មន្ដ្រីនគរបាលម្នាក់ របស់ស្នងការដ្ឋាននគរបាលខេត្តត្បូងឃ្មុំម្នាក់ វិជ្ជមានកូវីដ ១៩ បានធ្វើដំណើរទៅច្រើនកន្លែងនៅក្នុងខេត្ត រួមទាំងរាជធានីភ្នំពេញ ហើយបានប៉ះពាល់ផ្ទាល់ជាមួយមនុស្ស ៨នាក់ និងប្រយោល ១៤នាក់។
ក្នុងសេចក្តីជូនដំណឹងរបស់រដ្ឋបាលខេត្តត្បូងឃ្មុំ បានបញ្ជាក់ថា មន្ត្រីនគរបាលរូបនេះមានអាសយដ្ឋាននៅសង្កាត់គីឡូម៉ែត្រលេខ ៦ ខណ្ឌឫស្សីកែវ រាជធានីភ្នំពេញ។ ចំពោះទីតាំងរបស់មន្ត្រីនគរបាលរូបនោះបានទៅ រួមមាន ស្នងការដ្ឋាននគរបាលខេត្ត អធិការដ្ឋាននគរបាលស្រុកមេមត់ ពេទ្យធ្មេញ អេ ឌេន ស្ថិតក្នុងស្រុកពញាក្រែក, មាត់ទន្លេសិប្បនិម្មិតខេត្តត្បូងឃ្មុំ អាហារដ្ឋាន តាលី បឹងសាឡាង អាហារដ្ឋាន ៧១ នៅជិតសាកលវិទ្យាល័យ ហេង សំរិន ត្បូងឃ្មុំ។
រដ្ឋបាលខេត្តត្បូងឃ្មុំ ក៏បានអំពាវនាវដល់ប្រជាពលរដ្ឋ ពិសេសអ្នកដែលបានជួបប្រាស្រ័យទាក់ទងប៉ះពាល់ដោយផ្ទាល់ និងដោយប្រយោល ជាមួយបុរសខាងលើ ទៅយកសំណាកនៅគ្រប់មន្ទីរពេទ្យក្នុងខេត្តត្បូងឃ្មុំ។
[embed-health-tool-bmi]
