ស្ត្រីពពោះ ប្រឈមនឹងគ្រោះថ្នាក់ធ្ងន់ក្រោយឆ្លងវីរុសបំប្លែង Delta ដែលទាមទារការព្យាបាលនៅមន្ទីរពេទ្យ និងបំពាក់ឧបករណ៍ជំនួយការដកដង្ហើម។ នេះបើតាមការឲ្យដឹងពីក្រុមគ្រូពេទ្យប្រចាំតំបន់ក្នុងទីក្រុង Austin រដ្ឋTexas សហរដ្ឋអាមេរិក។
មាតិកា
វីរុសបំប្លែង Delta បង្កឲ្យមានរោគសញ្ញាធ្ងន់ធ្ងរក្នុងចំណោមស្ត្រីពពោះ
វេជ្ជបណ្ឌិត Jessica Ehrig ប្រធានផ្នែកសម្ភពនៃមជ្ឈមណ្ឌលវេជ្ជសាស្ត្រ Baylor Scott បានឲ្យដឹងទៀតថា វីរុសបំប្លែង Delta នេះកំពុងជះឥទ្ធិពលដល់ស្ត្រីមានផ្ទៃពោះកាន់តែធ្ងន់ធ្ងរ។ ម៉ាក់ៗពពោះដែលឆ្លងមេរោគកូវីដ-១៩ ក្នុងអំឡុងពេលរាតត្បាតវីរុសបំប្លែង Delta ភាគច្រើនត្រូវបានបញ្ជូនទៅមន្ទីរពេទ្យជាមួយអាការៈធ្ងន់ធ្ងរ ក្នុងករណីខ្លះអាចត្រូវបញ្ជូនចូលបន្ទប់ ICU ដើម្បីព្យាបាល។ ក្រុមគ្រូពេទ្យក៏សង្កេតឃើញថា ចំពោះស្ត្រីពពោះដែលឆ្លងវីរុសបំប្លែង Delta ជួបផលពិបាកមួយចំនួនដូចជា៖
- សម្រាលកូនមិនគ្រប់ខែ
- បង្កើនហានិភ័យកើតជំងឺបម្រុងក្រឡាភ្លើង ជាហេតុកូនកើតមិនគ្រប់ខែ
- អាចបណ្ដាលឲ្យគភ៌ស្លាប់ក្នុងផ្ទៃ។
បន្ថែមពីលើនេះ វេជ្ជបណ្ឌិត Kimberly DeStefano នៃមជ្ឈមណ្ឌលវេជ្ជសាស្ត្រ North Austin St. ឲ្យដឹងថា ស្ត្រីពពោះបង្ហាញរោគសញ្ញាធ្ងន់ធ្ងរក្រោយឆ្លងវីរុសបំប្លែង Delta គឺជាក្រុមមនុស្សដែលមិនទាន់ទទួលបានវ៉ាក់សាំងប្រឆាំងជំងឺកូវីដ-១៩។
ហេតុនេះហើយ វេជ្ជបណ្ឌិតរូបនេះ ជំរុញឲ្យវ៉ាក់សាំងកូវីដ-១៩ អាចចាក់បានចំពោះស្ត្រីពពោះ និងឲ្យម៉ាក់ៗបន្តពាក់ម៉ាស រក្សាគម្លាត និងលាងដៃឲ្យស្អាតជានិច្ចជាមួយជែល និងអាល់កុលលាងដៃ ឬសាប៊ូ និងទឹកស្អាត។
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
More Pregnant Women Are Hospitalized With Severe COVID-19 Symptoms As Delta Variant Surges, Central Texas Doctors Say https://www.kut.org/covid-19/2021-08-02/austin-public-health-severe-symptoms-among-pregnant-women-covid-19-delta-variant
Pregnant women more likely to be hospitalised with Delta Covid variant https://www.pulsetoday.co.uk/news/coronavirus/rising-covid-admissions-among-pregnant-women-as-study-reveals-delta-severity/
Austin-area unvaccinated pregnant women increasingly hospitalized with delta variant, maternal death risk high https://www.kxan.com/news/coronavirus/variants-effect-on-pregnant-women-to-be-discussed-by-area-health-experts-at-1030-a-m/
កំណែប្រែបច្ចុប្បន្ន
04/08/2021
អត្ថបទដោយ នាង សុខុមដាលីញ៉ា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ដេត ធន្នី
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម