រាជរដ្ឋភិបាលកម្ពុជា បានបែងចែកកំណត់បិទខ្ទប់រាជធានីភ្នំពេញ និងក្រុងតាខ្មៅជា ៣ គឺតំបន់ក្រហម តំបន់លឿងទុំ និងតំបន់លឿង ដើម្បីទប់ស្កាត់ការរីករាលដាលជំងឺកូវីដ-១៩។
អ្នករស់នៅតំបន់លឿង លឿងទុំ និងក្រហម អាចធ្វើ ឬមិនអាចធ្វើសកម្មភាពអីខ្លះ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
តំបន់ក្រហម៖ ភូមិសាស្ត្រដែលមានការឆ្លងរាលដាលធ្ងន់ធ្ងរនៃជំងឺកូវីដ-១៩ ក្នុងសហគមន៍។
តំបន់លឿងទុំ៖ ភូមិសាស្ត្រដេលមានការឆ្លងរាលដាលកម្រតិមធ្យមនៃជំងឺកូវីដ-១៩ក្នុងសហគមន៍។
តំបន់លឿង៖ ភូមិសាស្ត្រដេលមានការឆ្លងរាលដាលកម្រិតស្រាលនៃជំងឺកូវីដ-១៩ក្នុងសហគមន៍។
១. តំបន់លឿង
– អនុញ្ញាតឲ្យចរាចរណ៍គ្រប់ប្រភេទក្នុង”តំបន់លឿង” ប្រព្រឹត្តទៅជាធម្មតា ហើយសកម្មភាពការងារ មុខរបរ និងអាជីវកម្មគ្រប់ប្រភេទក៏ត្រូវបានអនុញ្ញាត លើកលែងតែមុខរបរមួយចំនួន នៅមិនទាន់អនុញ្ញាតឲ្យបើកនៅឡើយ។
– សកម្មភាពការងារ មុខរបរ និងអាជីវកម្មគ្រប់ប្រភេទនៅក្នុង “តំបន់លឿង” ត្រូវបានអនុញ្ញាតឲ្យបើកដំណើរការធម្មតា លើកលែងតែសាលារៀនទាំងរដ្ឋ និងឯកជន អាជីវកម្មក្លឹបកម្សាន្ដគ្រប់ប្រភេទ រោងភាពយន្ត ក្លឹបហាត់ប្រាណ ហាងលក់ និងសេពគ្រឿងស្រវឹងគ្រប់ប្រភេទ។ សកម្មភាពការងារ មុខរបរ និងអាជីវកម្មដែលបើកដំណើរការក្នុង”តំបន់លឿង” ត្រូវអនុវត្តវិធានការសុវត្ថិភាពផ្នែកសុខាភិបាលឲ្យម៉ឺងម៉ាត់។
– រាល់ការជួបជុំ ឬប្រមូលផ្ដុំមនុស្សជាឯកជនដែលមានលក្ខណៈកកកុញ ឬដែលមានមនុស្សចូលរួមលើសពី១០នាក់ត្រូវបានហាមឃាត់ លើកលែងជាការជួបជុំក្នុងចំណោមសមាជិកគ្រួសារដែលរស់នៅលំនៅដ្ឋានជាមួយគ្នា ការរៀបចំបុណ្យសពដោយគោរពតាមការកំណត់របស់អាជ្ញាធរ។
– រាល់ការជួបជុំ ឬប្រមូលផ្ដុំមនុស្សដើម្បីសេពគ្រឿងស្រវឹងគ្រប់ប្រភេទ ត្រូវបានហាមឃាត់។
២. តំបន់លឿងទុំ
– បុគ្គលគ្រប់រូបត្រូវបានហាមឃាត់មិនឲ្យធ្វើដំណើរ ចេញពីលំនៅឋាន ឬទីសំណាក់បច្ចប្បន្នរបស់ខ្លួន។ ក្នុងករណីមានការបំពានវិធានការច្បាប់យ៉ាងម៉ឹងម៉ាត់ ដោយរួមទាំងការឃាត់ទុកជាបណ្ដោះអាសន្ននូវមធ្យោបាយធ្វើដំណើរដោយអនុលោមតាមបទប្បញ្ញត្តិ និងនីតិវិធីចាធរមាន។ ប៉ុន្តែការធ្វើដំណើរអាចលើកលែងក្នុងករណីចាំបាច់ដូចជា ប្រកបមុខរបរ ឬបំពេញការងារវិស័យឯកជន អមដោយឯកសារបញ្ជាក់អត្តសញ្ញាណ និងលិខិតបញ្ជាក់ការងារ។ ការធ្វើដំណើរទៅកាន់កន្លែងលក់ម្ហូប ឱសថស្ថាន និងទីកន្លែងលក់សម្ភារៈប្រើប្រាស់ចាំបាច់ប្រចាំថ្ងៃ ដោយធ្វើដំណើរបាន២ ឬ៣នាក់ក្នុងមួយគ្រួសារ (មិនលើស៣នាក់) ក្នុងមួយសប្ដាហ៍ និងនៅទីតាំងជិតបំផុតក្នុងរង្វង់ភូមិសាស្ត្រ ឬខណ្ឌ ដោយយកនូវអត្តសញ្ញាប័ណ្ណសញ្ជាតិខ្មែរ ឬប័ណ្ណសម្គាល់ខ្លួន ជាដើម។
– ហាមឃាត់រាល់សកម្មភាពការងារ មុខរបរ ឬអាជីវកម្មទាំងអស់ដែលមិនមែនជាតម្រូវការចាំបាច់ប្រចាំថ្ងៃ
– ហាមឃាត់រាល់ការជួបជុំ ឬការប្រមូលផ្ដុំមនុស្ស លើកលែងតែក្នុងករណីចាំបាច់ដូចចាំ ជួបជុំសមាជិកគ្រួសារក្នុងលំនៅដ្ឋាន ឬទីសំណាក់ជាមួយគ្នា រៀបចំពិធីបុណ្យសព ដោយគោរពតាមការកំណត់របស់អាជ្ញាធរ ។ល
– ត្រូវបានអនុវត្តបម្រាមគោចរនៅ”តំបន់លឿងទុំ” ដោយផ្អាកជាបណ្ដោះអាសន្ននូវរាល់ការធ្វើចរាចរណ៍ និងរាល់សកម្មភាពការងារ មុខរបរ ឬអាជីវកម្មនៅចន្លោះម៉ោង ២០ (ម្ភៃ) ដល់ម៉ោង ៥ (ប្រាំ) លើកលែងតែករណីដឹងជញ្ជូនអាហារ ការធ្វើដំណើររបស់មន្ត្រីរាជការ និងកងកម្លាំងប្រដាប់អាវុធគ្រប់ប្រភេទ មួលហេតុចាំបាច់ និងបន្ទាន់ក្នុងគ្រួសារ ទៅឱសថស្ថាន។ល។
៣. តំបន់ក្រហម
– ហាមឃាត់មិនឲ្យចេញពីលំនៅឋាន ឬទីសំណាក់បច្ចុប្បន្ន រួមទាំងមិនអនុញ្ញាតឲ្យធ្វើសកម្មភាពកីឡានៅខាងក្រៅលំនៅដ្ឋាន។ តែការធ្វើដំណើរចេញក្រៅលំនៅដ្ឋានបាន ឬទីសំណាក់បច្ចុប្បន្ន ឬការធ្វើដំណើរចេញចូល “តំបន់ក្រហម” បានលុះត្រាមានករណីចាំបាច់ដូចជា មានមួលហេតុសុខភាពបន្ទាន់ ទៅយកសំណាកវិភាគរកមេរោគកូវីដ-១៩ ឬចាក់វ៉ាក់សាំង ឬមន្ត្រីរាជការ បុគ្គលិក ទៅបំពេញកាត្វកិច្ចដោយមានលិខិតអនុញ្ញាតធ្វើដំណើរ។
– ផ្សារ និងទីកន្លែងលក់ម្ហូបអាហារ និងគ្រឿងឧបភោគបរិភោគ រួមទាំងទីកន្លែងលក់ និងសេពគ្រឿងស្រវឹងគ្រប់ប្រភេទ ព្រមទាំងសកម្មភាពការងារ មុខរបរ និងអាជីវកម្មទាំងអស់នៅក្នុង “តំបន់ក្រហម” ត្រូវផ្អាកជាបណ្ដោះអាសន្ន លើកលែងសេវាពន្លត់អគ្គីភ័យ សេវាផ្គត់ផ្គង់ទឹកស្អាត សេវាផ្គត់ផ្គង់ឱសថ និងសម្ភារៈបរិក្ខាពេទ្យ។ល។
– រាល់ការជួបជុំ ឬការប្រមូលផ្ដុំមនុស្ស ដើម្បីសេពគ្រឿងគ្រប់ប្រភេទ ត្រូវបានហាមឃាត់។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម