ស្ត្រីមួយចំនួនងាយនឹងប្រឈមការកើតជំងឺកូវីដ-១៩ធ្ងន់ធ្ងរ និងអាចមានគ្រោះថ្នាក់ដល់អាយុជីវិតជាងអ្នកដទៃទៀត ប្រសិនបើពួកគេស្ថិតនៅក្នុងលក្ខខ័ណ្ឌសុខភាពទាំងប៉ុន្មាននេះ។
កត្តា៤យ៉ាង ធ្វើឲ្យស្ត្រីមានហានិភ័យខ្ពស់កើតជំងឺកូវីដ-១៩ ធ្ងន់ធ្ងរ
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ជំងឺកូវីដ-១៩ កើតឡើងចំពោះស្ត្រី
ស្រីៗយើងមិនងាយនឹងឆ្លងមេរោគឡើយ បើប្រៀបធៀបនឹងបុរស នេះដោយសារតែប្រព័ន្ធភាពស៊ាំខុសគ្នា អ័រម៉ូនSteroid និងវត្តមាននៃក្រូម៉ូសូម X ពីរ។ លើសពីនេះ ជាទូទៅស្រីៗផលិតកម្រិតអង់ទីករខ្ពស់ ដែលបន្សល់នៅក្នុងចរន្តឈាមបានយូរ ក៏ដូចជាកម្រិតសកម្មនៃកោសិកាភាពស៊ាំខ្ពស់ជាងបុរស។
យោងតាមការសិក្សាជាច្រើនបានបង្ហាញថា បុរសមានហានិភ័យខ្ពស់នៃការឆ្លងជំងឺកូវីដ-១៩ និងធ្លាក់ខ្លួនឈឺធ្ងន់ធ្ងរ ព្រមទាំងអាចបាត់បង់ជីវិតជាងស្ត្រី។ កម្រិតអ័រម៉ូនTestosterone របស់បុរសជាកត្តាមួយដែលធ្វើឲ្យបុរសងាយធ្លាក់ខ្លួនឈឺធ្ងន់ធ្ងរ។ យ៉ាងណាមិញ ស្រីៗក៏ងាយប្រឈមនឹងការធ្លាក់ខ្លួនឈឺធ្ងន់ធ្ងរ ព្រមទាំងអាចគ្រោះថ្នាក់ដល់អាយុជីវិតដូចគ្នា ប្រសិនបើស្ថិតនៅក្នុងលក្ខខណ្ឌសុខភាពទាំងនេះ។
១. ធាត់ជ្រុល
ជាក់ស្ដែង ការធាត់ជ្រុលអាចកំណត់ថា ជាកត្តាហានិភ័យនៃការកើតជំងឺកូវីដ-១៩ធ្ងន់ធ្ងរ និងអាចគ្រោះថ្នាក់ដល់ជីវិត។ ទន្ទឹមនឹងនេះដែរ ភាពធាត់ចំពោះបុរសមានហានិភ័យខ្ពស់ក្នុងការឆ្លងជំងឺកូវីដ-១៩ធ្ងន់ធ្ងរជាងស្ត្រីទៅទៀត។
២. ជំងឺរ៉ាំរ៉ៃ
ស្ត្រីដែលមានជំងឺរ៉ាំរ៉ៃដូចជាជំងឺបេះដូង សួត ទឹកនោមផ្អែម មហារីក និងជំងឺដទៃទៀតមានហានិភ័យកាន់តែខ្ពស់ក្នុងការឆ្លងកូវីដ-១៩ធ្ងន់ធ្ងរ និងអាចគ្រោះថ្នាក់ដល់អាយុជីវិត ជាងស្ត្រីដែលមានសុខភាពល្អ។
៣. មានផ្ទៃពោះ
យោងតាមទិន្នន័យបានបង្ហាញថាស្ត្រីពពោះងាយកើតជំងឺកូវីដ-១៩កម្រិតធ្ងន់ធ្ងរ និងអត្រាមរណភាព បើប្រៀបធៀបទៅនឹងអ្នកដែលមិនមានផ្ទៃពោះ។ ហានិភ័យនៃការកើតជំងឺកូវីដ-១៩កាន់តែធ្ងន់ធ្ងរចំពោះស្ត្រីពពោះដែលមានអាយុច្រើន លើសទម្ងន់ ឬមានបញ្ហាសុខភាពពីមុនមកដូចជាជំងឺលើសឈាម និងទឹកនោមផ្អែម។ ម្យ៉ាងវិញទៀត ស្ត្រីដែលឆ្លងជំងឺកូវីដ-១៩នៅអំឡុងពេលពពោះ ក៏មានហានិភ័យនៃការសម្រាលកូនមិនគ្រប់ខែផងដែរ។
៤. កត្តាអាយុ
ជាមួយគ្នានេះដែរ បើប្រៀបធៀបនឹងស្ត្រីវ័យក្មេង ស្ត្រីដែលមានវ័យចំណាស់ងាយធ្លាក់ខ្លួនឈឺធ្ងន់ធ្ងរ និងអាចគ្រោះថ្នាក់ដល់ជីវិត បន្ទាប់ពីឆ្លងជំងឺកូវីដ-១៩។ កត្តានេះកើតឡើងដោយសារតែប្រព័ន្ធភាពស៊ាំរបស់យើងចុះខ្សោយ ដែលធ្វើឲ្យរាងកាយពិបាកក្នុងការប្រយុទ្ធប្រឆាំងនឹងជំងឺឆ្លងផ្សេងៗ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម