ដូសទី២ អាចចាក់នៅកន្លែងផ្សេង ខុសពេលចាក់វ៉ាក់សាំងលើកទី១ បានអត់?

ក្រោយពីមានការសួរច្រើន ជុំវិញករណីចាក់វ៉ាក់សាំងលើកទី២ អាចទៅចាក់ខុសពីកន្លែងលើកទី១ ដោយភ្ជាប់ជាមួយប័ណ្ណចាក់ថ្នាំលើកទី១បានឬទេ? នៅព្រឹកថ្ងៃទី០៩ ខែ០៤ ឆ្នាំ២០២១ រដ្ឋលេខាធិការ និងជាអ្នកនាំពាក្យ នៃក្រសួងសុខាភិបាលលោកជំទាវ ឱ វណ្ណឌីន បានឆ្លើយតបបញ្ជាក់ថា អ្នកដែលចាក់វ៉ាក់សាំងលើកទី១ហើយ សុំទៅចាក់វ៉ាក់សាំងលើកទី២ នៅកន្លែងដែលបានចាក់លើកទី១វិញ ដោយសារតែ៖

១. ទិន្នន័យអ្នកចាក់នៅកន្លែងចាក់លើកទី១ស្រាប់

២. វ៉ាក់សាំងលើកទី២ ក៏បានរក្សាទុកនៅកន្លែងចាក់លើកទី១

៣. ការផ្ទៀងផ្ទាត់ចាំបាច់ត្រូវធ្វើនៅកន្លែងចាក់លើកទី១ ដើម្បីបញ្ជាក់ថា អ្នកដែលបានចាក់លើកទី១ បានមកចាក់លើកទី២ហើយ ឬនៅ?

៤. ចៀសវាងភាពច្របូកច្របល់នឹងការផ្ទេវ៉ាក់សាំងចុះឡើងពីកន្លែងមួយទៅកន្លែង ដែលធ្វើឲ្យខូចវ៉ាក់សាំង

៥. នៅកន្លែងចាក់លើកទី១ គ្រូពេទ្យបានជម្រាបរួចហើយ យើងគួរតែដឹងថា ខ្លួនត្រូវធ្វើយ៉ាងណាហើយ ដើម្បីចាក់លើកទី២ បានត្រឹមត្រូវ។

វ៉ាក់សាំង