បុរសជនជាតិចិនម្នាក់ ស្នាក់នៅ Prince Tower ស្លាប់ដោយសារកូវីដ ១៩

បុរស​ជនជាតិ​ចិន អាយុ ៤២ឆ្នាំ ស្លាប់​ដោយសារ​ជំងឺ​កូវីដ ១៩ នៅ​មន្ទីរពេទ្យ​មិត្តភាពខ្មែរ-សូវៀត។ បើ​តាម​សេចក្តី​ជូនព័ត៌មាន​របស់​ក្រសួង​សុខាភិបាល បុរស​រូបនោះ​រស់នៅ Apartment Prince Tower សង្កាត់​វាលវង់ ខណ្ឌ ៧មករា រាជធានីភ្នំពេញ ស្លាប់​នៅ​ថ្ងៃទី០៤ មេសា​២០២១។

អ្នក​ជំងឺ​កូវីដ ១៩ ខាង​លើ​រក​ឃើញ​វិជ្ជមានកូវីដ ១៩ នៅថ្ងៃទី ២៧ មីនា ២០២១ ហើយ​ស្ថានភាព​អ្នក​ជំងឺ​មាន​សភាព​ធ្ងន់ធ្ងរតាំង​ពី​ពេល​ចូល​សម្រាកពេទ្យ​ដំបូង។ តាមការ​សន្និដ្ឋាន​របស់​ក្រុមគ្រូពេទ្យ​បុរស​រូបនេះ​ស្លាប់ដោយសារ​ខ្សោយ​សួត​ធ្ងន់ធ្ងរ និង​រលាក​សួត​សងខាង​ដោយសារ​ជំងឺកូវីដ ១៩។

នេះជា​ករណី​ស្លាប់ទី២១ ដោយសារ​ជំងឺកូវីដ ១៩ នៅ​កម្ពុជា ចាប់តាំង​​ពី​មានការ​រីករាលដាល​នៃ​ជំងឺ​កូវីដ ១៩។