែរទេ?

advertisement iconផ្សព្វផ្សាយពាណិជ្ជកម្ម
advertisement iconផ្សព្វផ្សាយពាណិជ្ជកម្ម