គ្រប់វ៉ាក់សាំងទាំងអស់ រួមទាំងវ៉ាក់សាំងការពារជំងឺកូវីដ ១៩ ផង ក្រោយយើងចាក់រួចតែងតែមានផលរំខានខ្លះៗ។ តាមការផ្សព្វផ្សាយរបស់ក្រសួងសុខាភិបាល ផលរំខានក្រោយចាក់វ៉ាក់សាំងរួច មានដូចជា ឈឺ ឬហើមតិចតួចនៅកន្លែងចាក់ ក្តៅខ្លួន ស្រៀវស្រាញ អស់កម្លាំង ឈឺក្បាល ឈឺសាច់ដុំ ឈឺនៅសន្លាក់ វិលមុខ។ ផលរំខានទាំងនោះនឹងបាត់ទៅវិញ ក្នុងរយៈពេល ២-៣ ថ្ងៃ។
ក្នុងករណីមានផលរំខានខាងលើនេះ យើងអាចលេបថ្នាំបំបាត់ការឈឺចាប់ ឬថ្នាំបញ្ចុះកម្តៅ បើសិនជាមិនមានបញ្ហាសុខភាព ដែលពេទ្យហាមមិនឲ្យលេបថ្នាំប្រភេទនេះ។ តែប្រសិនបើឈឺ ឬហើមតិចតួចនៅកន្លែងចាក់ យើងអាចស្អំជាមួយកំណាត់សើមត្រជាក់ដែលស្អាត។
ទោះជាដឹងថា ក្រោយពេលចាក់វ៉ាក់សាំងមានផលរំខានបែបនេះក្តី តែពេទ្យហាមដាក់ខាតការលេបថ្នាំបំបាត់ការឈឺចាប់ ឬថ្នាំបញ្ចុះកម្តៅមុនពេលចាក់វ៉ាក់សាំង ដើម្បីការពារផលរំខាន។
[embed-health-tool-bmi]
